close

Top Lajme

Top LajmeVendi

SHKUP: VMRO DO TË PROPOZOJË LIGJ PËR AMNISTI

Screenshot_3

VMRO pret që të ketë referendum


Kryetari i VMRO-DPMNE-së Hristijan Mickoski, ka njoftuar se para organeve të partisë së tij do të propozojë që të përpunojnë ligj për amnisti të personave të dënuar për ngjarjet e 27 prillit të vitit të kaluar në Kuvendin e Maqedonisë. Kryetari i kësaj partie  ka kumtuar se partia fillimisht pret që të shohë nëse do të ketë referendum.

Kryetari i opozitares VMRO-DPMNE, mbrëmë i ka zbuluar kërkesat kyçe prej të cilave varen hapat e tyre politike. Ai ka kumtuar se partia fillimisht pret që të shohë nëse do të ketë referendum, cila do të jetë pyetja e referendumit dhe cilat do të jenë hapat e pushtetit, ndërkaq më pas do të sjell vendim nëse do të marrim pjesë në referendum.

“Nuk e dimë nëse sigurt do të ketë referendum. Nuk e di si Zaev e planifikon referendumin, kur për atë duhet të kemi të formuar Komisionin Shtetëror të Zgjedhjeve. Do të shohim se si do të zhvillohet procesi, të presim, pastaj do të veprojmë dhe do t’i informojnë qytetarët”, deklaroi Mickoski.

Kryetari i VMRO-DPMNE-së Hristijan Mickoski, ka njoftuar se para organeve të partisë së tij do të propozojë që të përpunojnë ligj për amnisti të personave të dënuar për ngjarjet e 27 prillit të vitit të kaluar në Kuvendin e Maqedonisë. Mickoski gjithashtu ka thënë se propozim-ligji do të dorëzohet në Kuvend dhe se do të kërkojë mbështetje edhe nga deputeti Ziadin Sela.

“Si kryetar i VMRO-DPMNE-së përpara organeve do të propozoj dhe do të kërkoj mbështetje nga ana e Komitetit Ekzekutiv që të përpunojnë ligj për amnisti të këtyre njerëzve, pasi që shihet qartë se është qërim i hesapeve politike, dhe jo dëshmim të veprës penale. Nëse marr mbështetje, pasi që të përpunohet ky ligj, i njëjti do të dorëzohet në Kuvend. Do të kërkoj mbështetje edhe nga ana e Ziadin Selës që ta përkrahë të njëjtin ligj’, tha Mickoski.

Por, VMRO-DPMNE nuk është patjetër që të kërkojë ligj për amnisti, pasi që e ka të njëjtin. Iniciativa për përgatitjen e saj u miratua nga Komiteti Ekzekutiv më 18 tetor të vitit 2017, që partia edhe publikisht e kumtoi. Megjithatë, nga LSDM-ja thonë se nuk do të ketë amnisti, por do të ketë drejtësi.

“Ndoshta Mickoski ëndërron për amnisti, por amnisti për krim nuk do të ketë. Pastrim me krimin e VMRO-DPMNE-së dhe drejtësi për të gjithë, është interes i shtetit. Mickoski as të mos mendojë ta frenojë ardhmërinë e Maqedonisë. Nuk do të lejojmë që të kthehemi në të kaluarën e errët të izolimit, korrupsionit, krimit dhe pasigurisë.

Përndryshe, gjatë ditës së djeshme Gjykata Penale shtatë persona të akuzuar për dhunën ndaj deputetit Ziadin Sela në ngjarjet e 27 prillit, i dënoi me gjithsej 82 vjet burg. /Art Channel/

 

read more
Top LajmeVendi

KUVEND: SËRISH RATIFIKOHET MARRËVESHJA ME GREQINË

133997615_1530790524-478921

Thirrje Ivanovit ta nënshkruajë marrëveshjen


Kuvendi i Republikës së Maqedonisë për së dyti herë sot votoi ligjin për ratifikimin e marrëveshjes mes Athinës dhe Shkupit zyrtar. Ligji në fjalë u votua me 69 vota pro dhe 1 i përmbajtur. Ligji në fjalë u votua edhe para 2 javëve, por dekretin e ligjit refuzoi ta nënshkruan Presidenti i Maqedonisë, Gjorge Ivanov duke e konsideruar marrëveshjen si poshtërim për Maqedoninë. VMRO-DPMNE-ja nuk mori pjesë në seancën e sotme parlamentare për rivotimin e Marrëveshjes me Greqinë.

