close

Rajoni

Rajoni

ATHINË: ZJARRET-DHJETËRA TË VDEKUR

athina-780×439

BE ofron ndihmë


Dhjetëra njerëz vdiqën nga zjarret pranë Athinës. Autoritetet i cilësuan ato si flakët më vdekjeprurëse në më shumë se një dekadë. Ato u përhapen në perëndim dhe lindje të kryeqytetit grek, të shoqëruara me temperatura të larta deri në 40 gradë Celsius dhe erëra të forta. Zjarrëfikësit raportuan për më shumë se 100 njerëz të plagosur.

Të paktën 60 njerëz vdiqën në zjarret në rajonin e Atikës rreth Athinës, në krizën më të keqe të zjarrit të Greqisë në më shumë se një dekadë. Një zyrtar lokal dha numrin e viktimave për mediat lokale pasi zjarri shkatërroi fshatin bregdetar të Matit. Ekipet e shpëtimit gjetën trupat e 26 të rriturve dhe fëmijëve të cilët me sa duket përqafuan njëri-tjetrin kur vdiqën, të bllokuar nga ferri vetëm pak metra larg detit, raporton BBC.

Disa vende evropiane Italia, Polonia, Gjermania dhe Franca dërgojnë avionë për neutralizimin e flakëve. Të shumta kanë qenë reagimet e liderëve botërorë lidhur me situatën e rëndë që po kalon Greqia për shkak të emergjencës nga zjarri i rënë në disa zonë të Athinës. Presidenti i Komisionit Europian, Jean-Claude Juncker me një mesazh në Tuitter njoftoi se ka biseduar me presidentin Pavlopulos dhe kryeministrin Tsipras lidhur me situatën si dhe shprehu ngushëllimet e tij për familjarët e viktimave.

Kryeministri i Greqisë, Alexis Tsipras, ndërpreu vizitën në Bosnje dhe Hercegovinë për t’u kthyer në Athinë, ndërsa kërkoi ndihmë nga ushtria dhe Bashkimi Evropian. Zona e përfshirë nga flakët është e pyllëzuar dhe e mbushur me shtëpi pushimi.

Ndërkohë, kryeministri Aleksis Tsipras ka shpallur zi kombëtar treditor. Gjithashtu ai u shpreh se asgjë dhe askush nuk do të harrohet. “Asgje dhe askush nuk do të harrohet”, është shprehur Tsipras. Ai shprehu respektin e tij të thellë dhe njohu përpjekjet e zjarrfikësve, marinës, vullnetarëve dhe të gjithë atyre që morën pjesë në operacionet e shpëtimit. Ndërkohë raportohet se mbi 1000 persona rezultojnë të zhdukur. Mbi 1000 banesa dhe mbi 300 automjete janë shkrumbuar nga zjarri në Athinë. /Art Channel/

më shumë
Rajoni

PRISHTINË: BETEJA PËR NJOHJET-HARADINAJ TAKON PACOLLIN

Screenshot_3

Pacolli: Serbia kundër Kosovës me shitje armatimi  


Kryeministri Ramush Haradinaj ka njoftuar se në një takim me ministrin e jashtëm të Kosovës, Behgjet Pacollin, kanë diskutuar për sfidat të cilat Kosova po ballafaqohet në planin diplomatik, veçanërisht me betejën rreth njohjeve. Haradinaj, përmes një statusi në Facebook ka thënë se konsolidimi i diplomacisë së Kosovës në botë, politika parimore krahas organizatave ndërkombëtare, marrëdhëniet bilaterale e multilaterale, ishin në fokus të diskutimit me ministrin e Punëve të Jashtme, Behgjet Pacollin.

Kryeministri i Kosovës Ramush Haradinaj ka bërë të ditur se ka kërkuar nga BE-ja dhe ShBA-ja armëpushim politik me Serbinë, në mënyrë që kjo e fundit mos të vazhdojë të pengojë edhe më tutje rrugën evropiane të Kosovës. Sipas Haradinajt, me ta kanë biseduar edhe për kthimin e Listës Serbe në institucione.

Ministri i Jashtëm I Kosovës, Behgjet Pacolli, ka thënë se njëra nga qendrat e diplomacisë së Serbisë ofron armë në vende të largëta të botës për të lobuar kundër Kosovës.Pacolli tha se i dinë emrat e disa prej këtyre shteteve, por nuk do t’i publikojnë.

