close

Top Lajme

Top LajmeVendi

LITUANIA RATIFIKON PROTOKOLLIN PËR NATO

Screenshot_4

Parlamenti i Lituanisë sot me 108 vota “për” dhe pa asnjë kundër, ratifikoi protokollin për anëtarësimin e Republikës së Maqedonisë së Veriut në NATO.

Në mbledhjen plenare mori pjesë edhe kryetari i kuvendit, Talat Xhaferi. Më parë, Xhaferi u takua me shefin e diplomacisë së Lituanisë, Linas Linkevicius, i cili ritheksoi përkrahjen e fuqishme të Vilnusit për integrimin e Maqedonisë në NATO dhe BE. Linkevicius shprehu kënaqësinë që Lituania është mes vendeve të para anëtare të NATO-s që ratifikon marrëveshjen, si dhe për ndihmën që grupi i Vilnusit ja jepte vendit në procesin e integrimit në aleancë.

Ai përshëndeti edhe Marrëveshjen historike të Prespës, e cila, Shkupit, ja hapi rrugën në drejtim të NATO-s dhe BE-së dhe e përforcoi stabilitetin dhe sigurinë e rajonit. Shefi i diplomacisë lituaneze shpreson se vendi në qershor do t’i fillojë edhe bisedimet për anëtarësim në BE. Lituania është anëtarja e 8-të e NATO-s që ratifikon protokollin.

Greqia ratifikoi e para protokollin e pas saj Sllovenia, Shqipëria, Bullgaria, Kroacia, Mali i Zi, ndërsa së fundmi, edhe Rumania. Vendet anëtare të NATO-s, më 6-të shkurt, e nënshkruan protokollin për aderimin e Republikës së Maqedonisë së Veriut në aleancë. Pas ratifikimit të protokollit në parlamentete e 29-të vendeve anëtare të aleancës, Maqedonia e Veriut, edhe zyrtarisht do të bëhet anëtare fuqiplote. /Klan Maqedoni/

 

read more
Top LajmeVendi

DASH: PROGRES NË MEDIAT DHE GJYQËSORIN

dash

Në Republikën e Maqedonisë së Veriut ka avancim në mediat dhe gjyqësi, por mbetet të zgjidhen edhe disa probleme të rëndësishme si korrupsioni, theksohet në raportin më të ri për të drejtat e njeriut të Departamentit Amerikan të Shtetit.

Qeveria e Maqedonisë së Veriut në vitin 2018 ka ndërmarrë aktivitete për të hulumtuar, akuzuar dhe të dënuar persona zyrtarë policorë të cilët kanë bërë keqpërdorime, ndërsa autoritetet në vend kanë pasur kontroll efektiv ndaj shërbimeve të sigurimit, por megjithatë ekziston nivel i lartë i korrupsionit, thuhet në raport. Më tej qëndron se “Qeveria ose agjentët e saj nuk kanë kryer vrasje arbitrare ose të paligjshme”.

“Burgjet dhe paraburgimet shtetërore nuk arritën t’i implementojnë standardet ndërkombëtare dhe në disa raste, në pajtim me raportin për parandalim nga tortura e Këshillit të Evropës nga tetori i vitit 2017, kushtet do të mund të përshkruhen si mizore, johumane dhe degraduese”, thuhet në raport.

Lidhur me ngjarjet në Parlament më 27 prill të vitit 2017 dhe zgjidhjen gjyqësore të rastit, thuhet se 33 persona janë akuzuar për “terrorizëm dhe rrezikim të rendit kushtetues”. Më tej qëndron se “partia opozitare VMRO-DPMNE pohon se aktakuzat kundër 33 personave, duke i përfshirë edhe anëtarët e Parlamentit, ishin politikisht të motivuar dhe të ekzagjeruar. Nuk ka dëshmi se Qeveria ka refuzuar qasjen e organizatave humaniatre dhe grupeve tjera për të drejtat e njeriut deri tek këta të burgosur”. Në pajtim me raportin, Qeveria ka bërë progres në respektimin e lirisë së medieve dhe lirinë e të shprehurit, edhe pse problemet si pavarësia e dobët mediatike, dhuna dhe frika e gazetarëve, mbesin.

