close

Top Lajme

Top LajmeVendi

GJYKATA KONFIRMON DËNIMIN ME BURG PËR ISH-KRYEMINISTRIN GRUEVSKI

Gruevski-Nikola-by-MIA-2-2-768×577

Gjykata Penale në Shkup ka pranuar vendimin e Gjykatës së Apelit me të cilën ish-kryeministrit maqedonas, Nikola Gruevski, i konfirmohet dënimi me burgim prej dy vjetësh për rastin e koduar ‘Tanku’ që ka të bëj me blerjen e një makine të blinduar, veprim ky i debatueshëm dhe i kundërligjshëm sipas Prokurorisë Speciale Publike.

Gjykata e Apelit në Shkup ka konfimuar edhe uljen e dënimit nga 6.5 në 4.5 vjet burg për Gjoko Popovski, ish-shef i furnizimeve në ministrinë e Punëve të Brendshme. Me vendimin e Apelit aktvendimet bëhen të plotfuqishme, ndërsa me marrjen e tyre nga të dënuarit, nis afati për fillimin e vuajtjes së dënimit.

Tani pritet që aktvendimi t’i dorëzohet gjykatësit për ekzekutimin e sanksioneve dhe i njëjti duhet që të zbatohet në një afat prej jo më shumë se 13 ditësh. /Klan Maqedoni/

read more
Top LajmeVendi

PARLAMENT: BISEDIME APO AKTI I VOTIMIT!?

kuvendi-maqedoni

Në Parlamentin e Maqedonisë pritet të votohen ndryshimet kushtetuese. Seanca ishte caktuar të fillonte në ora 12:00, sipas informacioneve të fundit do të fillojë në ora 15:00. Në ndërtesën e Kuvendit janë të pranishëm numri më i madh i deputetëve si dhe Kryeministri Zaev. Informacionet jozyrtare nga Kuvendi flasin se edhe deputetët e LSDM-së kanë hequr dorë nga diskutimet kështuqë do të shkohet direkt në aktin e votimit… Klan Maqedoni po ndjek për së afërmi zhvillimet në Kanalin e Kuvendit.

 

read more
Top LajmeVendi

NGËRÇI POLITIK: DIPLOMATI AMERIKAN PALMER TË HËNËN NË SHKUP

methu-800×445

MPJ e Rusisë: SHBA e BE presion opozitës në Maqedoni


Zv/Ndihmësi i Sekretarit Shtetëror të SHBA-ve për Evropë dhe Euroazi Metju Palmer do ta arrijë në Maqedoni më 22 Tetor, për të biseduar rreth përkrahjes së SHBA-ve të Marrëveshjes së Prespës dhe për rëndësinë e vazhdimit të agjendës reformuese të vendit – ka njoftuar Ambasada amerikane në Shkup. Diplomati amerikan Palmer do të takohet me Kryeministrin Zaev, ministrin e Jashtëm Dimitrov dhe me përfaqësues qeveritar dhe të partive politike.

Vizita e diplomatit amerikan në Shkup, vjen pas letrës së Ves Miçel, i cili dërgoi kritika të ashpra në adresë të kreut të VMRO-DPMNE-së lidhur me qëndrimin e kësaj partie rreth ndryshimeve kushtetuese. Palmer herën e fundit qëndroi në Maqedoni para festës së Ilindenit, ku mori pjesë në manifestimin në Krushevë. Kërkojmë nga udhëheqësia e VMRO-DPMNE-së t’i lejojë deputetët të votojnë sipas bindjeve të tyre pa frikë, kërcënime e hakmarrje – ka theksuar Metju Palmer, në panel diksutimin në Forumin e Sigurisë në Beograd.  Ai, në pyetje të gazetarëve nuk ka saktësuar nëse vizita e tij në Shkup, do ta anulojë votimin për ndryshimet kushtetuese në Kuvendin e Maqedonisë duke theksuar se partitë duhet ta vënë interesin shtetëror para atij partiak.

