close

Top Lajme

Top LajmeVendi

LIGJI PËR GJUHËT: XHAFERI-PAS REFERENDUMIT PUBLIKOHET NË GAZETËN ZYRTARE

Screenshot_3

Nuhiu: Referendumi dhe ligji i gjuhëve çështje të ndara


Marrëveshja me Greqinë në Gazetën Zyrtare do të publikohet pas referendumit, poshtu pritet që atëherë të bëhet edhe publikimi i ligjit të gjuhëve, deklaroi kështu kryeparlamentari Talat Xhaferi në një prononcim për media ditën e djeshme.

Njohësi i çështjeve politike, Qani Nuhiu, i pyetur rreth asaj se a do të jetë ‘viktimë’ ligji për gjuhët në këtë situatë të tillë u shpreh se në qoftë se ka vullnet politik, ligji për gjuhët nuk mund të jetë dhe nuk duhet të jetë viktimë e marrëveshjes me Greqinë, dhe e referendumit të paralajmëruar. Nuhiu shton se, ligji i gjuhës dhe referendumi janë dy çështje të ndara.

‘Marrëveshja për çështjen e emrit me Greqinë edhe referendumi që është paralajmëruar për më datë 30 shtator dhe çështja e gjuhës janë dy gjëra realisht të ndara nga njëra-tjetra, megjithatë, i bën të përbashkët çështja se edhe njëra edhe tjetra nuk janë të dekretuara nga presidenti Ivanov, që na çon të mendojmë se standarti i sjelljes politike joligjore pasi i ka tejkaluar kompetencat joligjore, që do të përdoret për dekretimin e marrëveshjes me Greqinë, edhe të referendumit, edhe Kushtetutës, do të ndiqet i njëjti standart edhe për nënshkrimin e marrëveshjes me gjuhët. Unë nuk shoh se ligji për gjuhët mund të jetë viktimë e Referendumit dhe e çështjes së Marrëveshjes me Greqinë, vetëm në rast se nuk ka vullnet politik për zbatimin e tij.

Përndryshe,  edhe partia opozitare Aleanca për Shqiptarët, reaguan ndaj deklaratës së kryetarit të Kuvendit të Maqedonisë, Talat Xhaferi që ligji i gjuhëve bashkë me marrëveshjen e ratifikuar me Greqinë, do të publikohen në Gazetën Zyrtare pas referendumit.

“Bëhu i lirë, shpalle në Gazetën Zyrtare ligjin e gjuhës shqipe, dhe jepu shembuj bashkëpartiakëve të skllavëruar. Shpresojmë mos kalojnë vite. Shpallja e vendimit për gjuhën s’ka të bëj me shpalljen e ratifikimit të marrëveshjes me Greqinë, në mos gjë tjetër, këto çështje i ndajnë të paktën 16 vite kohë ndërmjet”, thuhet në reagimin e ASH-së. /Blerona Jakupi/

 

 

më shumë
Top LajmeVendi

REFERENDUMI: ZEJNELI-QYTETARËT MASIVISHT TA PËRKRAHIN

Screenshot_3

Dështimi i referendumit me pasoja tragjike


Analisti Xhelal Zejneli i pyetur rreth daljes së qytetarëve në referendumin për emrin , u shpreh se nuk duhet të vihet në dyshim një obligim i tillë, për perspektivën e Maqedonisë.

‘I tërë spektri politik në Maqedoni, shqiptar apo maqedonas këto dy muaj që kanë ngelur për datën e referendumit, duhet të angazhohen fuqimisht në funksion të sensibilizimit të opinionit të gjerë përfshirë këtu edhe mediumet, por edhe opinionbërësit, në mënyrë që t’ju bëhet me dije se çfarë rëndësie ka referendumi, dalja në referendum dhe pjesëmarrja në të për perspektivën e këtij vendi.’

Dështimi i referendumit, nëse do të ndodhë, për Zejnelin, do të sjellë izolim të shtetit. Ndër të tjera, sipas tij, shteti do të vuante pasojat e marrëdhënieve të përkeqësuara ndëretnike.

‘Pasojat do të ishin tragjike, katastrofike, dhe do të përkeqësoheshin marrëdhëniet ndëretnike në vend dhe do të kishim dyndje të madhe të popullsisë për në vendet e Perëndimit, sidomos të rinjtë dhe ato të shkolluar, dhe vendi do të shkonte në izolim të plotë.  Prandaj, mendoj se VMRO-ja, këtu duhet të jetë pjesë e procesit, ndryshe edhe VMRO-ja do ta izoloj veten, dhe do të kalojë në anën e kundërt të historisë.’