“Ka disa raporte se Qeveria i ka detyruar gazetarët në autocenzurë. Komisioni Evropian, në raportin nga 17 prilli, vëren se nuk ka avancim në mbrojtjen e kushteve të punës së gazetarëve, si rezultat i asaj që ata ende praktikojnë autocenzurë”, thonë nga Departamenti Amerikan në raportin më të ri.

Në përgjithësi, në botë raporti vëren edhe vrasje, mungesë të lirisë të të shprehurit dhe restrikcione për pjesëmarrje politike në Venezuelë, të drejta ekstreme të keqësuara të njeriut në Iran dhe Kinë, përderisa për Rusinë thuhet se ekzistojnë shumë raporte për atë se autoritetet ose agjentët e tyre kanë kryer vrasje mizore ose të paligjshme.

Raportin për të drejtat e njeriut në të cilin detajizohet situata e të drejtave të njeriut individualisht për çdo vend, Departamenti Amerikan e parashtron deri tek Kongresi në miratim. Raporti publikohet rregullisht nga viti 1976. /Klan Maqedoni/

read more
Top LajmeVendi

FRENAT DHE SHPEJTËSIA SHKAK I AKSIDENTIT TRAGJIK  

autobusi-aksident

Prokuroria Themelore Publike ka publikuar rezultatet e hetimit që kanë shkaktuar aksidentin tragjik në Llaskarcë ku u mori jetën të paktën 15 personave. Sipas prokurorit, Sasho Rajçev hetimi ka zbuluar se aksidenti ka ndodhur për shkak shpejtësisë së madhe dhe parregullsisë së frenave të autobusit dhe se është manipuluar tahografi. Janë ndaluar shtatë persona në mesin e të cilëve edhe pronari i “Durmo Tursit” dhe vozitësi i autobusit.

Një muaj pas aksidentit tragjik të autobusit të kompanisë “Durmo Turs” në afërsi të fshatit Llaskarcë, Prokurori Publike sot shpalli se parregullsia e frenave të autobusit dhe shpejtësia janë shkaqet e aksidentit ku humbën jetën 15 persona. Siç ka thënë Shefi i Prokurorisë Publike Shkup, Sasho Rajçev janë ndaluar shtatë persona të cilët dyshohen për vepra të rënda kundër sigurisë së njerëzve dhe pronës në trafik. Në mesin e tyre janë pronari i firmës “Durmo Turs”, Drejtori, tre persona që kanë punuar në këtë kompani që kanë bërë kontrollin teknik të autobusit dhe një person tjetër që ka dhënë vërtetimin se autobusi është në rregull.

Hetimi intensiv që është zhvuilluar nga dita e aksidentit deri më sot ka treguar se kontrolli teknik i autobusit është bërë në korrik dhe në dhjetor të vitit të kaluar. Në Korrik janë vërtetuar mangësi tek frenat, por krahas kësaj, është dhënë dokumenti se janë në rregull. Me gjithë këto parregullsi-siç thuhet-me frenat, aparatin e instaluar për amnipulim me shpejtësinë, autobusi ka qarkulluar çdo ditë.

“Hetimi ka treguar se frenat kanë qenë pjesërisht në rregull, por edhe pse kjo është konstatuar në kontrollin teknik në Korrik të vitit 2018 i është dhënë leja e punës. E njëjta është bërë edhe gjatë kontrollit teknik në Dhjetor të vitit 2018. Në mënyrë plotësuese është vërtetuar se është manipuluar me tahografin ku nuk është treguar shpejtësia reale e vozitjes. Vozitësi atë ditë ka vozitur me 99 kilometra në orë. Për automjtetet mbi 3 tonë shpejtësia e lejuar është 80 kilometra në orë. Autobusi peshon 15 tonë. Parregullsia e frenave dhe shpejtësia janë shkaqet për aksidentin.” –shprehet Sasho Rajçev-Prokuroria Publike, Shkup.