“Marrëveshja historike e Prespës i hapi dyert e ardhmërisë evropiane të Maqedonisë. Nuk ka aletrnativë. Nuk ka Prespë plus. Nuk ka marrëveshje më të mirë se kjo. NATO ka ftuar Maqedoninë e Veriut t’i bashkohet aleancës veriatlantike”.

SHBA-të i bëjnë presion opozitës në Maqedoni, për të shtyrë vendin në NATO – shkruan ministria e Jashtme ruse, duke shtuar se një përzierje e këtillë është e papranueshme dhe i tejkalon të gjitha kufijtë e mundshëm. Në Ueb-faqen e ministrisë së Jashtme ruse është publikuar një koment, siç thuhet, rreth përzierjes së huaj në punët e brendshme të Maqedonisë, duke përmendur konkretisht letrën e Zv/sekretarit shtetëror amerikan Ves Miçel, ku siç thuhet, i bëhet presion dhe i diktohet liderit Mickovski se si duhet të sillet – shkruan mes tjerash në komentin e ministrisë së Jashtme ruse. /Klan Maqedoni/

 

 

 

 

 

 

 

 

 

 

 

read more
Top LajmeVendi

NGËRÇI POLITIK: KLAN MAQEDONI, MARRËVESHJA – AFËR?!

auto_Screenshot_4-31521037794

Nesër vazhdimi i seancës në Kuvend


Pavarësisht që grupi i opozitës maqedonase vazhdon të pohojë se nuk ka për të mbështetur ndryshimet kushtetuese, burime të KLAN Maqedoni në kushte anonimiteti lënë të kuptohet se ditëve në vijim, dy grupimet më të mëdha mund të kapërcejnë mosmarrëveshjet për t`i dhënë dritë jeshile ndryshimeve kushtetuese.

Nga LSDM-ja nuk zbulojnë nëse së paku 80 deputetë do të votojnë për të hyrë në fazën tjetër të ndryshimeve kushtetuese, por shpresojnë se kjo do të ndodh.

“Sinqerisht shpresojmë se nesër do ta kemi shumicën e nevojshme prej dy të tretave, por këtë do ta tregojë votimi. Sipas asaj që deri më tani e kemi dëgjuar në diskutimet e kolegave tanë të opozitës, nuk ekziston asnjë deputet i VMRO-DPMNE-së dhe koalicionit të tyre që është kundër anëtarësimit të Maqedonisë në BE dhe NATO”

Për dallim nga LSDM-ja, nga ana tjetër VMRO-DPMNE-ja vazhdimisht pohon se grupi i tyre parlamentar nuk do t’i përkrah ndryshimet kushtetuese.

“Marrëveshja e Prespës për ndryshimin e emrit të vendit politikisht dhe juridikisht është e vdekur. Grupi parlamentar i VMRO-DPMNE-së nuk do t`i përkrah ndryshimet kushtetuese dhe për këtë shkak hoqi dorë nga debati i mëtutjeshëm në Kuvend.

Njohësit e rrethanave në Shkup lënë të kuptohet se toni i debatit treditor në parlament, pavarësisht qëndrimeve të papajtueshme lidhur me Marrëveshjen e Prespës, prapseprap lë hapësirë që dy grupimet më të mëdha të kapërcejnë rubikonin për t’i dhënë dritën jeshile ndryshimit të kushtetutës.

Burime të TV KLAN M thonë se gjatë ditës ka pasur kontakte intensive, ku janë përfshirë edhe diplomatë të huaj të akredituar në Shkup, në mënyrë që të sigurohet shumica e 2/3 e domosdoshme për implementimin e Marrëveshjes – edhe në ndryshimet kushtetuese. Natyrisht se kjo i dedikohet gatishmërisë së shprehur të kryeministrit Zaev për falje dhe pajtim si dhe toneve të zbutura të një rrethi më të gjerë, prej 10-12 deputetësh të koalicionit të prirë nga VMRO-DPMNE. A do të jetë në tavolinën e bisedimeve vetëm rasti i të implikuarve të ngjarjeve të 27 prillit apo në të do të vihet edhe megaskandali i përgjimeve, kjo do të qartësohet këtyre ditëve-më së voni deri në fillim-javën e ardhshme.