Ministri i Jashtëm Nikola Dimitrov në seancën e sotme të Kuvendit ka theksuar se Presidenti Ivanov është I obliguar që këtë herë ta nënshkruajë dekretin. Ai ka nënvizuar se presidenti është përgjegjës për shkelje të kushtetutës dhe ligjeve në realizimin e të drejtave dhe obligimeve të tij.

Kryeministri Zoran Zaev ka bërë thirrje që presidenti Ivanov ta nënshkruajë ligjin, kurse siç tha referendumi do ta konfirmojë këtë.

Përmes një konference të shtypit VMRO-DPMNE dhe grupi parlamentar njoftuan se kanë vendosur që të mos marrin pjesë në seancën e sotme pasi, sipas tyre, po miratohet një marrëveshje ku degradohen qytetarët maqedonas dhe se është në kundërshtim me interesat e larta shtetërore dhe kombëtare.

“VMRO-DPMNE nuk do të jetë bashkëpjesëmarrës dhe kundërshton këtë akt ku parashihet ndryshimi i Kushtetutës me qëllim të ndryshimit të emrit kushtetutes. Akt me të cilin përcaktohet fshirja e emrit Maqedoni, preket thelbi i identitetit dhe bëhet gjymtimi i shenjave shtetërore dhe identiteti i popullit maqedonas. Kjo është diçka për të cilën nuk duhet të festohet. Kapitullimet gjithkund në botë janë akte turpi. Njëkohësisht presim që ky akt jashtëkushtetues të mos nënshkruhet nga Presidenti i vendit ngase detyra e tij e parë është mbrojtja e interesave shtetërore dhe mbrojtja e Kushtetutës së RM-së.

Tani që u votua për herë të dytë, Presidenti Ivanov është i obliguar ta nënshkruan ligjin. Menjëherë pasi në Kuvend u votua për së dyti herë Ligji për ratifikimin e marrëveshjes mes Athinës dhe Shkupit, kreu i BDI-së Ali Ahmeti ka uruar qytetarët e Maqedonisë. Në një video të postuar në Facebook nga deputeti i BDI-së Artan Grubi, kreu i integristëve, dëgjohet duke thënë se marrëveshjen për emrin mes Maqedonisë dhe Greqisë nuk ka forcë që mund ta pengojë. “Urime, urime. Ky është një proces i pandalshëm. Proceset e pandalshme nuk ka forcë që mund t’i ndalë”, ka thënë kreu i BDI-së Ali Ahmeti, në dalje nga salla e Kuvendit. /Art Channel/

 

read more
Top LajmeVendi

DHUNA NË KUVEND: DËNOHEN ME 82 VJET BURG SULMUESIT E SELËS

9D8852A4-ECE4-4BC3-983E-ADB76E028ABC_w1023_r1_s

Abduli: Ende nuk e kemi pranuar aktgjykimin në dorë


Gjykata Penale e Shkupit dënoi sot me gjithsej 82 vjet burg 7 të akuzuarit për tentimin për vrasjen e deputetit Ziadin Sela, që ndodhi më 27 prill të vitit të kaluar, kur turma nacionaliste maqedonase hyri me dhunë në Kuvendin e Maqedonisë.Aktvendimin e shqiptoi gjykatësja Sllavica Andreevska, e cila kërkoi që të akuzuarit të dërgohen drejt në burg.

Gjykata Penale e Shkupit ka dënuar me gjithsej 82 vjet burg shtatë të akuzuarit për tentim-vrasje të liderit të Aleancës për Shqiptarët, Ziadin Sela, më 27 prill të vitit 2017 në Kuvendin e Maqedonisë. Kire Georgievski u dënua me 13 vjet burg, Oliver Oshavkovski me 10.5, Nikollçe Dimitrievski me 10.5, Aleksandar Janeveski-Toshta me 13 vjet, Andrej Micov me 10.5, Nikolla Vojminovski me 13.5 dhe Kosta Dellov me 10.5 vjet burg. Aktvendimin e shqiptoi gjykatësja Sllavica Andreevska, e cila kërkoi që të akuzuarit të dërgohen drejt në burg.