Gjithashtu është konfirmuar se vozitësi vuan nga diabeti, por kjo nuk ka ndikuar gjatë vozitjes. Prokurori Rajçev ka sqaruar se hetimet kanë treguar se vozitësi për një moment, për shkak të shpejtësisë ka humbur kontrollin dhe ka dalë nga autostrada. Ai ka tentuar të frenojë, por për shkak të frenave jo të rregullt nuk ka arritur ta ndalë autobusin i cili ka rënë në humnerë. Hetmet gjithashtu kanë konstatuar se në autobus ka qenë i instaluar një aparat i veçantë që ka treguar shpejtësi të gabuar. Prokuroria do të kërkojë masën e paraburgimit për gjashtë persona, respektivisht për vozitësin, pronarin dhe drejtuesin e kompanisë dhe për të punësuarit në firmën për kontroll teknik të autobusit. Gjithashtu nga prokuroria kanë thënë se për shkak të lëshimeve të konstatuar me dhënien e certifikatave nga kontrolli teknik dhe frenave të parregullt, MPB-ja do të hetojë se në çfarë situate janë edhe autobusët tjerë të “Durmo Tursit”. /Klan Maqedoni/

 

read more
Top LajmeVendi

VMRO DPMNE I THOTË TUNG JANEVËS

Screenshot_5

Mickoski: Për Janevën dhe ekipin s’kemi çka flasim


“Deri ku janë grupet punuese mes pushteti dhe opozitës për ligjin për Prokurori Publike? Do ju drejtoja tek subjektet partiake gjegjësisht drejt Lidhjes Social Demokrate dhe VMRO DPMNE-së sepse ata grupe nuk do të jenë vetëm parlamentare, por edhe grupe punuese të përbëra edhe nga ekspert që i bie se ata duhet të japin të dhëna të sakta se a janë takuar.” -shprehet Mile Boshnjakovski, Zëdhënës i Qeverisë.

“Është interesant, në politikë gjithmonë luhet pingpong.” -vlerëson Hristijan Mickoski, Kryetar i VMRO DPMNE-së.

Derisa politika po luan pingpong, zgjedhjet presidenciale po afrohen, periudhë kur Kuvendi nuk do të punojë. Kryetari i VMRO DPMNE-së, Hristijan Mickoski, informoi se do të bisedohet për ligjin për shërbimet sekret dhe për ligjin për Prokurorinë Publike, e partia e tij veç më i ka personat që do t’i udhëheqin këto grupe. Ai edhe një herë e përsëriti qëndrimin, se Katica Janevën dhe shumicën e ekipit të saj, VMRO DPMNE nuk do ta votoj.

“Qëndrimi jonë është i qartë dhe këtu nuk ka asnjë dilemë, e ajo është se Prokurorja speciale dhe shumica e ekipit të saj, as në aspektin njerëzor por as profesional nuk e arsyetoi përkrahjen e dhënë nga opinioni maqedonas. Ai person përfaqëson simbolin e “Zaevizmit”, të gjitha premtimet e pa realizuara prej publikimit të ashtuquajturave “bomba”. Jo, nuk do ta përkrahim këtë propozim për Prokuror Special të ardhshëm, apo prokuror që do të ndjek korrupsion të lartë, as pjesën më të madhe të ekipit që ka bashkëpunuar deri më tani me të.” –deklaron Hristijan Mickoski, Kryetar i VMRO DPMNE-së.