read more
Top LajmeVendi

 MUSLIU-‘PLAN B’ I QËNDRUESHËM, S’EKZISTON

Screenshot_2

Kocias, viktimë e palës greke nga Marrëveshja


Plan B, i qëndrueshëm dhe perspektiv për Maqedoninë, nëse nuk votohen ndryshimet kushtetuese në Parlament nuk do të ketë, vlerëson kështu njohësi i çështjeve politike Albert Musliu. Sipas Musliut, mosimplementimi i Marrëveshjes së Prespës do të hap një kahje shumë të vrazhdë për Maqedoninë.

Duke komentuar situatën aktuale në vend, analisti Albert Musliu, thekson se nëse ndryshimet kushtetuese nuk do arrijnë të votohen, vendi patjetër do të duhet t’i nënshtrohet zgjedhjeve të parakoshme. Sipas tij, nëse ndodh mosimplementimi i Marrëveshjes së Prespës vendi do të kaplohet nga tensionet e bazave etnike dhe politike, dhe siç thekson ai, plan B i qëndrueshëm, perspektiv për Maqedoninë nuk do të ekzistojë.

‘Plani B, nëse nuk votohet në Parlament është një plan pak diskutabil. Gjithsesi se duhet të shkohet në zgjedhje të parakohshme, por nga ana tjetër, pala kundërshtuese e procesit, do të tentojë t’i vonojë të gjitha procedurat me qëllim që të vonohet procesi edhe ta pamundësojë palën greke që të hyjë në procesin e ratifkimit si të Marrëveshjes ashtu edhe të protokollit për anëtarësim në NATO dhe me atë proces vihet në rrezik edhe implementimi i Marrëveshjes së Prespës. Mosimplementimi i Marrëveshjes së Prespës nga ana tjetër hap një kahje shumë të vrazhdë për Maqedoninë.  Ashtu që, realisht, plan B i qëndrueshëm perspektiv për Maqedoninë në këtë moment nuk ekziston.

Kreu i diplomacisë greke Nikos Kocias, sipas Musliut, është një prej dëmeve dhe viktimave në palën greke që lidhet me Marrëveshjen e Prespës, gjithsesi, siç thekson ai, të gjitha palët nënshkruese këto dëme i kanë vënë në plan të dytë.

‘Edhe ministri i Jashtëm i Maqedonisë, kryeministri i Maqedonisë dhe ai grek, janë të vetëdijshëm se me marrjen e këtij hapi kurajoz do të kenë dëme politike, por fatmirësisht vizioni i tyre dhe kurajoja e tyre politike i ka vënë në plan të dytë dëmet politike të cilat ato do të kenë. Mendoj se ky ishte edhe një prej qëndrimeve të Kociasit i cili e shprehu gjatë largimit të vet. Nga ana tjetër si do të ndikojë kjo në implementimin e Marrëveshjes mendoj se mund të jetë vetëm një shtysë plotësuese për vendosmërinë të cilën të dy palët nënshkruese e kanë që procesi të përmbyllet deri në fund.’

Në vazhdimin e seancës së Kuvendit të caktuar për nesër paralajmërimet janë se mund të votohet për nevojën e ndryshimeve kushtetuese. Deputetët e VMRO-DPMNE-së hoqën dorë nga diskutimet kurse kanë mbetur edhe 15 deputetë të paraqitur, në mesin e të cilëve edhe të opozitës, dhe nëse nesër përfundon debati, mund të kalohet në votim. /Blerona Jakupi/

 

read more
Top LajmeVendi

DASH: TEJKALONI POLITIKAT PARTIAKE

Screenshot_2

Bisedë telefonike Zaev – Cipras


Shtetet e Bashkuara inkurajojnë liderët e Parlamentit të Maqedonisë të kapërcejnë politikat e partive dhe të përfitojnë nga mundësia historike për një të ardhme më të mirë për vendin, thotë ndër të tjera një zyrtar i Departamentit të Shtetit në një deklaratë për agjencinë greke të lajmeve ANA-MPA. Lidhur me zhvillimet pas dorëheqjes së ministrit të Jashtëm grek Koxias dhe zhvillimeve në Kuvendin e Maqedonisë, një bisedë telefonike kanë zhvilluar kryeministrat e dy vendeve, Aleksis Cipras dhe Zoran Zaev.