Përndryshe, edhe gjatë ditës së sotme në daljen e tij kryeministri i vendit bëri apel tek të gjithë qytetarët e Republikës së Maqedonisë të dalin të votojnë në referendumin për emrin për të mirën e vendit dhe për integrimet euroatlantike. /Blerona Jakupi/

 

 

më shumë
Top LajmeVendi

REFERENDUMI: ZAEV-REFERENDUMI DO TË JETË KONSULTATIV

Screenshot_3

VMRO: Për bojkot ose jo, vendosin organet partiake


Kryeministri Zaev ka thënë se pritet që sot të realizohen aspektet juridike dhe procedurat që të fillojë seanca në Kuvend, duke e llogaritur se 30 shtatori është data e targetuar për mbajtjen e referendumit. Grupi parlamentar i VMRO-DPMNE-së sot në konferencë për shtyp thanë se do të kundërshtojnë vendimet e qeverisë për çështjen e referendumit, që sipas tyre janë sjellë pa konsensus mes gjitha partive.

Kryeministri Zoran Zaev, ka deklaruar se referendumi do të jetë konsultativ dhe do të mbahet më 30 shtator. Zaev gjithashtu i bëri thirrje opozitës ta mbështes referendumit dhe të bëjë thirrje për pjesëmarrje masive të qytetarëve.

VMRO-DPMNE do të merr pjesë në seancën kuvendore për shpalljen e referendumit por deputetët e opozitës do të kërkojnë nga shumica parlamentare që të heq dorë nga qëndrimet e referendumit.

Sekretari i përgjithshëm i VMRO-DPMNE-së Igor Janushev në një deklaratë ka akuzuar shumicën parlamentare se po vazhdon, sic ka thënë, të mos përfillë opozitën edhe në çështjet kryesore sic është referendum. Nëse kjo parti do ta bojkotojë apo jo referendumin, Janushev ka thënë se për këtë do të prononcohen organet partiake.

Në mëngjes koordinatorët e grupeve parlamentare Tomislav Tuntev nga LSDM-ja, Ejup Alimi nga BDI-ja dhe Fadil Zendeli nga BeSA dorëzuan Propozimi deri te Kryeparlamentari Talat Xhaferi për pyetjen e referendumit. Propozim-vendimi për shpalljen e referendumit parasheh që ai të jetë konsultativ dhe se do të mbahet më 30 shtator të këtij viti.

Pyetja është ajo që e paralajmëroi Kryeministri Zaev “ A jeni për anëtarësim në BE dhe NATO me pranimin e Marrëveshjes mes Maqedonisë dhe Greqisë?

Ndërkaq, Kryeministri Zaev, në prag të shpallejs së referendumit ka dërguar mesazh përmes profilit të tij në FB ku thotë se Marrëveshja me Greqinë e garanton identitetin maqedonas. “Sipas nenit 7 të marrëveshjes Maqedoni-Greqi, identiteti maqedons i reflekton territorin, gjuhën, popullin, me të gjitha atributet, me historinë e saj, kulturën dhe trashëgiminë. Gjuha maqedonase është konfirmuar-identiteti është mbrojtur – ka shkruar Kryeministri në FB duke publikuar edhe Marrëveshjen e shpallur në ueb-faqen e Qeverisë. /Art Channel/

 

më shumë
Top LajmeVendi

KUVEND: ANËTARËT E KSHZ DHANË DEKLARATË SOLEMNE

134385456

Derkovski: Gjithçka për një referendum të suksesshëm


Anëtarët e rinj të Komisionit Shtetëror Zgjedhor (KSHZ) janë betuar sot para kryetarit të Kuvendit të të Maqedonisë, Talat Xhaferi. Kryetari i sapozgjedhur i KSHZ-së, Oliver Derkovski, i propozuar nga VMRO-ja, ka premtuar se do të angazhohen për zbatimin e obligimeve për organizimin e referendumit për çështjen e emrit, edhe pse partia e tij nuk është dakorduar për këtë çështje në takimin e fundit të liderëve.

Kryetari i ri i KSHZ-së Oliver Derkovski nga VMRO-DPMNE-ja ka theksuar se komisioni do të bëjë gjithcka që është në kompetencat e tyre për realizimin e suksesshëm të referendumit. Anëtarët e rinj të KSHZ-së sot dhanë deklarata solemne para Kryetarit të Kuvendit Talat Xhaferi.

