close

Rajoni

Rajoni

THAÇI-VUÇIQ: BISEDIME TË VËSHTIRA

40311134_303

Në Bruksel ka vazhduar raundi i ri i bisedimeve


Presidenti i Kosovës, Hashim Thaçi dhe ai i Serbisë, Aleksandar Vuçiq kanë zhvilluar sot raundin e ri të dialogut, që ndërmjetësohet nga Bashkimi Evropian. Dy presidentët kanë thënë se takimi ka qenë i vështirë. Presidenti Thaçi ka thënë se Serbia ende e mendon Kosovën pjesë të saj, ndërsa Vuçiq ka thënë se duhet gjetur një zgjidhje kompromisi.

“Çka është saktësisht forma e bisedës që kam pasur në baza ditore dhe ku e shoh kompromisin? Cili do të jetë kompromisi? Zgjedhja e vetme e kompromisit që na ofrohet ne, që të gjithë partitë politike në Kosovës, veçanërisht Hashim Thaçi dhe të tjerët, janë duke ofruar që ne të pranojmë pavarësinë e shtetit të Kosovës. Nuk funksionon kështu. Ne duhet të ulemi dhe të provojmë. Duhet t’ju themi dy shoqërive tona se na duhet kompromis në shumë çështje të rëndësishme. Ju nuk jeni plotësisht të kënaqur, ne nuk jemi plotësisht të kënaqur, kjo do të thotë se jemi në gjendje që të arrijmë një zgjidhje të vërtetë kompromisi”. /Agjencitë/

 

më shumë
Rajoni

LIBERALIZIMI I VIZAVE: AVRAMOPULOS-JANË PLOTËSUAR KRITERET

281827-lsnMg4lOsm

Liderët e Kosovës në Bruksel


Sot në orën 16:30, komisioneri Avramopoulos, bashkë me presidentin e Kosovës, Hashim Thaçi, do të mbajnë konferencën për media ku do të jepet lajmi për plotësim të kritereve për liberalizim të vizave.

Dimitris Avramopoulos, Komisioneri Evropian për Migracionin, Çështjet e Brendshme dhe Shtetësinë, në një shkrim autorial dërguar “Kohës Ditore” që do të botohet në numrin e nesërm, ka thënë se Kosova ka arritur progres dhe kriteret për liberalizim vizash janë plotësuar.

“Një kapitull i rëndësishëm në historinë tonë të përbashkët: Kosova i plotëson kriteret për liberalizim të vizave”, ka thënë Avramopoulos, raporton Koha.net.“Pas shumë vitesh e muajsh të përpjekjeve dhe punës së madhe, Komisioni tashmë konfirmon se Kosova i ka përmbushur të gjitha standardet për liberalizimin e vizave. Tash, ne inkurajojmë Këshillin dhe Parlamentin Evropian që të lëvizin përpara me propozimin tonë. Unë vërtetë shpresoj se jemi shumë pranë një regjimi pa viza për të gjithë rajonin, i cili do të vendoset shumë shpejt”, ka theksuar Dimitris Avramopoulos.

Lajmi i shumëpritur për rekomandimin pozitiv për liberalizimin e vizave për Kosovën dhe qytetarët e saj po paralajmërohet nga udhëheqësit më të lartë të institucioneve. Presidenti Hashim Thaçi, kryetari i Kuvendit, Kadri Veseli, kryeministri Ramush Haradinaj, ministri i Jashtëm Behgjet Pacolli dhe zëvendëskryeministri Fatmir Limaj po qëndrojnë në Bruksel, ku në agjendë kishin edhe takimin me Përfaqësuesen e Lartë të Bashkimit Evropian, Federica Mogherini.