SHBA-të i nxisin liderët në Kuvendin e Maqedonisë që t’i tejkalojnë politikat partiake dhe ta shfrytëzojnë mundësinë historike për një të ardhme më të mirë për vendin – thuhet mes tjerash në një deklaratë të një përfaqësuesi të Departamentit amerikan të shtetit në deklaratën për agjencinë greke të lajmeve ANA-MPA. Funksionari amerikan, në pyetjen për dorëheqjen e Kociasit, ka theksuar se “I falënderohen për përkushtimin e veçantë për përforcimin e marrëdhënieve SHBA-Greqi dhe për kontributin në arritjen e marrëveshjes historike të Prespës.

“SHBA-të fuqimisht mbështesin implementimin e marrëveshjes që do t`i mundësojë Maqedonisë ta merr vendin e saj në NATO dhe BE si Republika e Maqedonisë së Veriut. Nga shkaku se në Kuvendin e Maqedonisë vazhdon debati për ndryshimet kushtetuese, i nxisim liderët që t`i tejkalojnë politikat partiake dhe të shfrytëzojnë këtë mundësi që të sigurojnë ardhmëri më të mirë për vendin si anëtare fuqiplotë e institucioneve perëndimore” – ka theksuar përfaqësuesi i DASH-it për agjencinë greke të lajmeve ANA-MPA.

Pas dorëheqjes së ministrit të Jashtëm grek Kocias, dje Kryeministrat e Maqedonisë e Greqisë, Zoran Zaev dhe Aleksis Cipras kanë zhvilluar një bisedë telefonike – ka konfirmuar zëdhënësi i qeverisë greke Xanakopulos.

“Kryeministri kontakton gati se rregullisht me z. Zaev. Është e qartë se Kryeministri i vendit fqinj nuk do t`i komentojë situatën e brendshme në Greqi, por janë pajtuar dhe kanë konfirmuar atë që tashmë dihet, se të dy punojnë për Ballkan të shekullit 21 dhe për implementimin dhe hyrjes në fuqi të Marrëveshjes së Prespës”ka theksuar zëdhënësi i Qeverisë greke Xanakopulos në intervistën për televizionin shtetëror grek ERT. /Klan Maqedoni/

 

 

 

read more
Top LajmeVendi

XHAFERI: ZGJEDHJET NUK JANË ZGJIDHJE

Screenshot_2

Dorëheqja e Kociasit nuk do të ketë ndikim në marrëveshjen e Prespër


Kryetari i Kuvendit i Maqedonisë Talat Xaferi në emisionin Klan Debat ka folur për situatën në kuvendin e Maqedonisë ku pritet të votohen ndryshimet kushtutese. Ai është optimist se palët do të gjejnë gjuhë të përbashkët. Xhaferi ka komentuar edhe dorëheqjen e shefit të diplomatit grek Nikos Kocias.

Kryetari i Kuvendit i Maqedonisë Talat Xaferi nuk pret se dorëheqja e shefit të diplomacisë greke, Nikos Kocias mund të ketë ndikim në marrëveshjen e arritur mes Shkupit dhe Athinës zyrtare, lidhur me emrin e Maqedonisë.

Ministri i Punëve të Jashtme ka dhënë dorëheqje për aspektin e qasjes që kanë pas brenda qeverisë me pjesën opozitare, bile edhe me pjesën e koalicionit që janë brenda për brenda qeverisë. Nënkuptohet se të dy palët kanë bë kompromis për diçka, dhe vlerësimi është që askush nuk mundet për një periudhë goxha të gjatë të vijë në një marrëveshje të re të mundshme dhe të pretendojë që do jetë edhe ma e mira.