“E shikoni përbërjen, këto janë njerëz me përvojë në punën e tyre, shumica prej tyre janë ish-anëtarë të KSHZ-së, kështuqë vlerësoj se detyrës së dhënë do tu përgjigjemi me përgjegjësi duke respektuar ligjet dhe kushtetutën. Ne si KSHZ do të bëjmë gjithçka që është në kompetencat tona me qëllim të ketë sukses detyra e dhënë- organizimi i referendumit. 

Ndryshe, Derkovski është propozuar nga VMRO-DPMNE-ja, ndërsa nënkryetare është Ditmire Shehu nga BDI. Anëtarë janë Elizabeta Postollovska nga VMRO-DPMNE-ja, Janakie Vitanovski, Boris Kondarko dhe Radica Risteska nga LSDM, si dhe Enver Saliu nga Besa e krahut të Bilall Kasamit. Përbërja e përkohshme gjashtëmujore e Komisionit Shtetëror të Zgjedhjeve është zgjedhur me 100 vota “për” gjatë seancës që u mbajt të mërkurën e kaluar. /Art Channel/

 

 

më shumë
Top LajmeVendi

TETOVË: NISIN ‘DITËT E ËMBLA TË TETOVËS’

Screenshot_3

Prezantohet mjalti vendor


Ditën e sotme në Tetovë, u bë hapja e festivalit të parë ‘Ditët e ëmbla të Tetovës’, gjatë së cilit për dy ditë radhazi do të prezantohet mjalti vendor. Në këtë festival marrin pjesë bletarë të ndryshëm nga vendi, Shqipëria, Kosova dhe Bosnja të cilët për dy ditë radhazi do të bëjnë prezantimin e mjaltit, do të këmbejnë përvojat mes tyre dhe të inkurajojnë qytetarët për të  konsumuar mjaltin për shkak të vlerave të larta ushqyese.

‘Ditët e ëmbla të Tetovës’ është festivali  i cili u hap për herë të parë ditën e sotme në Pallatin e Kulturës në Tetovë dhe i cili synon të ngelë traditë në rajonin e Pologut i cili ka me qindra bletarë profesionist dhe dhjetra të tjerë që këtë sektor të rëndësishëm të bujqësisë e kanë biznes familjar. Bletarë të ndryshëm nga vendi, Shqipëria, Kosova dhe Bosnja ishin pjesëmarrës të këtij festivali të cilët për dy ditë radhazi do të bëjnë prezantimin e mjaltit, do të këmbejnë përvojat mes tyre dhe të inkurajojnë qytetarët për të  konsumuar mjaltin për shkak të vlerave të larta ushqyese.

Kryetarja e komunës së Tetovës, Teuta Arifi e cila prezente në këtë festival në daljen e saj para të pranishmëve theksoi se mbështeste këtë aktivitet dhe falënderonte bletarët për iniciativën e ndërmarrë.

‘Dëshiroj që përzemërsisht të ju falënderoj për iniciativën dhe poashtu t’ju them që kjo do të përforcohet akoma më tepër si traditë . E mbaj mend kur në vitin 2013 kemi filluar Verën Kulturore Tetovare ka qenë një diçka e vogël e cila është rritur sot në një festival të madh mbarkombëtar, prandaj në të njejtën kohë dëshiroj që të shfrytëzoj rastin dhe të them fjalët më të mira për këtë aktivitet të ditës së sotme.’

Zymer Bajraktari bletar nga Kosova, falënderoi organizatorët për  këtë iniciativë në emër të Lidhjes së Bletarëve të Kosovës.

‘Erdhëm sot këtu, dhe, na bashkuan këto fermerë, këto bletarë të vyer, pa të cilit nuk do të ishim sot këtu. Erdhëm sot këtu, se nga Kosova kthejmë një borxh, të cilin ua patëm bletarëve të kësaj zone për pjesëmarrjet e tyre për panairet në Kosovë që para 15 viteve e deri më sot.’