Serbia tash e sa kohë po lobon në shtetet e ndryshme për mos njohjen e Kosovës. Ministri i Jashtëm serb Ivica Daciq, madje, pothuajse secilën ditë tregon emrat e shteteve, siç thotë ai, kanë tërhequr njohjet ndaj Kosovës, por edhe i falënderon shtete që nuk e kanë njohur ende Kosovës si shtet. /Agjencitë/

 

më shumë
Rajoni

PRISHTINË: OPOZITA BOJKOTON TAKIMIN E THIRRUR NGA VESELI

Screenshot_3

Veseli: Takimi ka qenë kërkesë e opozitës


Përfaqësuesit e partitive opozitare nuk morën pjesë në takimin e thirrur nga kryetari i Kuvendit të Kosovës, Kadri Veseli, i cili ka pasur në agjendë çështjen e arritjes së një konsensusi kombëtar për dialogun me Serbinë.

Veseli, njëherësh kryetar i Partisë Demokratike e Kosovës, në një konferencë për media, tha se në takim kanë marrë pjesë vetëm përfaqësues të koalicionit qeverisës dhe përfaqësues të komuniteteve joserbe nga Grupi 6+. Sipas tij, thirrja e këtij takimi ka qenë kërkesë e kahershme e vetë partive opozitare. Ai po ashtu tha se institucionet e Kosovës kanë nevojë për një reflektim dhe akomodim të një qëndrimi rreth dialogut.

Aktualisht, Kosova dhe Serbia janë futur në atë që cilësohet si faza finale e dialogut, në të cilën është paralajmëruar edhe arritja e një marrëveshjeje finale që do të nënkuptonte normalizimin e raporteve ndërmjet dy vendeve. /Agjencitë/

 

më shumë
Rajoni

ATHINË: ZJARR I MADH NË AFËRSI TË KRYEQENDRËS GREKE

Screenshot_6

Qytetarët fillojnë të largohen nga zonat e zjarrit


Një zjarr i madh po digjet në pjesën perëndimore të rajonit Atika në rajonin më të gjerë të Athinës. Stuhia e zjarrtë ende nuk është vendosur nën kontroll, ndërsa qytetarët e rrethinës, në mënyrë parandaluese, i braktisin shtëpitë e tyre.

Tymi e mbuloi pothuajse tërë kryeqytetin grek. Bëhet fjalë për zjarr pyjor i cili është zgjeruar drejt vendit të banuar, ndërsa kushtet e motit, gjegjësisht era në mënyrë shtesë e vështirëson shuarjen e zjarrit. Shërbimi i zjarrfikësve të Greqisë njoftoi se në terren janë 70 zjarrfikës me 30 automjete, dy helikopterë dhe pesë aeroplanë.

Sipas televizionit grek Skaj, të paktën dy shtëpi kanë pësuar dëm më të vogël material nga zjarri. Korrespondentja e MIA-s lajmëroi se tymi nga zjarri për shkak të erës është zgjeruar pothuajse nëpër tërë Athinës,. ndërsa e mbuloi qiellin madje edhe në lagjet që janë mbi 50 kilometra distancë nga stihia e zjarrtë. /Agjencitë/

më shumë
Rajoni

PRISHTINË: BEOGRADI NDALON VIZITËN E PACOLLIT NË NOVI PAZAR

behgjet-pacolli

MPJ e Kosovës: Shkelje e Marrëveshjes së Brukselit


Autoritetet e Serbisë kanë refuzuar kërkesën e vizitës zyrtare të ministrit të Punëve të Jashtme në Qeverinë e Kosovës, Behgjet Pacolli, në Novi Pazar. Kështu ka bërë të ditur në një komunikatë për media, Ministria e Punëve të Jashtme e Kosovës, duke e konsideruar këtë vendim, shkelje të marrëveshjes së Brukselit dhe cenim të lëvizjes së lirë.

Beogradi zyrtar ka refuzuar kërkesën e ministrit të Jashtëm të Kosovës, Bexhet Pacolli, për të vizituar Serbinë, ku ishte planifikuar një takim me përfaqësues të komunitetit boshnjak në Novi Pazari. Radio Televizioni i Serbisë konfirmoi se qeveria e kryeministres Ana Brnabiç ka refuzoi kërkesën zyrtare. Për këtë arsye Pacolli vendosi që në Forumin e Boshnjakëve në Sanxhak të shkojë si qytetar i zakonshëm.