Duke folur për tensionet në parlament mes maxhorancës dhe opozitës kryeparlamentari Xhaferi u shpreh, se është optimist se palët do të gjejnë gjuhë të përbashkët.  Sipas tij zgjedhjet e parakohshme nuk janë zgjidhje. /Klan Maqedoni/

read more
RajoniTop Lajme

DORËHIQET MINISTRI I JASHTËM I GREQISË

k2-thumb-large-933×445

Kryeministri Cipras pranon dorëheqjen


Ministri i Jashtëm i Greqisë Nikos Kotzias ka dhënë dorëheqjen nga posti i tij. Lajmi është bërë i ditur nga mediat greke. Sipas raportimeve paraprake, motivi mendohet të ketë lidhje me pakënaqësit brenda koalicionit qeverisës.

Burimet e së përditshmes greke “Kathimerini” flasin për një përplasje mes Kotzias dhe ministrit të Mbrojtjes Panos Kamenos që ka ndodhur ditën e djeshme në mbledhjen e qeverisë.

Sipas kolegëve të ministrit të Jashtëm që kanë folur në kushte anonimati për “Kathimerini”, “Kotzias ka qenë tmerrësisht i prekur nga sulmet e Panos Kamenos që e cilëson njeri të Soros, për akuzat e keqmenaxhimit të fondeve të Ministrisë së Jashtme dhe për sulme të tjera me karakter të ngjashëm”.

Në mbledhjen e djeshme të kabinetit qeveritar të Greqisë, ministri Kotzias i kërkoi Kryeministrit Tsipras që të mbikëqyrë fondet sekrete të Ministrisë së Mbrojtjes dhe të Ministrive të tjera. Sipas “Kathimerini”, Kotzias kërkoi nga Tsipras gjithashtu që të zbatojë të njëjtin ligj për të gjitha Ministritë që kanë në buxhetin e tyre një “fond sekret”, ligj që aktualisht aplikohet vetëm për Ministrinë e Jashtme.

Një nga Ministritë që kanë “fonde sekrete” është Departamenti i Mbrojtjes. Në propozimin që Kotzias bëri dje në mbledhjen e qeverisë, pati fyerje joetike mes ministrave Kamenos-Kotzias, raporton shtypi grek.

Për shkak të përplasjeve që ndodhën në mbledhjen e kabinetit qeveritar, ministri Kotzias dha sot përfundimisht dorëheqjen, dhe sipas mediave të Athinës, ai është i zhgënjyer nga Kryeministri Alexis Tsipras që nuk e mbrojti nga sulmet e ministrit Kamenos. Ky i fundit është kreu i partisë aleate në koalicionin qeverisës.

Këtë pretendim të tij e konfirmon qartë edhe zëdhënësi i qeverisë greke, që reagoi duke thënë se “kush është i mërzitur le të zbresë nga treni i qeverisë. Ne kemi destinacion dhe drejtim të qartë. Kush nuk dëshiron destinacionin, të zbresë nga treni i qeverisë”.

Ndërkaq në deklaratën e kabinetit të kryeministrit grek theksohet se këto përplasje me ministrin e Mbrojtjes Panos Kamenos bëhen për marrëveshjen e Prespës. Kryeministri Grek Aleksis Cipras e ka pranur dorëheqjen e ministrit të punëve të jashme Nikos Koxias dhe i është falënderuar për kontributin e dhënë  gjatë ushtrimit të detyrës. Me Ministrinë e Punëve të Jashme, siç thuhet, do të udhëheqë kryeministri i Greqisë Aleksis Cipras për të ndihmuar me të gjitha forcat rreth  përfundimit të sukseshëm të marrëveshjes së Prespës. /tv klan