“Të akuzuarit ditën kritike më 27 prill, pas ndërhyrjes së dhunshme në Kuvend me paramendim kishin tentuar të likuidojnë Ziadin Selën.. të gjithë të akuzuarit kishin role të veçanta… vepra është e rëndë edhe për faktin se sulmi është bërë ndaj institucionit ligjvënës, përkatësisht Ziadin Selës, i cili në momentin e sulmit ishte në vendin e punës”, ka deklaruar gjykatësja Sllavica Andreevska.

Avokati i deputetit Ziadin Sela, Abidin Abduli, pas përfundimit të seancës në Gjykatën Penale në të cilën u soll aktgjykimi për të akuzuarit ndaj dhunës së Selës, tha se pasi ta marrin në formë të shkruar vendimin e gjykatës do të deklarohen nëse janë të kënaqur ose jo. Ndërsa sa i përket personave me maska, të cilët shihen në video inçizime se kanë marrë pjesë në dhunën ndaj Selës, Abduli tha se për ta procedura hetimore është në rrjedhë dhe pritet të zbulohen kush janë.

Sot gjykatësja vetëm e lexoi dënimin, ne ende nuk e kemi pranuar aktgjykimin në dorë, duhet ta pranojmë pastaj duhet ta shohim së në çfarë baze e ka arsyetuar dënimin e sotëm. Për këtë, nuk mund të themi se jemi të kënaqur apo jo, atë do e bëjmë pasi ta pranojmë aktgjykimin. Sa i përket zgjerimit të akuzës për personat të tjerë të cilët shihen në incizimin e fundit ku shihet qartë se kryejnë dhunë ndaj dëmtuarit, procedura është në hetime dhe presim nga shtatori të fillojë një procedurë e re edhe për të tjerët. Dënimet për këtë vepër janë prej 5 deri 20 vjet, dhe nuk mund të themi se jemi të kënaqur apo jo pa e parë arsyetimin e gjykatës në lidhje me vendimin”.

Prokurori i lëndës kërkoi që të gjithë të dënuarve t’iu vazhdohet paraburgimi deri sa vendimet të bëhen të plotfuqishme, pasi pala mbrojtëse ka të drejtën e ankesës në Gjykatën e Apelit. Pala mbrojtëse ka theksuar se të dënuarit nuk kanë qenë në lidhje mes tyre apo se nuk janë njohur më parë që të akuzohen si grup për rastin në fjalë. Sipas mbrojtjes, ata nuk kishin në plan të vrasin Ziadin Selën, por vetëm se të shprehin pakënaqësinë e tyre ndaj zhvillimeve politike, përkatësisht zgjedhjes së kryetarit shqiptar të Kuvendit. Në muajin gusht është caktuar edhe një proces tjetër, që vlerësohet edhe më i rëndësishmi pasi në bankën e të akuzuarve do të gjendet edhe pesë deputetë të VMRO-DPMNE-së, të cilët kishin hapur dyert e Kuvendit për protestuesit e dhunshëm. Megjithatë, prokuroria ende nuk ka të dyshuar kryesor për organizimin e gjithë asaj që kishte ndodhur në Kuvend, më 27 prill. /Art Channel/

 

read more
Top LajmeVendi

ZAEV: NË PYETJE ËSHTË E ARDHMJA EVROPIANE E VENDIT

zoran-zaev-780×439

VMRO: LSDM-ja hoqi dorë nga emri, kombi dhe identiteti


Kryeministri Zoran Zaev edhe gjatë ditës së sotme rendësi të veçantë i kushtoi të ardhmës së vendit duke theksuar se është në pyetje e ardhmja evropiane e vendit. Ndërkaq, Për marrëveshjen e emrit me Greqinë  kanë reaguar sërish nga VMRO-DPMNE. Nga kjo parti thonë se LSDM dhe Zoran Zaev kanë nënshkruar marrëveshjen më të turpshme dhe kapitulluese në historinë e diplomacisë.