Në reagimin e Ministrisë së Punëve të Jashtme thuhet se këtë pengesë do ta adresojnë te zonja Mogherini dhe autoritetet tjera ndërkombëtare.

 “Do të ishte e arsyeshme, që Kosova të mbajë të drejtën për masa reciproke kundërdrejt autoriteteve të Beogradit sipas Marrëveshjes së Brukselit, por ne i dedikohemi të drejtave fundamentale për lëvizjen e lirë të njerëzve përderisa ato mos të jenë qëllimkeqe.Të rikujtojmë faktin se edhe vizitat e kosovarëve tek bashkëkombasit e tyre në Preshevë, Bujanoc dhe Medvegjë duhet të vëhen në reciprocitet me vizitat e serbëve tek bashkëkombasit e tyre në Kosovë”, thuhet në komunikatën e lëshuar.​

Ministri i Punëve të Jashtme në Qeverinë e Kosovës, Behgjet Pacolli, ishte ftuar për të marrë pjesë në një konferencë dy ditore të Këshillit Kombëtar Boshnjak të Serbisë. Serbia dhe Kosova, në kuadër të dialogut politik për normalizimin e marrëdhënieve, kanë nënshkruar marrëveshje për lëvizjen e lirë të qytetarëve dhe vizitat e zyrtarëve në vitin 2014. /Agjencitë/

 

më shumë
Rajoni

PRISHTINË: MEDALJE PRESIDENCIALE PËR ERA ISTREFI

ss-1-852×460

Era performoi në Finalen e Kampionatit Botëror Rusi 2018


Këngëtarja kosovare, Era Istrefi, e cila performoi në finalen e Kupës së Botës në futboll, është nderuar me Medalje Presidenciale Jubilare e Dhjetëvjetorit të Pavarësisë.

Ishte presidenti i Kosovës Hashim Thaçi që ia dhuroi këtë medalje Istrefit, e cila e konsideroi si nderim dhe si një motivim shtesë që të vazhdojë ta promovojë vendin ku është lindur dhe rritur.

Edhe këngëtarja me famë botërore Era Istrefi i dhuroi presidentit Thaci topin zyrtar të kampionatit botëror.  Era ka bërë mbylljen e Kampionatit me këngën zyrtare të Botërorit “Live it up”, në duet me Will Smith dhe Nicky Jam. Të gjitha arritjet e mëdha të Erës anembanë botës i ka vlerësuar lartë Presidenti i Kosovës, Hashim Thaçi. /Agjencitë/

 

më shumë
Rajoni

“LUFTA TREGTARE”: BEKTESHI LETËR HOMOLOGUT KOSOVAR DHE CEFTA-s

kreshnik-bekteshi-66666-800×445

“Të tërhiqet masa për rritjen e doganave për import”


Vendimi i Ministrisë së Tregtisë dhe Industrisë për vendosjen e një mase prej 30% për prodhimet bujqësore që importohen në Kosovë, ka shkaktuar reagime të ashpra në disa shtete fqinje. Kritika dhe kërcënime ka pasur më së shumti nga Maqedonia, të cilët kanë paralajmëruar vendosjen e reciprocitetit ndaj produkteve të Kosovës.

Lidhur me vendimin e Kosovës për rritjen e doganave për 30% për importin e llojeve të caktuara të pemëve, perimeve dhe misrit dhe pas takimit të përbashkët mes ministrive për ekonomi dhe ministrisë për Bujqësi, si dhe Drejtorisë së Doganave, në koordinim me ministrinë e Jashtme, ,ministri i Ekonomisë Kreshnik Bekteshi i ka dërguar letër Sekretariatit të CEFTA-s dhe ministrit për Tregti dhe Industri të Kosovës, Bajram Hasani, ku kërkohet tërheqja e kësaj mase që tashmë ka shkaktuar dëme të konsiderueshme në tregtinë me këto prodhime. Ministria e Ekonomisë për këtë çështje ka informuar edhe Komisionin Evropian.

Miratimi i një vendimi të këtillë është në kundërshtim me tre prioritetet në Programin për kryesim të CEFTA gjatë këtij viti, ku të gjithë palët plotësisht e kanë përkrahur me qëllim që bashkërisht të punojmë në lehtësimin e tregtisë me mallra, harmonizimin e tregjeve të CEFTA-s me BE dhe krijimin e një rajoni pa barrier jotarifore dhe masa që pengojnë tregtinë” – thuhet në letrën që Bekteshi ia ka dërguar kolegun të tij nga Kosova dhe Sekretariatit të CEFTA-s.

