close

Rajoni

Rajoni

KOSOVË: MË 27 TETOR –MSA-ja!

no thumb

Në mbledhjen e sotme  të Qeverisë së Kosovës, kryeministri Isa Mustafa bëri të ditur se më 27 tetor do ta nënshkruajë Marrëveshjen e Stabilizim Asocimit.

Ministri i Brendshëm Skënder Hyseni, foli për gjendjen e sigurisë në të gjitha nivelet pas ngjarjeve të mbrëmshme në Kuvend duke thënë se  policia ka bërë çmos që të ketë siguri në të gjitha nivelet.

Ndërkaq, zëvendëskryeministri dhe ministër i Punëve të Jashtme Hashim Thaçi e ka njoftuar Qeverinë në lidhje me vendimin e Bordit Drejtues të UNESCO-s, duke thënë se është zgjeruar mbështetja për anëtarësimin e Kosovës në këtë agjenci të Kombeve të Bashkuara.

Si plotësim i rendit të ditës, u shqyrtua propozim-vendimi për rekomandimin e presidentes së Kosovës për autorizimin e ministrit të Financave për nënshkrimin e marrëveshjes ndërkombëtare. /Kosovaprees/

read more
Rajoni

KOSOVË: SËRISH DHUNË NË KUVEND!

no thumb

Deputetët e opozitës së Kosovës duket se janë të vendosur për të mos lejuar nisjen e seancës parlamentare të kuvendit e cila ishte parashikuar të mbahej në orën 16:00 të ditës së sotme. Lëvizja Vetëvendosje, Aleanca për Ardhmërin e Kosovës dhe Nisma për Kosovën kanë bllokuar Kuvendin e Kosovës duke lëshuar gaz lotsjellës para zyrës së kreut të Kuvendit Kadri Veseli.

Ende pa filluar seanca, deputetët e opozitës kanë hedhur gaz lotsjellës pranë zyrës së kryeparlamentarit Kadri Veseli. Gazin lotsjellës e ka hedhur deputetja Donika Kadaj-Bujupi. Kryetari i Kuvendit, Kadri Veseli dha një orë pauzë.

“Deputetët e opozitës sapo kanë hedhur gaz lotsjellës pranë zyrës së Kryetarit të Kuvendit, Kadri Veseli.Ky i fundit e blindoi kuvendin me forca policore. Njësoj sikur që Isa Mustafa po e blindon shoqërinë duke arrestuar, përndjekur e kidnapuar deputetë e qytetarë.
Opozita nuk do të lëshojë pe kur është në pyetje sovraniteti shtetëror, interesi qytetar, liria dhe barazia. Protesta jonë brenda Kuvendit vazhdon, deri në tërheqjen e marrëveshjeve me Serbinë dhe demarkacionit me Malin e Zi”
shkruan Vetëvendosja në statusin e saj.

Kjo është hera e pestë që opozita kryen këtë veprim pas goditjes me vezë,  në ambientet e kuvendit duke theksuar se është e vendosur deri në shfuqizimin e marrëveshjeve të arritura në Bruksel, ndërmjet Kosovës dhe Serbisë, në kuadër të dialogut për normalizimin e marrëdhënieve midis dy vendeve.

Me theks të veçantë, opozita kundërshton marrëveshjen për themelimin e Asociacionit të komunave të banuara me shumicë serbe, të arritur më 25 gusht të këtij viti, duke e cilësuar atë si hap drejt ndarjes së Kosovës.

Gjatë ditës së sotme pjesëtarë të Shoqërisë Civile në Kosovë, kanë bërë një marshim simbolik për të protestuar kundër dhunës që partitë opozitare shfaqin në Kuvend,ndërsa është kërkuar që partitë politike të mënjanojnë dhunën por të gjetur një gjuhë të përbashkët.

Përfaqësues të shoqërisë civile thanë  se qëllimi i këtij marshi ka qenë përcimi i një mesazhi paqeje, dhe mënjanim i dhunës.

