close

Rajoni

Rajoni

HAHN: KOSOVA NUK ËSHTË PARAKUSHTI I VETËM PËR SERBINË NË BE

HAHN-933×445

Komisioneri Evropian për Zgjerim, Johannes Hahn ka deklaruar se Kosova nuk është parakushti i vetëm në rrugën e Serbisë drejt BE-së, pasi ka rëndësi edhe zbatimi i ligjeve në luftën ndaj krimit e korrupsionit.

Edhe pse nuk ka dhënë afate kohore se kur pret të nënshkruhet marrëveshja përfundimtare në mes Kosovës dhe Serbisë, ai tha se duhet një zgjidhje e qëndrueshme dhe realiste në përputhje me ligjin ndërkombëtar të BE-së.

“Çdo marrëveshje duhet të jetë specifike dhe e përshtatur dhe jo për të krijuar ndonjë precedent, por për të kontribuar në stabilitetin rajonal dhe rrugën e rajonit drejt BE-së”, ka theksuar komisioneri për zgjerimin.

Klan Plus

read more
Rajoni

BALLKANI PERËNDIMOR TRAFIKON ARMË NË BE DHE KUDO KU KA KONFLIKT

bleinroth

Gjermania dhe Franca kryesojnë nismën në Ballkan: Një rajon pa armë ilegale deri në 2024, flet për DW eksperti Marcus Bleinroth.

DW: Z. Bleinroth, një nismë e udhëhequr nga Gjermani a dhe Franca, e mbështetur nga  BE -ja synon që deri në vitin 2024 të ҫarmatosë popullsinë në gjashtë vendet e Ballkanit nait Perëndimor (BP) nga armët e vogla dhe të lehta, të mbajtura ilegalisht. A keni të dhëna sesa armë të tilla janë në mënyrë të paligjshme në duar të popullsisë civile në këto gjashtë vende të BP?

Marcus Bleinroth: Shifra varion nga 4 – 6 milion copë. Këto të dhëna vijnë nga Zyra për Kontrollin e Armëve të Vogla dhe të Lehta  në Europën Jug-Lindore dhe Lindore, SEESAC, (South Eastern Europe and Eastern Europe Clearing House for the Control of Small and Light Weapons)

DW: Shifër e lartë, pothuajse sa 1/3 e popullsisë  prej 18 milion banorësh e BP, që rrezikon seriozisht sigurinë në rajon dhe BE. Si perceptohet siguria në rajon nga europianët, p.sh. nga gjermanët?

Marcus Bleinroth: Gjermanët mendojnë se siguria në PB është problem. Ata nisen nga ngjarje dhe fakte: Në sulmin terrorist në Paris, në sallën e koncerteve në Bataclan, në 2015, armët që përdorën terroristët e kishin origjinën nga BP. Një incident i tillë e bën popullsinë në Gjermani të mendojë që…ja pra, BP është rajoni nga vijnë armët dhe më pas të sjellin ndërmend ngjarje të tilla si luftërat në ish-Jugosllavi dhe ta perceptojë sigurinë në BP si problematike. Ky perceptim që është i përgjithshëm në vendet e BE për BP duhet të ndryshojë. Kjo na nxiti të ndërmarrim nismën për reduktimin në maksimum të tregëtisë së paligjshme të armëve të vogla dhe të lehta në BP, që ky perceptim të mos egzitojë më që të mos kthehet në një pengesë për hyrjen e BP në BE.

DW: Shqipëria, ndër gjashtë vendet e BP, përbën një rast të veҫantë. Ndër të tjera para 20 vitesh, në 1997, në vitin e trazirave nga shembja e skemave piramidale, u hapën depot e stokut më se 50 vjeҫar të armëve. Armët ranë në duart e popullsise civile. Mijëra të vrarë, mijëra armë të trafikuara. A e keni parasysh këtë situatë?