Takimi është zhvilluar gjatë paradites në Bruksel. Zëdhënësja e Përfaqësueses së Lartë të BE-së, Maja Kociançiq ka shkruar në rrjetin social Tuitter, se takimi me delegacionin e Kosovës është fokusuar në çështjen e dialogut por edhe në liberalizimin e vizave dhe perspektivën evropiane. /Agjencitë/

 

më shumë
Rajoni

PRISHTINË: PETICION PËR ARSIM CILËSOR

17.7.2018-ZKM-1

Kryeministrit Haradinaj i dorëzohen 124 mijë nënshkrime


Një delegacion i nxënësve sot kanë dorëzuar tek kryeministri i Kosovës Ramush Haradinaj peticionin me nënshkrime me kërkesë për arsim sa më të mirë. Nxënësit në bashkëpunim me GIZ-in gjerman janë angazhuar rreth fushatës për “Arsim më të Mirë në Kosovë”.

Kryeministri Ramush Haradinaj kam thënë se Qeveria do ta trajtojë me tërë kapacitetet për të ngritur sistem të edukimit që u përgjigjet kushteve të teknologjive të avancuara dhe standardeve ndërkombëtare.

Përfaqësuesi i nxënësve, tha se ky takim me kryeministrin është i rëndësishëm për ta. Ata shprehen optimist se së bashku me kryeministrin do t’i tejkalojnë problemet që sfidojnë sektorin e arsimit.

Përfaqësuesi i GIZ-it, Boris SharloVski, ka kërkuar nga kryeministri që sektori i arsimit të shndërrohet në prioritet duke përfshirë rritje të buxhetit sepse, sipas tij, kjo rritje reflekton në ngritje të cilësisë.

“Jemi të lumtur që dorëzuam sot nënshkrimet, ju kryeministër keni qenë nga të parët që keni nënshkruar. Fushata është lansuar më 1 nëntor së bashku me 12 organizata, udhëhequr nga MAShT. Kemi tri nivele të kërkesave, e para arsimi të bëhet prioritet duke përfshirë rritje të buxhetit për arsim, kjo rritje e buxhetit të reflektohet me cilësi në arsimin fillor, kjo do të thotë trajnim të mësimdhënësve, tekste shkollore që janë me standarde evropiane, përfshirje e nxënësve të komuniteteve rom, shkali, egjiptian dhe grupeve të margjinalizuara. Arsimi është zotim i gjithsecilit në shoqëri”.

Më shumë se 124 mijë nënshkrime janë mbledhur nga nxënësit, në mbarë Kosovën që nga nëntori i vitit të kaluar kur ka nisur kjo iniciativë. Këto nënshkrime të nxënësve, mësuesve dhe prindërve që për qëllim kanë thirrjen për arsim më cilësorë në vend, në mënyrë simbolike i janë dorëzuar Kryeministrit Haradinaj. /Agjencitë/

 

më shumë
Rajoni

PRISHTINË: DIPLOMATI AMERIKAN MAROCCO VIZITON KOSOVËN

16-07-2018-ZKM-4

Haradinaj: Të përkushtuar për të luftuar ekstremizmin


Kryeministri i Kosovës, Ramush Haradinaj, tha se Kosova është e përkushtuar në luftimin ekstremizmit dhe radikalizmit të dhunshëm. Këtë zotim, ai e dha në takim me zëvendësin e ndihmëssekretarit amerikan të Shtetit për Çështjen e Parandalimit të Konflikteve, Pete Marocco.

“Kosova ka dëshmuar përkushtimin e saj që të parandalojë dhe luftojë ekstremizmin në vend dhe ky angazhim do të vazhdojë”, thuhet në njoftimin e Kryemnistrisë. Haradinaj e përmendi anëtarësimin e Kosovës në INTERPOL si mundësi që, sipas tij, do ta ndihmonte jo vetëm Kosovën, por edhe rajonin dhe Bashkimin Evropian në fuqizimin e sigurisë.