Ata thanë se mbështetet iniciativa e presidentes Atifete Jahjaga, duke kërkuar që mos mbahet seanca gjatë ditës së sotme pasi ka mundësi që aktet e dhunës të jenë përsëri prezente në Kuvend.

Rrallë herë ndodh që Shoqëria Civile e një vendi proteston kundër veprimeve të opozitës por ky marsh simbolik ka si qëllim stabilitetin politik dhe respektimin e institucioneve. /Kosovaprees/

read more
Rajoni

PRISHTINË: DELAVUI POROSIT OPOZITËN – E DËMTONI KOSOVËN

no thumb

Kryetari i Kuvendit të Kosovës Kadri Veseli ka marr mbështetjen e ambasadorit të SHBA-së në Kosovë, Greg Delaui, që nesër Kuvendi të zhvilloj seancën plenare pa u penguar. Diplomati amerikan pas takimit me Veselin pati një mesazh të qartë për partitë opozitare, ata të cilët sipas tij, sollën armë në Kuvend dhe sulmuan kolegët e tyre.

Ambasadori amerikan në Kosovë Greg Delaui pas takimit me kreun e Kuvendit të Kosovës Kadri Veselin, ka bërë të ditur se i ka dhënë mbështetjen e plotë kryeparlamentarit Veseli lidhur me seancën e paralajmëruar për ditën e nesërme.

Diplomati amerikan e quajti kritike dhe të rëndësishme që Kuvendi i Kosovës të vazhdoj seancën nesër në mënyrë që të kalojë dhe miratojë ligje të cilat janë qenësore për mirëqenien e qytetarëve të Kosovës. Ai, madje pati edhe një mesazh për opozitarët.

“Dua të them se njerëzit në gjithë botën, Qeveritë e tyre, investitorët po shohin dhe po lexojnë dhe po shohin imazhet e dhunës dhe kaosin në institucionin me të rëndësishëm të Kosovës. Kjo nuk është një gjë e mirë për Kosovën. Për ata njerëz të cilët kanë sjellë edhe armë brenda Kuvendit të Kosovës dhe e kanë përdorur kundër kolegëve të tyre në Kuvend, kam një mesazh. Ju po e dëmtoni ekonominë e Kosovës, ju po e rrezikoni izolonim e Kosovës nga rruga e saj euroatlantike, ju po e dëmtoni shansin e Kosovën për liberalizimin e Vizave dhe gjithashtu dhe njohjen e Kosovës nga shtetet e tjera. Shtetet e Bashkuara besojnë fuqishëm që qytetarët e Kosovës duhet të jenë të gjithë të barabartë para ligjit dhe të respektojnë ligjin.” – deklaroi Greg Delawi: Ambasador i SHBA-ve në Kosovë.

Edhe kryeparlamentari Veseli, kërkoi që Kuvendi të mos bllokohet nga opozita, pasi legjislativi nuk është pjesë e nënshkrimit të asnjë marrëveshje. Sipas Veselit, Kuvendi është vend ku mund të shprehen të gjitha shqetësimet, veçanërisht për çështje tematike, qofshin ato për marrëveshjen e Asociacionit dhe atë të demarkacionit.

“Dëshiroj të përçoj edhe këtë mesazh, Kuvendi nuk është vendi ku duhet të ketë bllokadë, Kuvendi është vendi ku ne duhet të komunikojmë bashkërisht, në mënyrën që të arrijmë zgjidhje që janë në interesin e qytetarëve të Kosovës. Nëse ka vend ku mund të shprehet patriotizmi nacional dhe qytetar dhe ku mund të përmirësohet jeta e qytetarëve tanë, është vetëm Kuvendi. Çdo veprim tjetër i cili është në kundërshtim me këtë qëllim, është vetëm kundërshtim me vet qenësinë tonë dhe të zgjedhurit të popullit. Kuvendi nuk është pjesë e tematikës së bllokadës, pasi as nuk ka nënshkruar asgjë, as nuk duhet të jetë pjesë e bllokadës së paarsyeshme.” – shprehet Kadri Veseli – Kryetar i Kuvendit të Kosovës.