Markus Bleinroth:  Natyrisht, që Shqipëria është ndryshe nga vendet e tjera të BP. Nuk ka qenë pjesë e ish-Jugosllavisë dhe e luftrave të saj civile. Por nga stoku i armëve që ra në duart e popullsisë civile ende nuk është e qartë, sasia që mungon, sasia që nuk është mbledhur. Qeveria shqiptare na ka thënë se mund të jene 200- 300 mijë copë. Vende të tjera të BP p.sh. Bosnja ka 800 mijë, shumë më tepër se Shqipëria. Pavarësisht nga këto shifra,  kemi të dhëna që këto armë trafikohen në vendet e BE dhe në vendet ku ka  konflikt si p.sh. në Siri. Kudo ku ka treg për ato. Ambicia jonë është ta ndalojmë trafikun dhe përhapjen e armëve, të rrisim sigurinë në Shqipëri  dhe vendet e tjera partnere të BP me BE.

DW: A janë të gastshëm donatorët ndërkombëtarë ta financojnë; ta mbështesin gjithë këtë nismë për sigurinë dhe jetën?

Markus Bleinroth: Kemi shumë besim në mbështetjen e tyre. Së pari jemi tre vende: Gjermania Franca dhe Britania e Madhe, shumë të përfshira. Projekti ynë, nisma jonë, kryesohet nga Gjermania dhe Franca por Britania e Madhe është zotuar ta mbështesë fuqimisht me fonde financiare. Në Samitin e Londrës, korrikun e kaluar, në kuadër të Procesit të Berlinit, tema kryesore ishte siguria në BP. Po kështu edhe  BE dhe SHBA, këto të fundit kanë qenë shumë aktive në ҫarmatosjen e popullsisë civile në Shqipëri, pas ngjatjeve në vitin 1997. Por nuk është thjesht gjetja e fondeve por duhen edhe ekspertët . Do marrim ekspertë nga shtetet anëtare të BE për  treinime dhe hartuar standarte proceduriale. Shumë shtete, anëtare të BE kanë shprehur dëshirën për të marrë pjesë dhe për t’u angazhuar. Përfaqësues të tyre tanimë kanë qënë në terren.

DW: Cilat janë sfidat më të mëdha për të pasur sukses: një BP pa armë, një popullsi civile e ҫarmatosur nga armët e mbajtura ilegalisht?

Markus Bleinroth: Donatorët ndërkombëtarë, në 10-15 vitet e fundit, janë fokusuar në sigurimin e municioneve dhe armëve, që depot të jenë të sigurta dhe të mos grabiten. Njëkohësisht janë fokusuar edhe në numërimin dhe regjistrimin e armëve.  Që të mos grabiten. Kjo tanimë është arritur. Sfida jonë e parë është siguria në kufi. Kufijtë në Shqipëri nuk janë krejt të sigurtë. Trafiku vazhdon. Nuk kemi informacion të saktë sesa armë trafikohen, sepse kapacitetet teknike nuk janë të shtrira kudo. Situata është e tillë edhe në vende të tjera të rajonit. Sfida tjetër është zbatimi i ligjit. Trafikantët duhet të përballen me drejtësinë, të dënohen për aktet e tyre kriminale. Sfida tjetër, ndofta më e vështira, është ndryshimi i kulturës për armën në vendet e  BP. Për fat të keq armët janë pjesë e kulturës në rajon. Është mentaliteti, që arma i shton krenarinë burrit ballkanas. Por ka edhe një arësye tjetër: për t’u ndjerë të sigurtë dhe të vetëmbrojtur.  Zbatimi i ligjit, funksionimi i reformës në drejtësi do të bëjë që qytetari të besojë tek drejtësia dhe jo arma. Mbajtja e armës nga burrat ka edhe një ҫështje gjinore:  viktimat prej burrave që kanë armë janë kryesisht gratë dhe vajzat, dhuna në familje shprehet shpesh me armë zjarri. Dhe sfida e fundit është ajo e mbledhjes së armëve, ta bindim popullsinë të dorëzojë armën që e mban ilegalisht, të bëjmë fushata

DW: Kur do të fillojë konkretisht puna?