Kryeministri Zoran Zaev theksoi se për momentin në pyetje është e ardhmja evropiane e vendit duke shtuar se  vendi duhet të fokusohet në implementimin e reformave të rekomanduara nga Komisioin Evropian.

Para nesh është një periudh e dhënë që t’i japim pritjet tona dhe do të plotësohen. Është shumë me rëndësi se e ardhmja evropiane është në pyetje. Dhe secili që mendon se ka përgjigje ndryshe si deri tek evropa e gënjen veten e vet, dhe shumë me rëndësi është se e gënjenë opininin në Maqedoni.  Implementimi i efektiv i reformave të parashikuara është përgjigjja e vetme, nuk ka tjetër alternativë. Nuk ka tjetër alternativ dhe përgjigje për pyetjet si deri tek Evropa kur bëhet fjalë për rolin dhe përfshirjen e sektorit civil në transformimin demokratik në vendin tonë.

Për marrëveshjen e emrit me Greqinë kanë reaguar sërish nga VMRO-DPMNE. Nga kjo parti thonë se LSDM dhe Zoran Zaev kanë nënshkruar marrëveshjen më të turpshme dhe kapitulluese në historinë e diplomacisë.

Në marrëveshjen e turpshme dhe kapitale askund nuk gjendet emri i vendit tonë Republika e Maqedonisë. Askund në marrëveshje nuk  figuron se është nënshkruar në emër të shtetit të Republikës së Maqedonisë, as më pak në emër të qytetarëve të Republikës së Maqedonisë.  Ose përsëri dikush është autorizuar në emër të Qeverisë së Maqedonisë të nënshkruaj kështu marrëveshje, apo një marrëveshje që vetëm fjala Republika e Maqedonisë mos të jetë askund në këtë marrëveshje.  

Ndërkaq, zëdhënësi i qeverisë Mile Boshnjakofski gjatë konferencës së regullt për shtyp theksoi se Qeveria për momentin nuk konfirmon se kryeministri Zoran Zaev do të ketë takim bilateral me kolegun e tij grek Aleksis Cipras në margjinat e Samitit për vendet e Ballkanit Perëndimor që javën e ardhshme do të mbahet në Londër. Ai duke iu përgjigjur pyetjes së gazetarëve theksoi se nuk ka bisedime për ndryshimin e himnit, e as të disa prej simboleve shtetërore të Maqedonisë. /Art Channel/

 

 

 

read more
Top LajmeVendi

HOXHA: LIKA VJEN NË QEVERI

auto_hazbi-ali1511698230

Sistematizimi: Procedura zhvillohet pa probleme


Të gjithë anëtarët e Qeverisë duke llogaritur këtu edhe Zv/Kryeministrin Hazbi Lika janë duke i realizuar obligimet dhe detyrat e tyre të parapara me rregullat ligjore – ka theksuar zëdhënësi qeveritar Muhamed Hoxha, prej se disa media e portale publikuan informacionin se Lika nuk vjen në punë për shkak të konfliktit me liderin e BDI-së Ali Ahmetin.

Të gjithë anëtarët e Qeverisë, duke përfshirë edhe zëvendës-kryeministrin Hazbi Lika, i realizojnë obligimet dhe detyrat e tyre të parapara me rregullat ligjore, thonë nga Qeveria, si përgjigje të disa informatave se zëvendës-kryeministri nuk vjen në punë, i hidhëruar gjoja me kryetarin e BDI-së Ali Ahmeti për shkak se nuk e ka përkrahur në betejën brendapartiake.

Duke e marrë parasysh faktin se zëvendës-kryeministri Lika e udhëheq Sekretariatin për zbatimin e Marrëveshjes së Ohrit, Hoxha sqaroi se pa probleme po zhvillohet edhe procedura për sistematizimin e të punësuarve, të cilët nuk shkonin në punë.