Veseli poashtu u ka bërë thirrje kolegëve opozitarë që të shkojnë në Kuvend, pasi me shumë se kurrë Kosova ka nevojë që të jenë bashkë në proceset nëpër të cilat po kalon Kosova, siç është nënshkrimi i MSA-së me BE-në si dhe kalimi i testit të parë për anëtarësim në UNESCO. /KosovaPress/

 

read more
Rajoni

KOSOVA NË UNESCO: SERBIA VËSHTIRË PRANON REZULTATIN E VOTIMIT

no thumb

Kryeministri serb Aleksandar Vuçiq ka thënë se Serbia nuk ka humbur asgjë në mbledhjen e djeshme të Këshillit Ekzekutiv të UNESCO-s. Megjithatë, ka bërë të ditur se vështirë e ka pranuar rezultatin e votimit.

Mesazhi im për qytetarët e Serbisë është, sa do të jetë e rëndë, bukvalisht s’kam mbyll sytë, porosia e ime, e Sërbisë, është kokën lartë. Ne nuk kemi humbur asgjë, mbrëmë në mbledhjen e këshillit ekzekutiv kanë humbur ata që kanë shpejtuar në këtë dhe që janë përpjekur që të na tregojnë se sa është forca e tyre. Ne kemi treguar se kemi luftuar me ndershmëri dhe përgjegjësi për interest e vendit tonë, për interesin e popullit tonë dhe kemi pasur përkrahje shumë të madhe për ata që nuk e kanë pritur. Siç po e shihni patëm sukses që një numër i madh i vendeve të cilat kanë njohur pavarësinë e Kosovës t’i bindim të mos votojnë për anëtarësimin e Kosovës në UNESKO, e ata janë një numër më i vogël seç pritej që nuk e kanë njohur Kosovën, patën sukses t’i detyrojnë të jenë të përmbajtur” – deklaron Kryeministri i Sërbisë Aleksandër Vuçiq.

Nga ana tjetër Ministri i Jashtëm i Kosovës Hashim Thaçi i ka bërë thirrje Serbisë që ta pranojë realitetin, aq më tepër kur edhe Akademia e Shkencës dhe Arteve të Serbisë tashmë e ka bërë të ditur se Kosova është e humbur.

“Bordi ekzekutiv i Organizatës së Kombeve të Bashkuara për Arsim, Shkencë dhe Kulturë (UNESCO), dje ka votuar në favor të kërkesës për ta pranuar Republikën e Kosovës në anëtarësinë e kësaj organizate. Votimi i djeshëm për Kosovën, e çon çështjen në Konferencën e Përgjithshme të UNESCO-s, e cila mbahet prej 3 deri më 18 nëntor. Konferenca e përgjithshme e UNESCO-s përbëhet nga 195 vende anëtare dhe për vendimin pozitiv për Kosovën, që do të ishte përfundimtar për pranimin në UNESCO, nevojiten dy të tretat e votave.” – përfundon Ministri i Jashtëm i Kosovës Hashim Thaçi. /Kosovaprees/

 

read more
Rajoni

TIRANË: TË ZBARDHET FATI I REMZI HOXHËS!  

no thumb

Pas protestave në Shkup dhe në Prishtinë, familjarë dhe miq të Remzi Hoxhës janë mbledhur sot në Tiranë për të protestuar për gjetjen e eshtrave të të afërmit të tyre. Kanë kaluar 20 vjet që nga zhdukja e tij misterioze, por familja nuk ka reshtur kurrë së kërkuari për fatin e tij.

Ardian Hoxha, djali i Remziut tha sot në Tiranë se kjo protestë vjen si një lloj apeli dhe mesazhi, jo vetëm për gjetjen e eshtrave të babait të tij, por edhe për vetë sistemin e drejtësisë në tërësi.