Mickoski nuk pajtohet as që Akademia e Gjykatësve dhe Prokurorëve Publik të nominoj kandidat për institucionin e ri që do të duhet të punojë në kuadër të Prokurorisë Publike, për shkak se siç tha ai, Akademia është një institucion i cili udhëhiqet nga familjarë të personave që janë të afërt me LSDM-në.  Mickoski tha që është i gatshëm të flas edhe për Prokuror ndërkombëtar, e pritet që grupet punuese të takohen këto ditë. /Furkan Saliu/

 

read more
Top LajmeVendi

VEPRIMI I IVANOVIT RREZIKON BLLOKIMIN E SHTETIT

gjorge-ivanov-1-44265-640×427

Ivanovski: Presidenti solli deri tek një sistem jofunksional


Presidenti Ivanov me refuzimin që ti nënshkruajë dekretet e pakos së re të 11 ligjeve të votuara në Parlament rrezikon bllokimin e të gjithë sistemit në vend – thotë ish-Gjykatësi i Kushtetueses Trendafil Ivanovski. Ai shton se duke marrë parasysh përbërjen e forcave në Kuvend, mekanizmi i “impiçmentit” të shefit të shtetit, vitet e fundit është i pazbatueshëm, për ç`shkak Ivanovi vazhdon ta shkelë kushtetutën. Gjykatësi Ivanovski nuk përjashton mundësinë  që në zgjedhjet e ardhshme presidenciale  të mos sigurohet censusi i nevojshëm, që të bëhen ndryshime kushtetuese për të zgjedhur presidentin e vendit në Kuvend.

Me refuzimin e Presidentit Ivanov që t’i dekretojë 11 ligjet e votuara në Kuvend, kemi ardhur në situatë të një sistemi jofunksional të papërgjegjshëm kushtetues, ku shkeljet e kushtetuës po bëhen rregulla – vlerëson ish-Gjykatësi i Kushtetuteses Trendafil Ivanovski. Por, me refuzimin që ta pranojë dhe zbatojë emrin e zgjeruar të vendit, Presidenti në mënyrë plotësuese komplikon situatën.

“Madje nëse edhe e nënshkruan me cfarë do dekreti, ai do ta nënshkruajë me titulus të shtetit, që nuk është konform statusit të tashëm kushtetueso-juridik. Sipas kësaj edhe nëse do ta nënshkruajë si President I Republikës së Maqedonisë, do të paraqitet problemi tjetër se me këtë sërish shkel Kushtetutën. Sipas kësaj kemi një sërë shkeljes të kushtetutës. Kjo ishte edhe me Ligjin e gjuhëve, u bë një presedan edhe me Marrëveshjen e Prespës, me shpalljen e asaj Marrëveshjeje, dhe është shumë keq kur kjo bëhet rregull, sepse kjo do të thotë shkelje të ligjeve, mirëpo një mekanizëm tjetër kushtetueso-juridik tek ne nuk ka” -deklaroi Trendafil Ivanovski- Ish-Gjykatës i Kushtetueses.

Përveç shkeljes së kushtetutës, ish-Gjykatësi Ivanovski në këto procedura të Presidentit të vendit, sheh edhe rrezikun e bllokimit të vendit.

“Duke marrë parasysh funksionet që i ka vetë presidenti i Republikës, mund të bllokohet i tërë sistemi, të bllokohet funksionimi, armata, e gjithë ajo që do të thotë ingerenca të presidentit të vendit, dhe pritjet se do të vijë koha kur ky President do të zëvendësohet me tjetër, është joracionale joserioze. Por në politikën tonë, siç po zhvillohet, do të duhet kështu të bëhet” shprehet Trendafil Ivanovski- Ish-Gjykatës i Kushtetueses.

Bashkëbiseduesi ynë nuk përjashton mundësinë që zgjedhjet e ardhshme presidenciale më 21 Prill të përfundojnë me zgjedhje në Kuvend, nëse nuk arrihet censusi prej 40%.