Kryeministri i Kosovës, Ramush Haradinaj, pas takimit me zotin Marocco, tha gjithashtu në një postim në rrjetin social Facebook se Kosova është e angazhuar për fqinjësi të mirë dhe paqe të qëndrueshme në rajon. “Zëvendës ndihmës Sekretarin Amerikan të Shtetit për Çështje të Qëndrueshmërisë dhe Sigurisë, Pete Marocco, e informova për veprimet që ka ndërmarrë qeveria për parandalimin dhe luftimin e të gjitha formave të ekstremizmit të dhunshëm dhe radikalizmit që çon në terrorizëm, dhe në këtë aspekt ne qëndrojmë të pa luhatur përkrah aleatëve tanë”. Sipas kryeministrit Haradinaj, anëtarësimi i Kosovës në Interpol do të ndihmonte në luftimin e krimit ndërkombëtar.

Zoti Marocco, po diskuton me udhëheqësit e vendeve të Ballkanit Perëndimor, nismat rajonale për të luftuar ekstremizmin e dhunshëm, përpjekjet për të forcuar dialogun ndërfetar dhe mbështetjen për anëtarësimin e rajonit në Bashkimin Evropian.

Marocco, në anën tjetër, vlerësoi, siç thuhet në njoftim, të arriturat në Kosovë, duke theksuar përkushtimin e SHBA-së për të ndihmuar Kosovën në të gjitha proceset e rëndësishme. Ai e çmoi angazhimin konkret të Kosovës në luftimin e ekstremizmit dhe terrorizmit, thuhet në njoftim. /Agjencitë/

më shumë
Rajoni

DIALOGU: HARADINAJ DHE VESELI SHOQËROJNË THAÇIN

Screenshot_3

Veseli: Dokument-kornizë për konsensus


Delegacioni i Kosovës do të udhëtojë i përforcuar në takimin e radhës me delegacionin nga Serbia më 18 korrik në Bruksel, në nivelin më të lartë të përfaqësuesve të institucioneve shtetërore. Presidenti i Kosovës, Hashim Thaçi do të shoqërohet kësaj radhe në Bruksel nga udhëheqësit e institucioneve tjera, por jo edhe nga përfaqësuesit e opozitës. Megjithatë, nuk besohet se në takimin me delegacionin nga Serbia do të përfshihen edhe kryeministri dhe kryetari i Kuvendit.

Zyrtarë nga kryeministria kanë sqaruar se liderët e institucioneve do të udhëtojnë së bashku në Bruksel, por nuk besohet se mund të zhvillojnë së bashku edhe takimin me delegacionin nga Serbia, pasi që ftesa e Përfaqësueses së BE-së për takim u është drejtuar vetëm presidentëve të Kosovës dhe Serbisë. Nga kryeministria u tha se udhëheqësit kosovarë do ta takojnë së bashku Federica Mogherinin, kurse takimi Kosovë – Serbi do të zhvillohet ndërmjet presidentëve.

“Udhëheqësit e institucioneve të Republikës së Kosovës: Presidenti i Republikës, Hashim Thaçi, kryetari i Kuvendit, Kadri Veseli, kryeministri, Ramush Haradinaj, zëvendëskryeministri i parë dhe ministër i Jashtëm, Behgjet Pacolli, zëvendëskryeministri Fatmir Limaj dhe zëvendëskryeministri dhe ministër për Diasporë dhe Investime Strategjike, Dardan Gashi, në një takim të përbashkët, vendosën që të mërkurën, më 18 korrik, të takojnë Përfaqësuesen e Lartë të Bashkimit Evropian, znj. Frederica Mogherini në Bruksel”, thuhet në një komunikatë për media.

Në takimin e liderëve të koalicionit qeverisës bashkë me presidentin Hashim Thaçi, kryetari i Kuvendit të Kosovës, Kadri Veseli, ka paraqitur një dokument-kornizë, me qëllim të arritjes së një konsensusi në dialogun Kosovë – Serbi. Kryeparlamentari Kadri Veseli thotë se beson se dokumenti i propozuar do të shërbejë si fillim i mbarë i ndërtimit të një konsensusi, duke përfshirë edhe opozitën, për fazën përfundimtare të dialogut me Serbinë në Bruksel.