Edhe vëllai i Remzi Hoxhës, Ethemi, i kërkon drejtësisë shqiptare të zbardhë dosjen e Remziut. Ai thotë se provat dhe faktet janë, porse mungon vullneti i qeverisë.

“Ka humbur kombi, se Remzi Hoxha dhe Adem Jashar nuk bën më nëna:”Kam një porosi të veçantë, që ata njerëz të cilët kanë pasur në mbikëqyrje, dhe që e kanë torturuar Remziun, kudo që janë; ne jemi të gatshëm të ballafaqohemi me ta, dhe të na ndihmojnë t’i gjejmë ato eshtra edhe ta mbyllim këtë derë vuajtjeje për të gjithë ne. Besoj se ka mjaft fakte e argumente që këtij pushteti dhe populli, 20 vjet vuajtjet tona dhe peripecitë të vijë një ditë dhe të mbyllet kjo dosje. Ne jemi 6 vëllezër, dhe është sikur një njeri që i ka 6 gishta të dorës dhe e ka humb një gisht dhe ato 5 funksionojnë, por populli shqiptar,  kombi shqiptar ka humbur diçka më tepër; sepse  njeri si Remzi Hoxha apo Adem Jashar nuk bën më nëna,” – tha vëllai i Remziut, Ethemi.

Ndërkohë kësaj proteste i është bashkuar edhe Ziso Kristopulli i cili është akuzuar si bashkëpunëtor për grusht shteti me Remzi Hoxhën, por që ai thotë se nuk ka asnjë lidhje me këtë çështje dhe as e ka njohur kurrë Remziun dhe se gjithë kjo histori e ka rrënuar ekonomikisht dhe psikologjikisht.

“Nëse do qeveria shqiptare, e zbardh çështjen. I bëj thirrje Edi Ramës që ta zbardhë këtë masakër.I bëj thirrje Edi Ramës nëse do drejtësi ta bëjë si për Remzi Hoxhën që t’i gjenden eshtrat dhe për mua që më shkatërruan tërë ekonominë dhe familjen. Uroj edhe një herë që Edi Rama, Sajmir Tahiri, edhe Porkurori, që ta zbardhin këtë masakër që është bërë ndaj Remzi Hoxhës”, – tha Ziso Kristopulli.

Protesta të ngjashme ku po mblidhen firma nga qytetarët për gjetjen e eshtrave të Remzi Hoxhës janë mbajtur këto ditë edhe në Prishtinë dhe në Shkup, nisur nga origjina e biznesmenit Hoxha, i cili u zhduk 20 vite më parë. Gjyqe e protesta të shumta janë zhvilluar në vijimësi për të, por deri tani asgjë nuk ka dalë në dritë./E.Duraj/

read more
Rajoni

PODGORICË: GJUKANOVIQ AKUZON KISHËN SERBE DHE RUSINË

no thumb

 

Kryeministri i Malit të Zi, Milo Gjukanoviq ka akuzuar qarqet serbomëdha, Kishën Ortodokse Serbe dhe Rusinë se mbështesin protestat antiqeveritare në vendin e tij. Gjukanoviq i ka thënë Televizionit Shtetëror se qëllimi i protestave në Podgoricë është pengimi i anëtarësimit të Malit të Zi në NATO.

Arkitekti i shtetit të ri të pavarur malazez, Milo Gjukanoviq, tha se protestat antiqeveritare shumëditore të opozitës, kanë për qëlllim ndryshimin me forcë të rendit kushtetues dhe në këtë mënyrë, është shprehur ai, të realizojnë atë që  nuk ia kanë dalë ta bëjnë përmes zgjedhjeve demokratike gjatë çerekshekullit të fundit. Kryeministri Gjukanoviq, me këtë rast ka thënë se protestat e opozitës gëzojnë mbështetjen e qarqeve serbomëdha dhe të Kishës Ortodokse Serbe, por jo edhe të Beogradit zyrtar.