Mediat e Kosovës kanë bërë të ditur se Ministri Hasani ka zhvilluar një bisedë telefonike me Ministrin Bekteshi. Sipas ministrit Hasani vendimi i Kosovës për mbrojtjen e produkteve vendore nuk është për inat të askujt, por ka synim zhvillimin e ekonomisë në vend.

“Vetë fakti që Maqedonia ndoshta është dhjetëfishi i eksportit të saj ndaj Kosovës, sesa Kosova në drejtim të tyre tregon. Ne kemi marrë vendim me bazë ligjore që mund t’ua argumentojmë Maqedonisë dhe çdo pale tjetër që ka bazë ligjore për të marrë vendim. S’kemi marrë vendim në shenjë revolte dhe kundër asnjë shteti. Qëllimi është t`i mbrojmë prodhuesit tanë, t`i zëvendësojmë prodhimet e huaja me prodhimet tona. Ne po bëjmë balanca të çmimeve tona, po i bëjmë konkuruese prodhimet tona me të tjerëve”,

Vendimi për vendosjen e masës prej 30% për produktet që hyjnë nga vendet e tjera, është miratuar edhe nga Qeveria e Kosovës në mbledhjen e fundit. Këtu përfshihen mbi 21 produkte kryesisht pemë dhe perime. Kjo cështje me siguri se do të diskutohet edhe gjatë vizitës së ministrit të Jashtëm të Maqedonisë Nikola Dimitrov në Kosovë. /Art Channel//

 

më shumë
Rajoni

ATHINË-GENIMATA: MARRËVESHJA E PAPRANUESHME

Fofi-Gennimata

Greqia organizon debat profesional për marrëveshjen


Qeveria greke bëri veprime të rrezikshme për gjuhën dhe kombin, veprime të cilat në vend që të mbyllin llogari të vjetra, ato hapin llogari të reja. Marrëveshja nuk është e pranueshme për ne, tha kryetarja e Lëvizjes për ndryshime, Fofi Genimata.

Në fjalimin e saj në Seres, ajo sqaroi se partia dëshiron marrëveshje të qëndrueshme me vendin fqinj, marrëveshje “e cila do të shkatërrojë çfarëdo lloj irredentizmi dhe aspirate për të ardhmen kombëtare ndaj Greqisë”, ajo shtoi se ata dëshirojnë zgjidhje, por jo çfarëdo zgjidhje.

“Kur doli në pah Marrëveshja, sqaruam se për ne, në këto kushte nuk është e pranueshme. Nëse do të ishte ashtu do të zgjidhej çështja e qeverive të mëparshme të PASOK. Ne ishim dhe jemi komplet kundër lëshimeve të Qeverisë greke në çështjet kritike për kombin dhe gjuhën. Bëhet fjalë për lëshime të cilat janë të rrezikshme dhe historikisht të gabuara. Lëshime nga pozitat e fuqishme, që në vend se të mbyllin llogari të vjetra, hapin llogari të reja”, tha Genimata.

Ajo e akuzoi Qeverinë greke edhe për letrën e dërguar deri në NATO për anëtarësimin e Maqedonisë, duke thënë se bëhet fjalë për një ftesë të thjeshtë, por “filloi procesi i integrimit”.

“Nëse vendet tjera do të vazhdojnë me ratifikimin e integrimit, në fund Greqia do të mbetet e vetme dhe do të krijohen rezultate të pakthyeshme”, komentoi Genimata.

Në fjalimin e saj, i përmendi edhe ngjarjet e fundit në marrëdhëniet ruso-greke, tha se qeveria tani ka hapur “hesape të reja me dëbimin e rusëve, ndërsa Zaev akuzon biznesmenë grekë”. Genimata, kërkoi që urgjentisht të njoftohen organet institucionale.

Për aspektet juridike të marrëveshjes me Maqedoninë, prapavija historike, zbatimi i saj, emri, përdorimi, gjuha dhe nënshtetësia, janë disa nga temat që do të diskutohen nga profesorët juridik në Greqi, në një konferencë që e organizon Ministria e Punëve të Jashtme e Greqisë.Nga MPJ greke thonë se qëllimi i konferencës është që të ketë debat global dhe profesional në lidhje me gjitha çështjet që dalin nga marrëveshja historike mes Shkupit dhe Athinës.