Në fund të festivalit u bë shpërndarja e mirënjohjeve për bletarët pjesëmarrës në këtë festival  të cilët kanë dhënë një kontribut të çmuar në këtë sferë, dhe ndërkaq, bletarit Jonuz Mamuti iu dha titulli ‘Veteran i Bletarisë’. Festivali ‘ Ditët e ëmbla të Tetovës’ do të përfundojë më 29 korrik. /Blerona Jakupi/

 

 

më shumë
Top LajmeVendi

KRYETARI I RI I KSHZ-së: LUMA-DO MBROJË INTERESAT PARTIAKE

Screenshot_3

Referendumi do të jetë i suksesshëm


Kryetari i posazgjedhur i KSHZ-së që është nga radhët e VMRO-DPMNE-së gjithsesi do bëjë përpjekje të lërë përshtypje se i mbron interesat e partisë së tij dhe grupacionit të cilin e përfaqëson. Por, vetë kreu i VMRO-së dhe të gjithë ata që qëndrojnë pas tij e dinë se ky referendum pa marrë parasysh cilat djallëzi politike nga kundërshtarët mund të përdoren, do të jetë i suksesshëm megjithatë,- u shpreh kështu analisti politik Ilir Luma.

Kryetari i ri i Komisionit Shtetëror të Zgjedhjeve, Oliver Derkovski në një prononcim për media u shpreh se si organ duhet ta zbatojnë referendumin për emrin dhe se do ta përmbushin detyrën sipas Kushtetutës dhe ligjeve. Nga ana tjetër, analisti Ilir Luma, u shpreh se kryetari i ri i KSHZ-së i cili është nga radhët e VMRO-DPMNE-së do bëjë përpjekje të lërë përshtypje edhe se i mbron interesat e partisë së tij dhe grupacionit të cilin e përfaqëson.

‘Kryetari i posazgjedhur që është nga radhët e VMRO-DPMNE-së gjithsesi do bëjë përpjekje të lerë përshtypje se i mbron interesat e partisë së tij dhe grupacionit të cilin e përfaqëson. Por, vetë kreu i VMRO-së dhe të gjithë ata që qëndrojnë pas atij e dinë se ky referendum pa marrë parasysh cilat djallëzi politike nga kundërshtarët mund të përdoren, do të jetë i suksesshëm megjithatë.’

Sipas Lumës, opozita maqedonase e ka të qartë se pa një referendum të suksesshëm, Maqedonia nuk mund të hedhë hapa përafrimi drejtë integrimeve euroatlantike.

Ajo që do jetë deklaratë gjithnjë e opozitës aktuale gjithsesi do jetë në funksion vetëm të duken sikur me të vërtetë janë ‘patriotë të regjur’ por në anën tjetër ata e kanë fare të qartë se Maqedonia s’ka rrugëdalje tjetër veçse rrugën drejt integrimeve euroatlantike që hapi për t’i dalë në fund kësaj rruge do të jetë një referendum i suksesshëm.’

Përndryshe, sa i përket referendumit, Derkovski tha se Kuvendi duhet ta sjell vendimin, ndërsa më pas KSHZ-ja sipas nenit 31 të Ligjit për referendum do të ndërmerr aktivitetet e saj. /Blerona Jakupi/

 

 

 

 

më shumë
Top LajmeVendi

SHKUP: BOJKOTI I REFERENDUMIT NGA OPOZITA

Screenshot_3

Muhamedi: VMRO-ja s’do bojkotojë referendumin


Njohësi i çështjeve politike Nijazi Muhamedi, i pyetur rreth bojkotit të mundshëm të referendumit për çështjen e emrit nga ana e opozitës maqedonase, VMRO-DPMNE, deklaroi se një gjë e tillë nuk do të ndodhë, sepse sipas tij edhe vet kjo parti nuk ka një strukturë homogjene. Muhamedi thekson se gjithçka bëhet për qëllime që opozita greke të shohë se ka pakënaqësi nga kjo marrëveshje.

‘Bojkoti mund ta dëmtojë, por nuk besoj se do të vijë nga ana e VMRO-së, për arsye se edhe vet VMRO-ja, elektoratin e vet që e ka tanimë nuk e ka homogjen. Këto janë taktika që VMRO-ja i bën më tepër përballë opozitës greke që të mos thotë se të gjithë janë të kënaqur prej kësaj marrëveshjeje deri në një etapë të caktuar. Unë këtu problemin e shoh që duhet ta mendojë vet Gruevski, por jo vetëm, tek dalja e shqiptarëve, edhe pse dikush ka premtuar se dalja e shqiptarëve do të jetë si ‘pula në tra’.