Në pajtim me planin e parë, realizimi i të cilit është në vijim, në vende të punës duhet të sistemohen 958 të punësuar, të cilët nuk shkonin në punë. /Art Channel/

 

read more
Top LajmeVendi

ZAEV: KRENARI TË JESH USHTAR I NJË VENDI TË NATO-s

Prime Minister of the former Yugoslav Republic of Macedonia¹ visits NATO

Sheqerinska: Është kohë për sfida dhe profesionalizim të armatës


 

Të jesh ushtar i një vendi anëtare e Aleancës do të thotë të punohet në kushte shumë më të mira, sipas standardeve të aleatëve të NATO-s. Si ushtarë, duhet të jeni krenarë që do të jeni gjenerata e parë që do t’i shërbejë vendit të vet si shtet anëtar i NATO-s, tha sot Kryeministri Zoran Zaev në solemnitetin me rastin e pranimit të 125 ushtarëve profesionistë në ARM.

Kryeministri Zoran Zaev theksoi se anëtarësimi në Aleancë do të hap mundësi më të mëdha për ushtarët e armatës. Kryeministri informoi se Qeveria ka filluar me rritjen e Buxhetit të mbrojtjes dhe se siguron mjete të mjaftueshme që do t’i përmbushin të gjitha nevojat e një armate bashkëkohore, ndërsa paralajmëroi edhe reforma të cilat, siç tha, do të ndjehen shumë shpejt.

“Anëtarësimi ynë në Aleancë për ju do të hapë mundësi më të mëdha. Armata e Maqedonisë vitet e fundit krah për krah me ushtritë anëtare të NATO-s merr pjesë në misionet paqësore dhe po merr nota më të larta. Me pjesëmarrjen në këto misione u rritën edhe kapacitetet e ARM-së. Ministria e Mbrojtjes dhe Qeveria e RM bashkërisht punuan intensivisht që ta kthejnë dinjitetin e profesionit tuaj, ndërsa vitin e kaluar u ballafaquam me gjendje dekurajuese pas ngecjes në reforma. Por e pranuam sfidën dhe vetëm për një vit vendi ynë e arriti atë që askush nuk ka mundur ta parashikojë. Qasja jonë drejt zgjidhjeve këto ditë na solli lajme të mira dhe vendime pozitive. Njëra prej tyre është ftesa e paralajmëruar të jemi anëtarja e 30-të e Aleancës”.

Ftesën për në NATO të cilën do ta marrin javën e ardhshme, sipas ministres së Mbrojtjes Radimilla Sheqrinska, do të thotë fillim i një ere të stabilitetit dhe sigurisë për vendin tonë.

Ju jeni grupi i parë prej gjithsej 375 ushtarëve të rinj profesional të cilët këtë vit duhet ta përforcojnë përbërjen e ARM-së. Dua të them se ju e filloni karrierën tuaj në kohën e vërtetë. Është kohë për sfida, modernizim dhe profesionalizim të armatës. Koha në të cilën Maqedonia do ta avancojë mbrojtjen dhe do t’i arrijë standardet e Aleancës”.

Lidhur me disa nga përftimet nga anëtarësimi në Aleancë, Sheqerinska e dha shembullin me Bullgarinë e cila për pesë vjet anëtarësim prej shtatë për qind BPV, investimet e drejtpërdrejta të huaja janë rritur për pothuajse 20 për qind nga BPV. Sipas ministres, ky është një prej shumë shembujve që e tregojnë lidhjen mes sigurisë dhe ekonomisë. /Art Channel/

 

read more
Top LajmeVendi

TETOVË: LËVIZJA ANTI-BIXHOZ ME PROTESTË

Screenshot_3

Arifi: Çdo veprimtari në atë objekt është ilegal


Lëvizja Anti-Bixhoz me anë të një press konference kërkoi nga institucionet e larta që të përkrahin popullin dhe të mos e votojnë, ligjin skandaloz, siç e quajtën ato, të sjellë në dëm të qytetarëve nga ministria e Financave.