“Po shohim sot se organizatorët e protestës i mbështesin fuqimisht po ata qarqe të njëjta serbomëdha nga Beogradi. Pra, dallimi që duhet bërë tani është se, nuk është i vogël. Duhet theksuar, se në këtë moment protestat e tilla dhe sulmet e tilla kundër sovranitetit të Malit të Zi, nuk i mbështet politika zyrtare e Serbisë. Por po ato qarqe serbomëdha, pra të tubuara rreth strukturave të caktuara politike, të tubuara rreth, të them, qendrave të caktuara shoqërore të influencës, si Kisha Ortodokse Serbe, pra të gjitha ato strukturat të cilat dikur ishin kundër pavarësisë së Malit të Zi, edhe sot shumë fuqimisht, shumë hapur, mbështesin protestat në Mal të Zi. Me qëllim të ndërrimit të këtij pushteti, të rishikimit të statusit shtetëroro-juridik të Malit të Zi dhe që, nëse është e mundshme, Mali i Zi të kthehet në sferën e interesave dhe në sferën e ndikimeve të drejtimit të këtyre qarqeve serbomëdha nga Beogradi.” – thotë Milo Gjukanoviq – Kryeministër i Malit të Zi.

Kryeministri malazez, gjithashtu, në interevistën dhënë Televizionit Shtetëror, ka vlerësuar se protestat e opozitës proserbe në Podgoricë mbështeten edhe nga Moska zyrtare. Në favor të kësaj ai ka rikujtuar dy njoftime të Ministrisë së Jashtme të Rusisë – se politika ruse është në anën e organizatorëve të protestave:

“Pra, përmes atyre që janë qëllime të tyre politike, qëllime të tyre të proklamuara politike, kanë identifikuar edhe qëllimet e tyre, e ky është pengimi i Malit të Zi në rrugën e anëtarësimit në NATO dhe me vetë këtë pengimi i procesit të zgjerimit të NATO-s në Ballkan që është, po them, qëllimi zyrtar i politikës shtetërore ruse dhe prandaj, sot pa dyshim duhet të konkludojmë se organizatorët e protestave në Mal të Zi kanë baza shumë të fuqishme edhe nëpër qendra të caktuara të politikës, edhe nëpër qendra të caktuara ekonomike, të sigurisë dhe në të gjitha qendrat tjera jashtë Malit të Zi.” – deklaron Gjukanoviq.

Me këtë rast ambasadori i porsaemëruar i Sllovenisë në NATO, politikani i njohur Jelko Kacin, ka deklaruar se protestat opozitare të të ashtuquajturit Front Demokratik në Podgoricë nuk mund të  ndikojnë në rrugën e Malit të Zi për në NATO dhe këtë nuk mund ta pengojë as Rusia: ‘ Rusia nuk është anëtare e NATO-s, as Mali i Zi është ish-anëtar i Bashkimit Sovjektik dhe as që ka qenë’- ka komentuar Kacin për median malazeze duke  thënë se përcaktimi për në NATO ka mbështetjen e qartë politike të Parlamentit, por edhe të shumicës së qytetarëve të Malit të Zi. /Tv Art/

 

 

read more
Rajoni

UNESCO: KOSOVA FITON BETEJËN E PARË

no thumb

Bordi ekzekutiv i Organizatës së Kombeve të Bashkuara për Arsim, Shkencë dhe Kulturë (UNESCO), ka votuar në favor të kërkesës për ta pranuar Republikën e Kosovës në anëtarësinë e kësaj organizate.

Draft-rezoluta për rekomandimin për pranimin e Kosovës si anëtare më të re në UNESCO, ishte pika 43 e diskutimit në Bordin ekzekutiv.

Beogradi zyrtar ka kundërshtuar ashpër anëtarësimin e Kosovës në UNESCO.

Votimi i sotëm për Kosovën, e çon çështjen në Konferencën e Përgjithshme të UNESCO-s, e cila mbahet prej 3 deri më 18 nëntor.