Veprimet e VMRO-DPMNE-së, Muhamedi i cilëson si ‘taktika’ nëpërmjet të cilave kjo parti kërkon të arrijë disa nga qëllimet e veta.

‘Këto janë taktika fillestare që VMRO-ja dhe disa të tjera të shkëpusin disa privilegje. VMRO-ja tashmë privilegjet i ka treguar haptas, të fitojë një lloj amnestie qoftë për Gruevskin, qoftë për të tjerët të involvuar në korrupsion. Ajo nuk do të ishte mirë sepse shkilen principet themelore të shtetit juridik. Atëherë cila do të ishte arsyeja e ardhjes së këtij tjetri në pushtet.’

Ndryshe, referendumi për çështjen e emrit apo Marrëveshjen me Greqinë, për ndryshimin e emrit kushtetues të shtetit nga Republika e Maqedonisë në Republikën e Maqedonisë së Veriut, do të jetë vendimtar, për atë se a do t’i fillojë Maqedonia bisedimet për anëtarësim në BE në qershor të vitit 2019-të, dhe a do të bëhet anëtarja e 30-të e Aleancës Veriatlantike. /Blerona Jakupi/

 

më shumë
Top LajmeVendi

QEVERIA E MAQEDONISË: AMNISTI S’DO TË KETË NË ASNJË RAST

foto3310

Nuk dihet se a do të publikohen dëshmi nga kërkesa për amnisti


Amnisti direkte dhe indirekte nuk do të ketë në asnjë rast në Republikën e Maqedonisë për individë të përfshirë në procedura gjyqësore, kështu deklaroi sot zëdhënësi i Qeverisë së Maqedonisë, Mile Boshnjakovski.

Boshnjakovski deklaroi se proceset gjyqësore që lidhen me “bombat” janë disa nga rastet për të cilat është kërkuar amnisti nga VMRO-DPMNE-ja, megjithëse nuk u përgjigj në pyetjen: “Se a do të publikohen dëshmi nga kërkesa për amnisti?”. Ai ishte i prerë se amnisti nuk do të ketë në asnjë rast për individë që janë përfshirë në procese gjyqësore.

Amnisti direkte dhe indirekte nuk do të ketë në asnjë rast në Republikën e Maqedonisë për individë të përfshirë në procedura gjyqësore. Unë do ta përsëris edhe një herë qëndrimin. Zyrtarisht bisedimet e liderëve kanë përfunduar. Informatat i dini, sepse i kanë treguar. Qeveria ka deklaruar, se për rastet që tashmë ka procedura gjyqësore, që lidhen me ‘bombat’ që dolën nga përgjimet ilegale nuk ekziston asnjë mundësi për amnisti.

Kërkesa për amnisti erdhi si përpjekje për kompromis nga partia opozitare maqedonase VMRO-DPMNE gjatë takimit të liderëve që u mbajt në lidhje me referendumin dhe nga i cili doli pakoja e ligjeve: ligji për financim të partive politike, ligji për zgjedhjen e përbërjes së Komisionit Shtetëror të Zgjedhjeve dhe ligji për qeverinë ku hynë edhe qeveria teknike sipas marrëveshjes së Përzhinës. Seanca për miratim të kësaj pakoje ligjore është caktuar për të shtunën. /Art Channel/

 

më shumë
Top LajmeVendi

TAKIMI I LIDERËVE: DEMIRI-PIKËNISJET E LIDERËVE TË GABUARA

Screenshot_3

Zaev të korrigjojë pyetjen e referendumit!


Duke komentuar takimin e tretë të liderëve, njohësi i çështjeve politike Alajdin Demiri thekson se edhe tek Zoran Zaev edhe tek Hristijan Mickovski ekzistojnë hendikepe. Zaev sipas tij, ka një hendikep për pyetjen e referendumit me të cilën mundohet të manipulojë, ndërsa hendikepi i Mickovskit është fakti që me çdo kusht kërkon amnesti për të burgosurit e 27 prillit.

Sipas njohësit të çështjeve politike, Alajdin Demiri, takimi i  liderëve ka qenë i vështirë për shkak se të njejtit janë në pozita të kundërta dhe se pikënisjet e të dyve liderëve si Zaevit ashtu edhe Mickovskit janë të gabuara.

Lideri ka një hendikep për pyetjen e referendumit për arsye se në vete ngërthen, mundohet të manipulojë disa pyetje, pra, 3 pyetje në një, ndërsa Mickovski ka hendikepin e vet për shkak se me çdo kusht do të rehabilitojë dhe të nxjerrë një amnesti për këta që ndiqen. Kjo është pjesa e dhimbshme për të cilën nuk mund të merren vesht.