Markus Bleinroth: Kemi filluar në Bosnjë të ndihmojmë autoritetet dhe policinë kufitare të bëjnë kontrolle dhe zhbulojnë trafikun ilegal të armëve. Në bashkëpumim me SEESAC po punojmë që këtë ta replikojmë edhe në vende të tjera të BP, duke përfshirë edhe Shqipëtinë. Kemi mbështetje nga UNDOC (United Nations Office on Drugs and Crime) që është e pranishjme në BP, e financuar nga Gjermania për të ndihmuar në zbatimin e ligjit, treinuar gjykatësit, prokurorët, doganierët kundër trafikut ilegal të armëve. Po përshpejtojmë dhe përpkjekjet dhe po trefishojmë ato. Qëllimi është ҫarmatimi i qytetarëve të BP, reduktimi në maksimum i trafikut të paligjshëm të armëve të vogla dhe të lehta deri në vitin 2024. /Ani Ruci – Deutsche Welle

 

read more
Rajoni

KAMENOS KËRCËNON QEVERINË E TSIPRAS

kamenos.10.21.10.708-933×445

Ministri grek i Mbrojtjes Panos Kamenos paralajmëron largimin nga qeveria, nëse kryeministri Tsipras dërgon në parlament marrëveshjen e Prespës për emrin e ri të Maqedonisë. Me tone të ashpra kundër marrëveshjes, ai foli gjatë kongresit kombëtar të Grekëve të Pavarur në Selanik.

“Qëndrimi ynë në qeveri do të jetë derisa të shkojë ‘thika në palcë’, pra deri kur marrëveshja të paraqitet në parlamentin e Greqisë. Ne do t’a braktisim atë seancë dhe do të largohemi nga qeveria.”

Megjithatë, Kamenos nuk nënkupton krizë politike deri në zgjedhjet  parlamentare të vitit të ardhshëm.

“Qeveria nuk do të bjerë. Do të vazhdojmë t’a mbështesim qeverinë deri në Mars të vitit të ardhshëm siç kemi rënë dakord me kryeministrin Cipras. Viti 2019 është vit zgjedhor.”

Grekët e Pavarur kanë qenë gjithmonë kundër çdo marrëveshjeje me Shkupin që në emrin e ri shtetëror përmban termin “Maqedoni”. Në të njejtën linjë është edhe opozita e kryesuar nga Demokracia e Re. Për miratimin e marrëveshjes në parlamentin grek nevojitet një shumicë prej 3/5-tash ose 180 deputetë. Pa mbështetjen e Kamenosit, Tsipras i nevojiten 5 deputetë për të arritur edhe shumicën e thjeshtë.

Tv Klan

read more
Rajoni

BE MIRËPRET OPERACIONIN E POLICISË

soreca-933×445

Bashkimi Europian përshëndet operacionin e gjerë antidrogë të ndërmarrë nga Policia e Shtetit të dielën. Në një postim në rrjetet sociale, Ambasadori i BE në vendin tonë thotë se lufta kundër krimit të organizuar dhe trafikut të drogës është prioritet kryesor për Bashkimin Europian.

“Ne mirëpresim operacionin e gjërë antidrogë të ndërmarrë sot në qytete të ndryshme të Shqipërisë nga Policia e Shtetit Shqiptar. Lufta kundër krimit të organizuar dhe trafikut të drogës në Shqipëri është një prioritet kryesor për Bashkimin Europian. Tani ne presim që hetimet penale dhe dënimet do të vazhdojnë me rezultate të qëndrueshme”, shkruajti në një postim në Twitter, Ambasadori i Bashkimit Evropian në Shqipëri, Luigi Soreca.

Në një aksion të gjerë të shtrirë në disa qytete të vendit, Policia e Shtetit arrestoi të dielën dy ish-deputetë, si dhe disa prej anëtarëve të të ashtuquajturve “të fortët” e Shijakut. Një operacion i gjerë u ndërmor edhe për arrestimin e Kelmend Balilit, i konsideruar si “Eskobari i Ballkanit”, ndonëse kapja e tij nuk u bë e mundur. /tvklan.al

read more
Rajoni

TIRANË: OPERACION NË SHKALLË VENDI, 27 TË ARRESTUAR

Prela-Veliu-2-770×433

Në Tiranë, Policia e Shtetit dhe Prokuroria në një konferencë të përbashkët për shtyp kanë bërë të ditura detajet rreth operacionit që u shtri në disa qytete të vendit, ku u arrestuan 27 persona. Mes të arrestuarve ka edhe zyrtarë, ish-zyrtarë dhe ish-punonjës policie për përfshirje në grup kriminal dhe trafikim të lëndëve narkotike.