‘Me dorëzimin e amendamenteve tona si Lëvizja Anti-Bixhoz, të gjithë deputetëve, grupeve parlamentare dhe komisionit në ministrinë e Financave ju them që të mos e votojnë ligjin skandaloz që e sjell ministria e Financave në dëm të qytetarëve dhe ju apelojmë që të jenë të kujdesshëm në veprimet e tyre. I bëjmë thirrje Sektorit për Punë të Brendshme – Tetovë, MPB – Shkup, Drejtorisë së të Ardhurave Publike, faktori politik, të vazhdojnë të jenë krah nesh dhe popullit për parandalimin e kësaj kazinoje dhe spostimin e të tjerave.’

Xhemal Abdiu nga Lëvizja Anti-Bixhoz, u shpreh se nga kjo lëvizje janë të vendosur që t’i shkojnë deri në fund qëllimit për mbylljen e kazinos.

Ne lëvizja antibixhoz dhe populli jemi shumë të vendosur që këtë betejë ta kryejmë deri në fund. Pavarësisht provokimeve që bëhen nga ana e tyre ua bëjmë me dije opinionit dhe atyre se kjo kasino nuk do të hapet, ashtu siç e kanë montuar shumë shpejtë edhe do ta çmontojnë. Nëse ndjekjen dhe procedimin e shpërdorimeve e karakterizojnë si atak kundër tyre ne e konsiderojmë abuzim të llojit të vet.

Kryetarja e komunës së Tetovës, Teuta Arifi e pyetur rreth veprimtarisë së kazinos në fjalë u shpreh se çfarëdo lloj veprimtarie në atë objekt është jolegale për shkak se u është refuzuar kërkesa për të pasur licensë për atë objekt.

‘Ai objekt nuk posedon lejen për transformim të veprimtarisë, leje të cilën e jep komuna e Tetovës, nuk posedon poashtu as lejen për legalizim të katit të fundit, ndërkohë që është objekt me leje me katin përdhesë podrumin dhe katin e pare. Njëkohësisht në kërkesën tonë që kemi bërë nga ana e ministrisë së Financave jemi informuar që ky objekt nuk ka leje për të realizuar aktivitetin për të cilin është paralajmëruar dhe nga qeveria kemi marrë informacionin e fundit se u është refuzuar edhe kërkesa për të pasur licensë për atë objekt që nënkupton se çfarëdo qoftë veprimtarie e asaj aty është jolegale.’

Ndërkaq, nga Lëvizja Anti-Bixhoz njoftuan se së shpejti do të organizojnë protestën e radhës e cila nuk do të jetë para objektit i cili është në tentim hapje dhe njëherit nga kjo lëvizje bëjnë thirrje për përkrahje masovike të kësaj proteste. /Bleron Jakupi/

 

 

read more
Top LajmeVendi

EG: PËRGATITET HAPJA E JUGOHROMIT

Screenshot_3

Xhaferi: Kërcënime me oferta financiare


Lëvizja Eco Guerilla njoftoi opinionin se ditëve të fundit persona të ndryshëm, kanë përcjellë porosinë bashkë me oferta financiare që Eco Guerilla të heshtë dhe mos të reagojë për Jugohromin. Për këtë është njoftuar edhe policia dhe është kërkuar takim direkt edhe me kryeministrin Zoran Zaev, që ta njoftojnë për këto kërcënime dhe shantazhe.

Lëvizja Eco Guerilla me anë të një press konference ditën e sotme bëri të ditur se janë kërcënuar dhe u janë ofruar mjete financiare për të hequr dorë nga kauza kundër Jugohromit. Arianit Xhaferi, nga kjo lëvizje deklaroi se nuk do të lëshojnë pe dhe se reagimi qytetar do të jetë shumë i ashpër ndaj çdo shantazhi qoftë nga Jugohromi apo edhe nga qarqe të larta brenda Qeverisë.

‘Ditëve të fundit persona të ndryshëm, kanë përcjellë porosinë bashkë me oferta financiare që Eco Guerilla të heshtë dhe mos të reagojë për Jugohromin. Për këtë është njoftuar edhe policia dhe sot kemi kërkuar takim direkt edhe me kryeministrin Zoran Zaev, që ta njoftojmë për këto kërcënime dhe shantazhe. Këtë denoncim do ta bëjmë edhe te ambasadat dhe organizatat që na kanë përkrahur në misionin tonë për një ambient më të pastër, si dhe në institucionet e Bashkimit Europian në Bruksel, të cilat vendit tonë për çeljen e negociatave i kanë vënë plotësimin e kushteve si që janë reforma në drejtësi, lufta kundër korrupsionit dhe krimit të organizuar dhe funksionimi i shtetit ligjor.