“Diskutime do të ketë në katër sesione dhe pritet të kontribuohet në qartësimin e koncepteve kritike dhe termeve juridike, me qëllim që të informohet opinioni”, thonë nga MPJ e Greqisë.

Debati pritet të zgjasë shtatë orë dhe do të përfundojë sonte me fjalimin e shefit të diplomacisë greke Nikos Kotzias, i cili do të flet në temën “Vlerësimi i marrëveshjes së Prespës dhe zbatimi strategjik”. /Art Channel/

 

 

më shumë
Rajoni

PRISHTINË: LIBERALIZIMI I VIZAVE-LIDERËT OPTIMISTË

Lideret-EO

KE rekomandim pozitiv


Delegacioni i Kosovës, i përbërë nga presidenti Thaçi, kryeparlamentari Veseli, kryeministri Haradinaj dhe zv. kryeministrat Pacolli, Limaj dhe Gashi, janë paraqitur entuziastë në një konferencë për medie pas kthimit nga Brukseli.

Presidenti i Kosovës, Hashim Thaçi, e quajti një lajm të mirë rekomandimin pozitiv për liberalizimin e vizave për kosovarët që u publikua në Bruksel nga komisionari i BE-së për Migrim, Çështje të Brendshme dhe Shtetësi, Dimitris Avramopoulos.

Kryetari i Kuvendit, Kadri Veseli, shprehu besimin se pas rekomandimit, vendimi për heqjen e vizave do të merret në dhjetor. Veseli tha se institucioneve të Kosovës u pritet ende punë.

Kryeministri i Kosovës Ramush Haradinaj e quajti vendim meritor rekomandimin pozitiv, i cili sipas tij është arritur pas një pune të madhe nga institucionet dhe shoqëria kosovare.

Komisioni Evropian dha rekomandim pozitiv për liberalizimin e vizave për shtetasit e Kosovës. Në vazhdim priten të kryhen disa procedura nga Këshilli dhe Parlamenti Evropian dhe shpresohet që kosovarët të lëvizin pa viza në zonën Schengen nga fundi i dhjetorit. /Agjencitë/

 

më shumë
Rajoni

TIRANË: META DEKORON PRESIDENTEN KROATE KITAROVIQ

Dekorimi-i-presidentes-kroate-1024×682

Kitaroviq: Bashkim kombëtar që Shqipëria të hyjë në BE


Presidenti i Shqipërisë Ilir Meta ka nderuar me “Dekoratën e Flamurit Kombëtar” Presidenten e Kroacisë, Kolinda Grabar-Kitaroviq. Motivacioni është ”Për kontributin e çmuar në intensifikimin e gjithanshëm të marrëdhënieve midis Republikës së Shqipërisë dhe Republikës së Kroacisë; për forcimin e mëtejshëm të miqësisë shumëshekullore midis popullit shqiptar dhe atij kroat; si dhe për mbështetjen e pakursyer në kuadër të procesit të integrimit të Shqipërisë në Bashkimin Evropian”.

Në ceremoninë e zhvilluar me këtë rast në Pallatin e Brigadave zonja Grabar-Kitaroviq duke falënderuar tha se “Ky titull që po marr është simbol i një miqësie të thellë mes vendeve tona, veçanërisht mes shqiptarëve dhe kroatëve dhe u jam mirënjohëse si juve personalisht, po ashtu dhe Shqipërisë”. Presidenti i Shqipërisë Ilir Meta ka kujtuar se shqiptarët dhe kroatët kanë ndërtuar në shekuj lidhje të fuqishme miqësie e bashkëpunimi.

Në ditën e dytë të vizitës zyrtare në Shqipëri, presidentja e Kroacisë Kolinda Grabar-Kitaroviq mbajti një fjale përshëndetese në kuvendin e Shqipërisë. Kitaroviq në fjalën e saj u shpreh se Kroacia është e angazhuar që të forcojë edhe më tej marrëdheniet dhe bashkëpunimin me Shqipërinë. Ajo premtoi mbështetje për Shqipërinë nga Kroacia në çdo sfide, sidomos në procesin e integrimit europian duke përshëndetur arritjet e deritanishme. Kitaroviq tha se duhet bashkim kombëtar për procesin e anëtarësimit të vendit në BE. /Agjencitë/

 

më shumë
1 2 3 4 192
Page 2 of 192