Takimi i radhës ndërmjet Prishtinës dhe Beogradit në Bruksel mbahet më 18 korrik me lehtësimin e Bashkimit Evropian. /Agjencitë/

 

më shumë
Rajoni

PRISHTINË: HARADINAJ-NEVOJITET KOORDINIM INSTITUCIONAL

Screenshot_3

“Kosovës nuk i rrezikohet liberalizimi i vizave”


Kosovës nuk i rrezikohet liberalizimi i vizave, por çështja mbetet nëse do të ketë liberalizim gjatë vjeshtës apo në fund të vitit, ka deklaruar kryeministri i Kosovës, Ramush Haradinaj. Këto komente, Haradinaj i bëri gjatë një konference për media, ku foli edhe në lidhje me disponimin aktual të liderëve të vendeve të BE-së, në lidhje me liberalizimin e vizave për Kosovën.

Kryeministri Haradinaj ka bërë se takimi i tij i sotëm me presidentin dhe kryeparlamentarin ishte për t’i njoftuar rreth pjesëmarrjes së Kosovës në Samitin e Londrës. Sipas tij, Serbia ka treguar koordinim më të lartë, prandaj edhe Kosovës i duhet një koordinim i tillë institucional.

Duke u ndalur tek takimi i zhvilluar në Londër me kancelaren gjermane, Angela Merkel, kryeministri Haradinaj tha se Merkel ishte mjaft e kujdesshme, duke thënë se Gjermania e pret fillimisht rekomandimin e Komisionit Evropian dhe më pas do të dalë me qëndrimin e saj. Në këtë fazë, Haradinaj tha se janë në pyetje javët deri kur Kosova të marrë rekomandim nga Komisioni Evropian, në mënyrë që procesi të mos shtyhet deri në vjeshtë. /Agjencitë/

 

më shumë
Rajoni

ATHINË: GREQIA DËBON DIPLOMATË RUSË

ministria-e-jashtme-grekle_1531301634-5498679

Ndërhyrje në punët e brendshme të Greqisë


Greqia urdhëroi dëbimin e dy diplomatëve rusë dhe ua ndaloi hyrjen dy të tjerëve, nën dyshimet se kanë rrezikuar sigurinë kombëtare. Qeveria greke tha se zyrtarët rusë kanë synuar të sigurojnë dhe të shpërndajnë informacione të ndjeshme.

Greqia ka vendosur të dëbojë në mënyrë të menjëhershme dy diplomatë rusë dhe të shpallë “non grata” dy të tjerë. Lajmi është bërë i ditur nga mediat greke gjatë orëve të para të mëngjesit të sotëm, ndërsa njoftohet se mes të dëbuarve është edhe zyrtari i Ambasadës ruse Viktor Yakovlev. Zëdhënësi i Qeverisë greke, Dimitris Tzanakopoulos, tha se Athina nuk do të tolerojë asnjë sjellje që shkel ligjin ndërkombëtar.

Gazeta greke Kathimerini tha se Athina ka urdhëruar dëbimin e diplomatëve rusë, pas përpjekjeve të perceptuara të tyre për të dëmtuar marrëveshjen që Greqia ka arritur me Maqedoninë, muajin e kaluar, për zgjidhjen e kontestit të emrit të ish-republikës jugosllave. Marrëveshja pritet të hapë rrugën për anëtarësimin e Maqedonisë në NATO. Rusia, e cila është kundër zgjerimit të aleancës ushtarake perëndimore, tha se do t’i përgjigjet dëbimit të diplomatëve të saj nga Greqia.  “Në bazë të praktikave të vendosura për raste të ngjashme, do të pasqyrojmë kundërpërgjigjen tonë”, citohet të kenë thënë zyrtarë të ministrisë së Jashtme Ruse. /Agjencitë/

më shumë
Rajoni

PRISHTINË: APOSTOLOVA-TË ZBATOHEN REFORMAT

1-13

Prezantohen prioritetet austriake gjatë kryesimit me BE-në


Shefja e Zyrës së Bashkimit Evropian (BE) në Kosovë, Nataliya Apostolova, tha se gjashtë muajt e ardhshëm do të jenë kritik për marrëdhëniet BE-Ballkan Perëndimor, por edhe për Kosovën. Ajo nuk la pa përmendur edhe dialogun Kosovë- Serbi, duke shtuar se dialogu i filluar në vitin 2012 duhet të përfundojë me marrëveshje të detyrueshme e ligjore për të dyja vendet.