Demiri shprehet me ton optimist duke thënë se marrëveshja do të arrihet sepse, siç theksoi, Mickovski nuk mund të pozicionohet kundër referendumit, ndërsa nga ana tjetër Zaevi do të duhet të korrigjojë pyetjen e referendumit.

‘Koha që vjen do të merren vesht për arsye se Mickovski nuk mund të pozicionohet kundër referendumit për arsye se e ç’bën partinë e vet dhe ç’bëhen si politikanë. Ndërsa, Zaevi do të duhet të korrigjojë pyetjen e referendumit dhe të dalë me një referendum. Problemi i emrit, ndryshimi i emrit nuk mund të lidhet me shumë kushte të tjera të cilat i atribuohen. Arsyet qenkan NATO, BE-ja, Greqia etj, jo, ato janë çështje të tjera të cilat s’kanë të bëjnë edhe aq me ndryshimin e emrit.’

Pas takimit të tretë me rradhë të liderëve të partive politike partitë arritën marrëveshje vetëm që përbërja e KSHZ-së të bëhet sipas ligjit aktual me dy të tretat e votave në Kuvend, u pajtuan për kontrollin e financimeve të partive gjatë cikleve zgjedhore por nuk u arrit marrëveshje mes pozitës dhe opozitës për cështjet rreth referendumit. /Bleron Jakupi/

 

më shumë
Top LajmeVendi

SHKUP: MICKOVSKI LETËR QYTETARËVE, ZAEV MESAZH NË FB

Screenshot_7

Mesazhet pas takimit të djeshëm të liderëve


Pas takimit të djeshëm të liderëve, ku nuk u arrit marrëveshje mes pozitës dhe opozitës për çështjet rreth referendumit, dy liderët e partive më të mëdha politike në vend, Mickovski dhe Zaev, ju janë drejtuar qytetarëve. Mickovski përmes një letre të hapur, kurse Zaevi përmes rrjeteve sociale.

Lideri I VMRO-DPMNE-së Histijan Mickovski u ka dërguar një letër qytetarëve të Maqedonisë ku ai thotë se është koha ta ngrenë zërin, se do të jetë krah për krahu me ta në të gjitha betejat, derisa, sic thotë, nuk e bëjmë Maqedoninë të fuqishme dhe të paprëkulshme.

“Korrupsioni dhe krimi lulëzuan si asnjëherë më parë, brenda natës u krijuan njerëz të paprekshëm, ligji nuk vlen për të gjithë nëllojë. Po luajnë me fatet e njerëzve, me fatet të vrarëve tek Liqeni I Smillkovës, me fatin e policëve të vrarë në Lagjen e Trimave. Nepotizmi është vetia kryesore për punësim. Punësimi bëhet sipas celësit partiak. Këshilltarët bëhen kriminelë dhe njerëz skajshmërisht jokompetent. Të rinjtë po largohen duke mos parë asnjë perspektivë” – thuhet në letrën e Mickovskit.

Maqedonia, thotë Mickovski, nuk është ndërtim I egër që duhet të regjistrohet në kadastër. Qytetarët, shton ai, kanë identitet dhe të kaluar, prej të cilës nuk do të heqin dorë.

“E di se nuk më njihni mirë që të thoni se unë jam ai që duhet ta përkrahni. Unë jam vetëm njëri prej jush dhe shiheni në këtë mënyrë. Nuk duhet të më besoni, por besoni në vetvete. Për shkak se unë besoj tek ju”ka shkruar Mickovski.

Atdheu do të jetë. Maqedonia do të bëhet anëtare e BE dhe NATO-s. Përjetësisht do të jemi maqedonas dhe përjetësisht do të flasim gjuhën maqedone- ka shkruar sot në mëngjes Kryeministri Zoran Zaev në profilin e tij në FB. Ky mesazh vjen pas takimit të djeshëm të liderëve ku nuk u arrit marrëveshja për referendumin. Kryeministri Zaev paralajmëroi se referendum do të zbatohet edhe pa pjesëmarrjen e opozitës, nga e cila u kërkua që të mos i bëjë thirrje anëtarësisë që ta bojkotojë. /Art Channel/

 

 

 

 

më shumë
1 2 3 4 69
Page 2 of 69