Konferenca e përgjithshme UNESCO-s përbëhet nga 195 vende anëtare dhe për vendimin pozitiv për Kosovën, që do të ishte përfundimtar për pranimin në UNESCO, nevojiten dy të tretat e votave./Kosovaprees/

read more
Rajoni

KOSOVË: REFERENDUM OSE ZGJEDHJE PËR DALJE NGA KRIZA

no thumb

Kosova është në krizë të thellë politike dhe institucionale dhe në prag të shpërthimit të një konflikti ndërmjet qytetarëve. Për këtë në një tryezë të organizuar nga shoqëria civile, janë dhënë disa alternativa nga deputetë, analistë e pjesëtarë të shoqërisë civile se si të dilet nga situata aktuale.

Referendumi dhe organizimi i zgjedhjeve ishin dy alternativat konkrete që u dhanë në këtë tryezë.Deputetja e Lidhjes demokratike e Kosovës Vjosa Osmani tha se është duke u bërë një dhunë psikologjike ndaj deputetëve.Osmani tha se presidentja nuk është se ka gëzuar kredibilitet të madh politik, por kryesisht ka përçuar mesazhet e vendeve të Quint-it. Derisa, ka kërkuar involvimin e faktorit ndërkombëtar, pasi sipas saj, skena politike nuk ka dëshmuar se mund ta ndalin një luftë qytetare.

“Presidentja po e përçon mesazhin e vendeve të Quint-it. Ajo ka përçuar mesazhe, mesazhe të shteteve të Quint-it, kjo është shumë e qartë. Dhe ju e dini që kam qenë prej shpalljes së pavarësisë që ndikimi i ambasadave të zvogëlohet, sepse ka ardhur momenti që ne të qëndrojmë në këmbët tona. Besoj që ky nuk është prej atyre momenteve që mund të dëshmojmë që vet mund ta parandalojmë një luftë qytetare…Në rrethanat që jemi, absolutisht janë një krizë e thellë politike dhe institucionale dhe këtu nuk pajtohem me zërat që thonë se nuk ka krizë. Nuk e di ku ka krizë me të madhe se sa skenat që po i prodhon Kuvendi i Kosovës sot, nuk e di ku ka krizë me të madhe se sa skenat e dhunës së qytetarëve dhe nuk e di ku ka krizë me të madhe se sa bllokimi i institucionit me të lartë përfaqësues në vend dhe sot Kuvendi nuk mund të vendos për asgjë”, – thotë Osmani.

Ndërsa, për deputetin e Lëvizjes Vetëvendosje Ilir Deda, pika e parë për zgjidhjen e kësaj situate është pranimi që në Kosovë ka krizë politike dhe duke lëvizur nga pozicionet refuzuese. Ndërsa, zgjidhjen e krizës e sheh përmes organizimit të referendumit.

“Unë kam propozuar referendum sepse mendoj që alternativa është e tmerrshme. Për referendum duhet konsensus i partive politike shqiptare në Kosovë dhe mandej konsensusi i partive të Kosovës dhe ndërkombëtareve, kjo është ajo çka duhet për referendum. Dhe njëjtë qohet dikush në kulturën tonë politike edhe thotë jo nuk është e mundur, me fal një njeri që thotë nuk është e mundur diçka në politikë, nuk e kupton politikën dhe nuk i kupton mundësitë. Referendumi në Kosovë nuk është i ndaluar, Kosova nuk ka të drejt të bashkohet me asnjë shtet tjetër, me asnjë territor tjetër. Për analistin Dukagjin Gorani Kosova është në krizë të thellë politike, por nuk ka vullnet nga skena politike në vend për ta gjetur një kompromis.” – shprehet Deda.

Ndërsa, alternativa për zgjedhjen e kësaj krize, sipas Goranit është organizimi i zgjedhjeve.