“Nëse edhe kjo nuk sigurohet, atëherë e gjithë procedura duhet të përsëritet. Garanca se procedura e përsëritur nuk do ta jep efektin e njëjtë është e pranishme. Për këtë shkak vendosen këto dilemma, nëse nuk duhet të shkohet me zgjedhje të Presidentit të Republikës në Kuvend. Tani nuk ka mundësi kushtetuese, por nëse nevojat këtë e kërkojnë, nëse subjektet politike, ashtu sic janë vendosin për këtë, atëherë do të duhet të bëjnë një ndryshim kushtetues, me 2/3 e votave dhe të jepet mundësia që presidenti të zgjidhet në Parlament.” – vlerëson Trendafil Ivanovski- Ish-Gjykatës i Kushtetueses.

Ish-Gjyjkatësi në Gjykatën Kushtetuese, Trendafil Ivanovski duke dashur ta përshkruajë situatën e komplikuar ku shefi i shtetit vendos vendin, me dozë humori thotë se edhe ateistët vijnë në situatë t’i luten zotit, që dikush t’i ndihmojë ose në njëfarë mënyre këto situata të mposhten. /Biljana Goeorgievska/

read more
Top LajmeVendi

SHPËRBËRJA E SIMO-s: SQAROHET HAZBI LIKA

Screenshot_4

Zëvendëskryeministri për Implementimin e Marrëveshjes së Ohrit dhe Sistemin Politik përmes një komunikate për mediat ka sqaruar situatën e krijuar së fundmi rreth iniciativës nga BDI për shpërbërjen e Sekretariatit për Implementimin e Marrëveshjes së Ohrit, dhe themelimin e Ministrisë për Sistem Politik dhe Marrëdhënie ndërmjet komuniteteve, iniciativë e cila ditën e nesërme do të gjendet para deputetëve.

Siç shkruan Zv/Kryeministri Lika kaluan pothuajse dy dekada prej kur u arrit Marrëveshja Paqësore e Ohrit. Siç shkruan Lika kjo marrëveshje është dashur të implementohet për katër vite, e që fatkeqësisht, siç thotë, deri në ditët e sotme ende nuk po gjen zbatim në tërësi, si në aspektin legjilsativ, ashtu dhe në atë praktik.

“Unë si përfaqësues i BDI-së, në Qeverinë e Republikës së Maqedonisë së Veriut, në detyrën e Zëvendëskryeministrit të angazhuar për Implementimin e Marrëveshjes së Ohrit dhe Sistemin Politik, nuk jam informuar as edhe i konsultuar për iniciativen dhe as për hartimin e këtij ligji, duke aluduar në kompetencat që do të bartë Institucioni i ri i cili krijohet, dhe lidhshmërinë që do të ketë me vetë Marrëveshjen Paqësore të Ohrit.” –deklaron Zëvendëskryeministri Lika.

Në takimin e fundit të realizuar me Kreun e partisë, siç shkruan Zv/Kryeministri Lika, edhe pse vonë, megjithatë kemi kërkuar që të hapet debat dhe të diskutohet rreth kësaj iniciative me të gjitha organet partiake, por edhe me palët e interesuara jashtë partiake, duke tentuar në ruajtjen dhe trashëgimin e vlerave të mirëfillta që burojnë nga Marrëveshja Paqësore e Ohrit.

“Presim që aktorët politikë të reflektojnë me qëllim që të qartësohet mirë kjo situatë, të dihet mirë se cili do të jetë fati i Marrëveshjes Paqësore të Ohrit, me të vetmin qëllim për të ndërtuar një shoqëri të barabartë për të gjithë.”-thuhet në Deklaratën për media të Zv/Kryeministrit për Implementimin e Marrëveshjes së Ohrit Hazbi Likës. /Klan Maqedoni/

 

read more
Top LajmeVendi

ÇAVKOVI NË PARABURGIM: KA TENTUAR TË ARRATISET?

cavkov-696×399

Ish-drejtori i Byrosë për Siguri Publike, Mitko Çavkov, ka përfunduar në burgun e Shutkës. Gjykata i caktoi masën e paraburgimit Çavkovit për arsye se deri tek Prokuroria për krim të organizuar dhe korrupsion kanë arritur të dhëna operative nga policia se Çavkov ka tentuar të arratiset nga vendi.