Nga kjo lëvizje u shprehën se i vlerësojnë tendencioze dhe të rrezikshme insistimet e Zv. kryeministrit Angjushev për rihapjen e Jugohromit paralelisht me vendosjen e filtrave dhe jo pas përfundimit të vendosjes së tyre, ashtu edhe siç parasheh ligji. Të njëjtit kërkuan mbikëqyrje nga ekspertë të pavarur ndërkombëtarë.

‘Duke pasur parasysh faktin që në vitin 2013 nga Organizata Botërore e Shëndetësisë, Tetova u radhit si qyteti më i ndotur në Evropë, nuk duhet të tolerohet asnjë manipulim i mundshëm dhe pa mbikëqyrje rigoroze nga eskpertë të pavarur ndëkombëtarë, të cilët do të konstatojnë nëse projekti dhe sistemi i filtrimit i përmbush standardet e duhura dhe parandalon lëshimin e gazrave helmuese. Pa një garancë të besueshme ndërkombëtare nuk do të pranohet asnjë manipulim nga pronarët, qoftë ai edhe në bashkëpunim me Zv. kryeminisitrin Angjushev.’

Përnrdyshe, nga matjet zyrtare të ministrisë së Ambientit rezultoi që Jugohrom ka shkaktuar 60% të ndotjes në Tetovë dhe rrethinë. Numri i fëmijëve të sëmurë ishte dyfish më i lartë gjatë kohës kur ai ka punuar. Në 2015 kur ka punuar Jugohromi ky numër ka qenë 31,446, ndërsa në 2017 kur nuk ka punuar, ky numër bie në 18,578 raste. /Blerona Jakupi/

 

 

read more
Top LajmeVendi

OSMANI: SKRININGU FILLON MË 17 KORRIK

bujar-osmani-32323313-768×448

“Askush nuk mund ta bllokojë procesin”


 Zëvendës-kryeministri Bujar Osmani i kërkoi sot presidentit Gjorge Ivanov të jetë konstruktiv dhe të bashkohet në procesin për të ardhmen evropiane të Maqedonisë dhe i bëri thirrje opozitës, siç tha, të tregojë se në cilën anë është në këto momente historike.

Osmani në një konferencë shtypi në SÇE tha se ka qenë dy herë tek Ivanovi në bisedime, por se shefi i shtetit nuk iu përgjigj thirrjeve të Qeverisë dhe SÇE-së për konstruktivitet. Zëvendës-kryeministri në takimet në Bruksel në ditët e kaluara, siç tha ai, nuk pati përshtypjen se udhëheqësit evropianë ishin të shqetësuar se Ivanovi mund të pengonte këtë proces historik.

“Sipas rendit kushtetues, Republika e Maqedonisë është një demokraci parlamentare në të cilën fjalën e fundit dhe veçanërisht miratimin e ligjeve e ka Kuvendi, ndërsa Presidenti është vetëm një pjesë e vogël e pushtetit ekzekutiv që nuk ka asnjë lloj ndikimi të mundshëm mbi rolin e Parlamentit, dhe kurrsesi të jetë fjala e fundit për marrjen e vendimeve të tilla. Veprimet e Ivanovit janë në një farë mënyre një përpjekje për të ndryshuar sistemin pa ndryshime kushtetuese, që dënohet me ligj”tha Osmani.

Ditët e fundit janë moment historik për integrimin euroatlantik të Maqedonisë, që nga Këshilli Evropian ka marrë një plan të saktë për bisedime – në qershor të vitit 2019 – për anëtarësim të plotë në Bashkimin Evropian, tha sot në konferencë për shtyp zëvendës- kryeministri për Integrime Evropiane, Bujar Osmani. Me këtë vendimin të BE-së marrim njohje të qartë të progresit tonë nga ana e BE-së, në fakt nga të gjitha shtetet anëtare të BE-së me çka mbyllet çështja për të ardhmen evropiane të Maqedonisë

Dilema për ardhmërinë evropiane të Maqedonisë ka përfunduar dhe Maqedonia me sukses ka kapur trenin e sivjetshëm evropian dhe para nesh është periudha e përgatitjes së negociatave për anëtarësim fuqiplotë në BE. Pikërisht në këtë drejtim, kah mesi i korrikut me siguri se më 17 Korrik, me ardhjen e Komisionerit Han në Shkup lansohet i ashtuquajturi skrining procesi.