read more
Top LajmeVendi

SHKUP: QEVERIA KUNDËR MOSNDËSHKIMIT TË FUNKSIONARËVE

Maqedoni-Qeveria-e-re-dita-e-dyte

Kushtetuesja të mos e pranojë iniciativën e avokatit të Gruevskit


Jashtë çfarëdo lloj logjike, gjegjësisht tërësisht është në kundërshtim me shtetin juridik siç është Maqedonia, ku ligjet duhet të vlejnë njëjtë për të gjithë, është vlerësimi i Qeverisë për iniciativën e dorëzuar nga avokati Elenko Milanov deri te Gjykata Kushtetuese për ngritjen e procedurës për vlerësimin e kushtetutshmërisë së dy neneve nga Kodi Penal.

Qeveria mori vendim me të cilin i propozon gjykatës kushtetuese të mos e pranoj iniciativën e avokatit Elenko Milanov që i përfaqëson Nikolla Gruevskin Mile Janakievskin dhe ish funksionar të tjerë të lartë të qeverisë së mëparshme në rastet e PSP.

Ne kemi propozuar deri tek Gjykata Kushtetuese të mos e pranoj iniciativën me qëllim që të pamundësohet ikje nga përgjegjësia për veprat e kryera penale nga ana e funksionarëve të lartë të qeverisë së kaluar të cilët për momentin zhvillohet procedur nga ana e Prokurorisë Speciale. Kjo është e papranueshme në asnjë formë. Aministi në Maqedoni nuk do të ketë për secilin që ka shkelur ligjet pa marrë parasysh përkatësinë etnike apo partiake”

Nga akuzat e deritashme të PSP, ka rreth 50 të akuzuar në 11 lëndë që ndiqen penalisht për veprën keqpërdorim i detyrës zyrtare. /Klan Maqedoni/

read more
Top LajmeVendi

KOMPANITË AJRORE: ANULOHET SHPALLJA PUBLIKE 

sugarevski_1539770092-5561482

Sugarevski: Në afatin përfundimtar është dorëzuar vetëm një ofertë


Ministri i Transportit dhe Lidhjeve, Goran Sugareski sot ka njoftuar se është shfuqizuar thirrja publike për mbështetje financiare të kompanive ajrore që është publikuar më 13 shtator të këtij viti. Në konferencën e sotme për shtyp në Qeveri, Sugareski ka informuar se deri në afatin përfundimtar është dorëzuar vetëm një ofertë nga “Wizz Air”, por ajo nuk i plotëson kushtet dhe kriteret në tender.

Ministri i Transportit dhe Lidhjeve, Goran Sugaresvki sot në konferencën për media në Qeveri, informoi se deri në afatin përfundimtar është dorëzuar ofertë vetëm nga Vizer, por ajo nuk përshtatet me kushtet dhe kriteret në tender.

Kompania ajrore Vizer ka ofruar të gjitha katër destinacionet t’i vendos në gusht të vitit 2019. Për shkak kësaj, komisioni ka konstatuar se kushtet nga shpallja publike nuk janë plotësuar dhe ka dhënë rekomandim kjo shpallje të anulohet. Kjo gjendje faktike nuk me lenë asnjë mundësi tjetër përveç në mënyrë konsekuente duke e respektuar dekretin dhe shpalljen publike sërish ta anuloj edhe këtë procedurë”. Në shpalljen publike qartë qëndron se kompania ajrore e ka për obligim deri më 10 janar të vitit 2019 të vendos dy linja nga aeroporti në Ohër edhe dy në afat prej një vitit nga nënshkrimi i marrëveshjes.

Sugarevski informoi se në procedurë urgjente do të dorëzojë deri te Qeveria informacion me të cilin në afat të shkurtër do të miratohet dekreti i nevojshëm dhe menjëherë pas kësaj Ministria e Transportit dhe Lidhjeve do të publikojë shpalljen e re publike. Ai potencoi se nuk ka asnjë tentim në anulimin e tenderit dhe i hodhi poshtë spekulimet se tenderi kurdiset për “Air Albania”. /Klan Maqedoni/

 

 

 

read more
1 2 3 4 80
Page 2 of 80