Apostolova bashkë me ambasadori i Austrisë në Kosovë, Gernot Pfandler, derisa kanë paraqitur prioritetet e Presidencës së Austrisë të Këshillit të Bashkimit Evropian, shtoi se në Kosova duhet të bëjë më shumë në zbatimin e reformave evropiane deri në vjeshtë.

Këshilli fuqimisht ka përsëritur angazhimin e BE-së për Ballkanin Perëndimor. Kosova mund të përfitoj jashtëzakonisht shumë nga avancimet rajonale.Progresi rajonal gjithashtu thekson nevojën për punë të përkushtuar për të adresuar reformat e nevojshme këtu në Kosovë. Besojmë se me momentum të mjaftueshëm politik dhe fokus, Kosova mund të bëjë hapa të rëndësishëm të reformave deri në vjeshtë. Kjo thekson vlerën dhe normalizimin e marrëdhënieve, dhe ne shpresojmë se kjo do të përkthehet në gjetjen e një zgjidhjeje të detyrueshme ligjore e të qëndrueshme me Beogradin”.

Ambasadori i Austrisë në Kosovë Gernot Pfandler, tha se është koha e duhur që të merren hapa konkret në Ballkanin Perëndimor, duke siguruar mbështetjen e plotë të shtetit që përfaqëson.

“Është koha të merren hapa konkret në Ballkanin Perëndimor. Prioritetet tona janë të fokusuara në emigrimin, është një nga pikat kyçe. Në përgjithësi dua të them se Austria është e gatshme të ndihmojë dhe të negocioj në këtë pikë dhe gjithashtu edhe në pikat tjera. Pika e dytë është ekonomia dhe ne duam të kontribuojmë në zhvillimin e inovacionit dhe digjitalizimit të ekonomisë. Prioriteti i tretë është që duam të sjellim regjionin më afër Bashkimit Evropian”.

Ndryshe, Kancelari austriak Sebastian Kurz tha se gjatë udhëheqjes me Presidencën e BE-së, Austria dëshiron të japë kontributin në zgjidhjen e kontesteve në Ballkanin Perëndimor.Ai për agjencinë e lajmeve austriake APA me rastin e pjesëmarrjes në Samitin për Ballkanin Perëndimor në kuadër të Procesit të Berlinit në Londër theksoi se është me rëndësi që këto tema të hapura të zgjidhen përfundimisht dhe se Austria do të përpiqet të japë kontributin e saj. /Agjencitë/

 

më shumë
Rajoni

SHQIPËRI: TRENI DEL NGA SHINAT – NUK KA TË LËNDUAR

Screenshot_6

Ngjarja në Rogozhinë në linjën Elbasan-Durrës


Treni i udhëtarëve të linjës Elbasan-Durrës ka dalë nga shinat në afërsi të stacionit hekurudhor të Rrogozhinës. Raportohet se ngjarja ka ndodhur për shkak të një gabimi njerëzor gjatë ndërrimit të parakohshëm të linjës nga punonjësi në shërbim i stacionit hekurudhor të Rrogozhinës. Shpejtësia e ulët me të cilën lëvizin trenat në linja shmang dëmet në njerëz.

Me 5 kilometra në orë, treni me 40 pasagjerë i linjës Durrës-Elbasan doli nga nga shinat në stacionin e Rrogozhinës. Për fat nuk pati të lënduar, por njerëzit që ishin brenda u përfshinë në panik. Disa prej tyre vrapuan të hidheshin nga dritaret dhe situata kaloi në kaos.

Punonjësi i stacionit të hekurudhës ka ngatërruar butonin që ndërron shinat, duke shkaktuar shkëputjen e njërit vagon. Sipas instruktorit të trenit, Kujtim Backa, ky rast është një gabim njerëzor. Sipas tij, treni ka qenë duke lëvizur me shpejtësinë 5 kilometra në orë. Tek ndërruesit e shinave nuk ka funksionuar procesi në momentin që në stacion po hynte edhe treni i linjës Tiranë-Vlorë.