Për opozitën, Osmani trheksoi se tani është koha që të prononcohet se në cilën anë është në këto momente historike që  e përcaktojnë të ardhmen e vendit. Ai është optimist se referendumi dhe ndryshimet kushtetuese do të përfundojnë deri në fund të vitit. /Art Channel/

 

read more
Top LajmeVendi

ZAEV PËR DW: VENDIMI I BE-së – HISTORIK

dw_1530279007-2010222

LSDM: Realizim i interesave strategjike


Kryeministri Zoran Zaev, në një intervistë për Dojçe Velen në maqedonisht e vlerësoi si “historik” vendimin e BE-së për datën e fillimit të negociatave për anëtarësim të Maqedonisë dhe Shqipërisë, duke vlerësuar se konsolidimi i BE-së do të përfundojë kur Unioni do ta pranojë Ballkanin Perëndimor.

I pyetur se ekzistojnë interpretime të ndryshme të vendimit të Komisionit Evropian dhe se Qeveria pretendonte se bëhet fjalë për një moment historik, ndërsa kritikët vlerësojnë se bëhet fjalë për edhe një anulim dhe zhgënjim për Maqedoninë, Zaev vlerëson se “nuk ka ndonjë përshkrim tjetër të vendimit, përveç faktit që është historik “.

“Ne kemi marrë një datë për negociata – qershor 2019. Deri atëherë, së bashku me miqtë dhe partnerët tanë nga Komisioni Evropian, do të punojmë së bashku për të përmbushur kriteret, përkatësisht zbatimin e fazave të Marrëveshjes me Greqinë dhe finalizimin e reformave. Ne mbetemi në rrugën e reformës. Ne kemi një qëllim të qartë përpara nesh. Mbetet për ne që të finalizojmë detyrat tonë përfundimtare – fazën e fundit të reformave. Pastaj, me krenari mund të hyjmë në portat e Evropës. Të gjitha kontestimet dhe kritikat e këtij vendimi të madh nuk mund të shohin përtej partisë apo interesave të tjera”, thotë Zaev.

Nga ana tjetër, Hari Lokvenec nga LSDM-ja përmes një konference shtypi theksoi se është një sukses i madh që Maqedonia po merr ftesën për t’u anëtarësuar në NATO, duke shtuar se suksesi i Maqedonisë është vlerësuar nga e gjithë bota demokratike.

“Ky është realizim i interesave të larta kombëtare dhe shtetërore të RM-së dhe gjithë qytetarëve të saj. Po realizohet dëshira shumëvjecare e një gjenerate, sigurohet stabiliteti dhe ardhmëria e Maqedonisë. Anëtarësimi në NATO nuk do të thotë vetëm stabilitet të garantuar, por edhe mundësi për më shumë investime. Kjo do të thotë më shumë para në ekonomi, vende të reja pune, rroga më të larta, standard më të lartë jetësor për të gjithë qytetarët”.

Këto komente vijnë pasi që Këshilli Evropian konfirmoi vendimin e Këshillit të ministrave që në qershor të vitit të ardhshëm t’i lejojë Maqedonisë dhe Shqipërisë të fillojnë negociatat për anëtarësim në BE. Megjithatë edhe ky vendim i shefave të shteteve anëtare të BE-së si kusht për çeljen e negociatave ka vendosur përmbushjen e reformave prioritare, ndër të cilat në gjyqësor, administratë, shërbime sekrete. Për Maqedoninë kusht shtesë është edhe zbatimi i Marrëveshjes me Greqinë për çështjen e emrit. /Art Channel/

 

 

 

read more
1 58 59 60 61 62 124
Page 60 of 124