Shefja e Prokurorisë për ndjekje të Krimit të organizuar dhe korrupsionit Vilma Ruskovska thotë se kanë kërkuar paraburgim për Mitko Çavkovin në bazë të njohurive operative të marra nga MPB-ja dhe se nuk ka arsye për dyshime në informatat e policisë se ekziston rreziku për arratisjen e Çavkovit.

Ish-Drejtori i Byrosë për Siguri Publike Mitko Çavkov, dje përfundoi në burgun hetues në Shutkë. Gjykatësi atij i caktoi paraburgim prej 30 ditëve. Vendimi për caktimin e paraburgimit bazohet në një deklaratë zyrtare të një miku të tij, i cili ka lajmëruar se Çavkovi posedon vilë në Halkidiki të Greqisë ku ka planifikuar të arratiset, para se t’i shqiptohet dënimi për rastin e 27 Prillit.

Vajza e Mitko Çavkovit, Zorica Çavkova, ka theksuar se arrestimi i babait të saj është rast i montuar përmes një shënimi zyrtar i cili nuk është i vërtetë.  “Do të përgjigjet ai që ka shpikur vilën në Halkidiki. Nuk di nëse ata që i kanë dhënë detyrë që të shpik një shënim të tillë zyrtarë i kanë sqaruar edhe për pasojat ndaj tij. Bëhet fjalë për montim klasik dhe këtë do ta dëshmojmë”,ka shkruar vajza e ish-shefit të BSP-së.

Mitko Çavkov është i akuzuar për cënim terrorist të rendit kushtetues, si bartës i komnadës së artë në shtabin opertaiv për incidentet e 27 Prillit në Kuvendin e Maqedonisë. Avokati i tij në një prononcim për mediat ka theksuar se paraburgimi, dy ditë para shqiptimit të dënimit do të thotë se aktvendimi tashmë është marrë dhe se dënimi është drakonik, respektivisht 14 vite burg. /Klan Maqedoni/

 

read more
Top LajmeVendi

RUMANIA RATIFIKON PROTOKOLLIN PËR ANËTARËSIM NË NATO

Screenshot_4

Kuvendi i Rumanisë në seancë plenare ka ratifikuar Protokollin për anëtarësim të Republiksë së Maqedonisë së Veriut në NATO. Në ratifikimin e Protokollit prezent ishte Kryeparlamentari Talat Xhaferi, i cili u drejtua para deputetëve rumun.

Parlamenti i Rumanisë në seancë plenare ka ratifikuar Protokollin për aderimin e Republikës së Maqedonisë së Veriut në NATO. Në Bukuresht ishte i pranishëm edhe Kryetari i Kuvendit të Maqedonisë së Veriut Talat Xhaferi, i cili ju drejtua deputetëve rumun.

“Rumania edhe një herë demonstroi përkushtimin e saj, miqësinë dhe përkrahjen ndaj Republikës së Maqedonisë së Veriut për realizimin e përcaktimit të saj euroatlantik. Duke mundësuar një koherencë dhe ardhmëri të përbashkët. Më lejoni që sinqerisht të falënderohem në emrin tim dhe në emër të deputetëve dhe qytetarëve të vendit tim. Jemi të nderuar që jeni miq dhe partner tanë” –tha Talat Xhaferi-Kryeparlamentar.