Bashkë me pasagjerët nga zonat e Elbasanit që po shkonin në plazh në Durrës kanë qenë dhe dy turistë të huaj. Ky nuk është aksidenti i pare që ndodh në hekurudhat shqiptare. I gjithë rrjeti është i amortizuar dhe pothuajse jashtë funksionit, por disa trena pasagjerësh dhe mallrash vazhdojnë të qarkullojnë. /Agjencitë/

më shumë
Rajoni

GJILAN: POLICIA E KOSOVËS ARRESTON PESË PERSONA

6AF9B4F6-C6F2-4CDF-9327-53AA09E82E2A_cx0_cy2_cw0_w1023_r1_s

Beogradi kërcënon me ndërprerje të dialogut


Policia e Kosovës ka njoftuar, se gjatë një aksioni policor në rajonin e Gjilanit, ka arrestuar pesë persona për shkak të dyshimeve të bazuara se janë përfshirë në veprimtari kundër rendit kushtetues dhe sigurisë së Republikës së Kosovës.

Aksioni i Policisë është ndërmarrë me urdhër të gjykatës kompetente në Gjilan, pas zhvillimit të hetimeve nga njësitet relevante të këtij institucioni. Në një komunikatë për media, Policia ka demantuar disa media të caktuara serbe, se aksioni i Policisë është ndërmarrë kundër ish-pjesëtarëve të Forcave të Sigurisë së Kosovës, duke theksuar se këto janë vetëm spekulime.

Pesë pjesëtarë të komunitetit serb janë burgosur nga Policia e Kosovës nën dyshimet se u kanë bërë presion pjesëtarëve të po këtij komuniteti në radhët e Forcës së Sigurisë së Kosovës, që ta braktisin këtë Forcë. Kryetari i Kuvendit të Kosovës, Kadri Veseli ka dënuar, siç ka thënë ai, kërcënimet që po dyshohen se po bëhen ndaj familjeve të pjesëtarëve të Forcës së Sigurisë së Kosovës nga komuniteti serb. Ai ka thënë se Policia e Kosovës ka arrestuar pesë persona të dyshuar për këto kërcënime.

“Sot, institucionet e rendit dhe sigurisë në Kosovë kanë përmbushur detyrën e tyre, duke arrestuar pesë persona të dyshuar për cënim të sigurisë dhe rendit. Tentimet e vazhdueshme të politikës serbe për ta penguar dhe dëmtuar në çdo hap integrimin e qytetarëve serbë të Kosovës janë në kundërshtim me parimet e fqinjësisë së mirë, interesave të qytetarëve serbë në Kosovë, vlerave evropiane dhe aspiratave për integrimin në BE”, ka shkruar Veseli në profilin e tij në Facebook.

Ndërkohë, Drejtori i Zyrës për Kosovë në qeverinë e Serbisë, Marko Gjuriq ka kërcënuar me ndërprerje të dialogut nëse pesë serbët e arrestuar sot nuk lirohen. “Në qoftë se pesë të arrestuarit në komunën e Gjilanit nuk lirohen sonte nuk do të ketë dialog për një kohë të gjatë”, është shprehur Gjuriq. Ai ka theksuar se ky mesazh vjen nga presidenti serb, Aleksandar Vuçiq duke shtuar se edhe përfaqësuesit e Bashkimit Evropian tashmë janë informuar në lidhje me këtë çështje, mirëpo ende nuk kanë kthyer përgjigje.

Kohët e fundit, pjesëtarët serbë të Forcës së Sigurisë së Kosovës po e braktisin këtë Forcë, me arsyetimin se kanë presione nga Beogradi. Nga 137 pjesëtarët serbë të FSK-së, 40 prej tyre kanë paraqitur kërkesë për t’u larguar. /Agjencitb/

 

më shumë
1 2 3 4 5 192
Page 3 of 192