“Zgjidhja e krizës janë zgjedhjet “Opsioni im është ky, duhet të shkohet në zgjedhje meqë zgjedhjet janë forma e vetme e rivendosjes së legjitimitetit. E meqë të gjithë janë të rëndësishme, askush nuk është i rëndësishëm. Mënyra për ta rivendosur një hierarki normale institucionale në këtë shoqëri, është duke e testuar rëndësinë dhe efektin e secilit përmes kutisë së votimit. Nuk kanë nevojë zgjedhjet të mbahen për një muaj, as për 45 ditë, mund të mbahen zgjedhjet shembull pranverën e ardhshme, mirëpo është mirë sot ta diskutojmë nëse kjo skenë politike ka nevojë të rilegjitimohet, për shkak të goditjeve të mëdha dhe për shkak të krizës së madhe që është futur kjo shoqëri”, –  tha Gorani.

Pjesëmarrësit në tryezë shprehen brengën e tyre se seanca e caktuar për të premten në orën 16:00 do të eskaloj dhe do të tensionoj edhe më shumë situatën në Kosovë.

read more
Rajoni

KRIZA E REFUGJATËVE: SLLOVENIA ANGAZHON EDHE USHTRINË

no thumb

 

Kriza e refugjatëve dhe emigrantëve ka shtyrë Slloveninë që të marrë vendim për të dërguar edhe ushtrinë në vijën kufitare me qëllim të përballjes sa më lehtë me valën në rritje të refugjatëve nga Kroacia fqinje, pas mbylljes së kufirit nga ana e Hungarisë.

Parlamenti slloven duhet të miratojë me procedurë të shpejtuar ndryshim-plotësimet e Ligjitit mbi mbrojtjen në mënyrë që t’i hapë rrugë dërgimit të ushtrisë në kufirin me Kroacinë. Kryeministri Miro Cerar ka shpjeguar se nuk është fjala për vendosjen e gjendjes së jashtëzakonshme, por për forcimin e kontrollit në kufi. Agjencitë e lajmeve bëjnë të ditur se një vendim i këtillë i autoriteteve sllovene pason hyrjen e pakontrolluar të refugjatëve dhe nëpër të ashtuquajturin kufi i gjelbër, domethënë jashtë vendkalimeve kufitare.

Televizioni slloven e ka shpjeguar vendimin e autoriteteve për dërgimin e ushtrisë në kufi, si alarm për Bashkimin Evropian se Kroacia fqinje ka shkelur marrëveshjen  e arritur për pranimin e refugjatëve. Bëhet e ditur se Sllovenia nuk posedon kapacitete të tjera për pranimin e  mijëra refugjatëve. Vetëm gjatë tri ditëve të fundit  bëhet e ditur se në  këtë vend kanë hyrë rreth 20 mijë refugjatë. Gjendja nuk është e mirë as në Kroaci ku po ashtu vazhdon hyrja e pakontrolluar e refugjatëve nga Serbia fqinje. Organizata të gazetarëve kanë dënuar një ndërhyrje të  policisë kroate ndaj ekipeve televizive që po mbulonin rrugëtimin e tyre drejtë vendeve të premtuara – të Bashkimit Evropian.Me qëllim të një mbrojtjeje më të mire, autoritetet kroate nuk janë larg vendimit të Hugarisë që edhe ata të vendosin njëfarë gardhi kufitar me Serbinë. Kryeministrit i kësaj të fundit, Aleksandar Vuçiq, ndërkaq e ka përjashtuar një mundësi të këtillë, edhe pse për momentin në Serbi  ndodhen  rreth 12 mijë e 500 refugjatë e emigrantë. /Agjencitë e lajmeve/

 

read more
Rajoni

PRISHTINË:  TAKIM I PASUKSESSHËM – TEK PRESIDENTJA

no thumb

 

Edhe në Prishtinë vazhdojnë përpjekjet për kapërcimin e ngërçit politik. Një takim i presidentes Atifete Jahjaga për të “zbutur” opozitën e për të kërkuar një takim të përbashkët në mes saj dhe pozitës, duket se ka rezultuar pa sukses.