Rumania është vendi i shtatë anëtare e NATO-s që ratifikoi protokollin për anëtarësimin e Maqedonisë në NATO, pas Greqisë, Sllovenisë, Shqipërisë, Bullgarisë, Kroacisë dhe Malit të Zi. Nesër protokolli duhet të ratifikohet edhe në parlamentin e Lituanisë. Siç është paralajmëruar, Kryeparlamentari Xhaferi nga Bukureshti do të shkojë në Vilnus ku do t’i drejtohet edhe deputetëve të parlamentit të Lituanisë. /Klan Maqedoni/

read more
Top LajmeVendi

NDRYSHIMI I MOTIT NUK DO TA DËMTOJË BUJQËSINË

Screenshot_5

Vendi ynë ditëve të fundit ka qenë nën ndikimin e depërtimit të një mase të ftohtë ajrore. Ky ndryshim i menjëhershëm klimatik ka prekur shumë sfera të jetës së njerëzve. Ajo e cila më së shumti ka ngjallur shqetësim te qytetarët ishte fakti se sa këto temperatura mund të jenë të dëmshme në të mbjellat, pemët e perimet.

Ndryshimi drastik i temperaturave padyshim që do të ndikojë në kulturat bujqësore. Pasi është herët për mbjelljen e kulturave pranverore, siç thotë agronomi Alirami Saliji, këto ndryshime klimatike do ndikojnë te kulturat shumëvjeçare. Por meqë pemët ndodhen në të ashtuquajturën fazë e qetësisë këto temperatura nuk do shkaktojnë dëme të mëdha.

Rikujtojmë se për zhvillim normal të një kulture bujqësore janë të rëndësishëm tre faktorë kryesor, faktori gjenetik apo zgjedhja e varijatetit të mirë, faktori agroteknik dhe ai klimiatik, që në një farë forme secila e ka përqindjen e vet të ndikimit në prodhimtarinë optimale apo maksimale të një kulture bujqësore.  Edhe pse të gjithë faktorët e kanë rëndësinë e vet për zhvillimin e rendimentit, megjithatë rëndësi më të madhe kanë lagështia dhe temperatura. /Lulzime Ameti/

 

read more
Top LajmeVendi

SHEFI I MISIONIT TË OSBE-së NË GOSTIVAR

0

Për OSBE-në, poashtu edhe për BE-në, zgjedhjet presidenciale janë mjaft të rëndësishme, prandaj kërkohet që të njëjtat të jenë të drejta dhe të rregullta, deklaroi kështu shefi i misionit të OSBE-së në Shkup, Clemens Koja gjatë vizitës së sotme në Gostivar.

Shefi i Misionit të OSBE-së në Shkup, ambasadori Clemens Koja vizitoi kryetarin e komunës së Gostivarit Arben Taravari në kabinetin e tij.
Në takim, Koja dhe Taravari folën rreth situatës politike në vend, për komunën e Gostivarit dhe me problemet që kjo komunë po ballafaqohet.

“Për pushtetin lokal në Gostivar, problemet, arritjet, çështjet politike, zgjedhjet presidenciale, dhe e falënderova për kontributin e reprezenteve në komunën e Gostivarit, një bisedë shumë konsultive.” tha Arben Taravari – Kryetar i Komunës së Gostivarit.

Ambasadori Koja, duke folur rreth zgjedhjeve të ardhshme presidenciale theksoi se presin që të njëjtat të jenë të drejta dhe të rregullta.

‘Për OSBE-në janë mjaft të rëndësishme këto zgjedhje, poashtu edhe për BE-në, sidomos për dhënien e datës për fillimin e negociatave. Është mjaftë e rëndësishme që të njëjtat të jenë të drejta dhe të rregullta, prandaj kemi edhe misionin e OSBE-ODIHRIT të cilët merren me procesin zgjedhor.’  deklaroi Clemens Koja – Shefi i Misionit të OSBE-së – Shkup.

Ndryshe, OSBE-ODIHR do t`i monitorojë zgjedhjet e ardhshme presidenciale me 279 vëzhgues. Misioni vëzhgues, përbëhet nga një ekip i madh prej 11 ekspertësh me seli në Shkup dhe 18 vëzhgues afatgjatë të cilët do të shpërndahen nga nëntë grupe anembanë vendit nga 20 marsi. /Blerona Jakupi/

 

read more
1 2 3 4 5 147
Page 3 of 147