Në një deklaratë të Drejtorit të Përgjithshëm të Policisë së Shtetit, Ardi Veliu, paraditen e së hënës janë dhënë më shumë hollësi.

Policia e Shtetit nën drejtimin e Prokurorisë për Krimet e Rënda dhe në bashkëpunim me agjenci të tjera ligjzbatuese kanë finalizuar përgjatë orëve të fundit një Mega Operacion të koduar “VOL-VO 4”, të shtirë në 12 qytete nga Hasi deri në Sarandë ku janë goditur anëtarë nga 4 grupe të skeduara kriminale, në kuadër të operacionit ”Forca e Ligjit”.

Forcat policore, RENEA, FNSH, ato operacionale në bashkëpunim me Drejtoritë Vendore të Policisë kanë ushtruar kontrolle në qytetet Shkodër, Has, Lezhë, Shijak, Elbasan, Durrës, Fier, Vlorë, Tiranë, Patos, Sarandë dhe Delvinë.

Gjatë këtij mega operacioni janë arrestuar 27 shtetas dhe gjashtë u shpallën në kërkim. Gjithashtu u godit një laborator i përpunimit të heroinës në fshatin Brenog në Has, ku ndër të tjera janë sekuestruar 182.5 kg morfinë, e ndarë në 175 pako, 22 litra lëndë e lëngshme, të cilat përdoreshin për prodhimin e heroinës.

Procedimi për këtë operacion ka nisur pas një referimi të Policisë së Shtetit në Prokurorinë e Krimeve të Rënda.

Gjatë kësaj periudhe, veçanërisht me intensitet në muajt e fundit, për dokumentimin e kësaj dosjeje, janë përdorur metoda speciale të hetimit. Në këtë procedim penal janë me mijëra orë përgjime, filmime, përgjime ambientale, vëzhgime me dron, mijëra faqe me shkresa dhe këmbim informacioni e korrespodencë me agjenci ligjzbatuese brenda e jashtë vendit.

Goditja e kësaj veprimtarie kriminale është bërë në periudha të ndryshme, duke u finalizuar këtë fundjavë.

Në goditjen finale morën pjesë rreth 1.500 forca policore operacionale, FNSH, RENEA dhe nga efektivë nga Policia lokale.

Në datë 18 tetor në mëngjes u ushtrua kontroll në banesën e shtetasit Mustaf Shuti në fshatin Brenogë, Has, ku u gjetën prekursorë për prodhimin e lëndës narkotike.

Të arrestuar në flagrancë janë pesë shtetas për veprat penale “Prodhimi dhe shitja e narkotikëve”, “Trafikim i narkotikëve”, “Prodhimi dhe fabrikimi i lëndëve narkotike”, në bashkëpunim, në formën e posaçme të grupit të strukturuar kriminal dhe organizatë kriminale.

U shpallën në kërkim katër persona: dy shtetas turq, një kosovar dhe një shqiptar.

Në zbatim të vendimeve të Gjykatës së Shkallës së Parë të Krimeve të Rënda, janë ekzekutuar vendime penale në disa qytete, si dhe janë ushtruar rreth 100 kontrolle banesash dhe ambientesh të tjera.

Të arrestuar për veprat penale ”Prodhimi dhe shitja e narkotikëve”, ”Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale janë 18 persona, ndërsa dy të tjerë janë në kërkim.