Agjencia e lajmeve Kosova press njofton se të tre liderët opozitarë, Visar Ymeri nga Lëvizja Vetëvendosje, Ramush Haradinja nga Aleanca për Ardhmërinë e Kosovës dhe Fatmir Limaj nga Nisma për Kosovë, deklaruar se mbeten të prerë në qëndrimet e tyre, se pa tërheqjen e marrëveshjeve me Serbinë dhe atë të përcaktimit të vijës kufitare  me Malin e Zi, nuk do të ulen në një tryezë  me qeverinë e kryeministrit Isa Mustafa.

Kreu i Vetëvendosjes  tha se  një qëndrim të këtillë ia kishin kumtuar edhe Presidentes Jahjaga:

“Edhe njëherë i bëmë të qartë kërkesat tona që janë që marrëveshjet me Serbinë të arritura në Bruksel dhe marrëveshja për demarkacionin me Malin e Zi janë marrëveshje të cilat domosdoshmërish duhet të hidhen poshtë, dhe janë marrëveshje të cilat nuk do të gjejnë zbatim në Republikën e Kosovës, sepse këto dy marrëveshje e rrënojnë dhe falimentoj edhe Republikën edhe territorin e Republikës”,  – tha Ymeri.

Ramush Haradinaj nga Aleanca për Ardhmërinë e Kosovës, ndërkaq tha se do të ishte gabim i madh i Qeverisë përdorimi i policisë dhe prokurorisë për të disiplinuar opozitën:

Ajo që është me rëndësi është gabim i madh me u insistuar me u thirr seanca e parlamentit, derisa nuk është marrë vendim për anulimin e marrëveshjeve. Njëkohësisht është gabim i madh i Qeverisë përdorimi i Policisë dhe Prokurorisë me disiplinu opozitën. Është e pakuptim me ndërmarrë një represion policor prokurorial ndaj deputetëve të zgjedhur e në të njëjtën kohë me u insistuar me iu thirr seancë”, – tha Haradinaj.

Sipas kryetarit të Nismës për Kosovën, qeveria Mustafa nuk është e vetëdijshme  se çfarë dëmi i ka shkaktuar Kosovës me marrëveshjet me Serbinë dhe Malin e Zi.

“Koalicioni qeverisës mundohet ta sheh çdo gjë normale, pasi që ky koalicion çdo gjë e sheh tek numrat, dhe ata mendojnë që nuk ka krizë, për ta ka krizë vetëm nëse nuk ka numra. S’e kuptojnë gjendjen në vend. Nuk e dinë se çfarë marrëveshje të dëmshme kanë bërë për vendin… Do të shohim rolin e akteve se sa vërtet janë të interesuar për të kuptuar seriozitetin në të cilën është vendi ynë sot, dhe për të marrë hapa për zgjidhjen e krizës”, – tha Limaj.

Ndërkaq, në një reagim të saj, ambasada e Shteteve të Bashkuara në Kosovë, ka mbështetur përpjekjet e Presidentes Atifete Jahjaga për të zgjidhur ngërçin në Parlament. Në kumtesë thuhet se përkrahen fuqimisht përpjekjet e Presidentes Jahjaga për të kultivuar dialogun politik mes partive politike të përfaqësuara në Kuvendin e Kosovës. Kuvendi është institucioni më i rëndësishëm i Kosovës dhe funksioni i tij është jetik për demokracinë, përparimin, dhe sigurinë e Kosovës. Vetëm një Kuvend që funksionon mund të debatojë dhe miratojë masat që nevojiten për të përmirësuar jetën e qytetarëve të Kosovës dhe për të siguruar që Kosova vazhdon rrugëtimin e saj drejt integrimit Euro-Atlantik. U bëjmë thirrje gjitha partive që të heqin dorë nga çfarëdo kërcënimi me dhunë që është edhe i paligjshëm edhe i papërputhshëm me një shtet modern demokratik’- thuhet në reagimin e ambasadës së Shteteve të Bashkuara lidhur me takimin e sotëm të pasuksesshëm  të presidents Jahjaga me liderët e forcave opozitare parlamentare. /Kopsovaprees/

 

read more
1 183 184 185 186 187 201
Page 185 of 201