Në kuadër të këtij mega operacioni, ku u goditën këto katër grupe kriminale, është zbuluar edhe implikimi i tre punonjësve të Policisë së Shtetit. Ata akuzohen për veprat penale “Shpërdorim detyre”, “Ndihmë për kalimin e paligjshëm të kufijve”, në kuadër të grupit të strukturuar kriminal dhe organizatës kriminale.Ndërkohë në kuadër të këtij procedimi janë arrestuar më herët edhe 12 persona për vepra të ndryshme penale që lidhen me fushën e narkotikëve.
Gjatë kontrolleve të ushtruara u sekuestruan:
• 3 pistoleta;
•3 armë gjahu, çifte dhe fishekë;
• 1 shotgan;
• Presë për lëndë narkotike të llojit heroinë;
• Peshore elektronike;
• Sasi lëndë narkotike heroinë e kokainë;
• 13 mjete, njëri i blinduar;
• Sasi e konsiderueshme parash;
• Rreth 75 telefona celularë.

Policia e Shtetit, nën drejtimin e Prokurorisë po vijon veprimet për të zbardhur rolin dhe aktivitetin e tyre apo personave të tjerë të lidhur me ta.

Ne i sigurojmë qytetarët se do të vazhdojmë të jemi të angazhuar për të garantuar qetësi, rend e siguri, duke goditur me ashpërsinë e forcës së ligjit çdo individ të përfshirë në aktivitet kriminal. Operacioni “Forca e Ligjit” vazhdon.

Reagimi i Ministrit të Brendshëm

Operacioni policor i ditëve të fundit i shtrirë në 12 qytete të vendit, që çoi në arrestimin e 27 personave dhe goditjen e drejtuesve e anëtarëve të 4 grupeve kriminale, është vlerësuar edhe nga Ministri i Brendshëm i Shqipërisë, Fatmir Xhafaj.

Në një postim në rrjetet sociale, Xhafaj shprehet: “Forca e Ligjit në një tjetër SUPER OPERACION policor në goditjen me ashpërsi ndaj grupeve kriminale të skeduara nga Task Forca Speciale. Goditje ndëshkuese ndaj grupeve në fushën e prodhimit dhe trafikimit të drogës. Forca e Ligjit mbi gjithçka e mbi cilindo”, shkruan Xhafaj.

Ministri thekson se rezultatet e këtij operacioni janë fryt i hetimit, vëzhgimeve e gjurmimeve disa mujore.

“3 ditë një operacion i shtrirë në 12 qytete, me 100 objekte të kontrolluara në territor, me 27 të arrestuar e 6 në kërkim, drejtues dhe anëtarë të 4 grupeve kriminale, të skeduara nga TFS, përfshirë në prodhimin e trafikun e drogës. Fryt i hetimit, vëzhgimeve e gjurmimeve disa mujore në territor”.

Forca e Ligjit do të vazhdojë. Ky s’është show, por betejë reale me krimin e organizuar. Kemi ngritur institucione që po forcohen çdo ditë. Bashkë me agjencitë ligjzbatuese & partnerët ndërkombëtarë. Forca e Ligjit s’ndalet nga askush. Të tjera goditje e rezultate së shpejti”,- shkruan Ministri Xhafaj. /TV Klan/

read more
Rajoni

PRISHTINË: ARRESTOHET PËR SHPËRDORIM DETYRE ZV/MINISTRI CENA

cena

Zëvendës-ministri  i Zhvillimit Rajonal, Musa Cena, është arrestuar të dielën


Sipas asaj që mëson Klan Kosova, zëvendësministri Cena që është arrestuar së bashku edhe me dy persona të tjerë, dyshohet për veprat penale “Marrje e Ryshfetit” dhe “Keqpërdorim i Pozitës apo Autoritetit Zyrtar”.

Policia pa dhënë detaje për identitetin e të arrestuarve ka konfirmuar vetëm se tre persona janë arrestuar për veprat  e lartëpërmendura penale.

“Me datë 20.10.2018 Policia e Kosovës pas ndërmarrjes së veprimeve hetimore ka kryer arrestimin e tre personave të dyshuar të involvuar në veprat penale Marrje e Ryshfetit dhe Keqpërdorim i Pozitës apo autoritetit Zyrtar sipas kodit penal te Republikës së Kosovës”.

“Te dyshuarit duke vepruar në bashkryerje dyshohet se kanë marrë ryshfet nga pala e dëmtuar”, ka thënë për Klan Kosovën zëdhënësi i Policisë për rajonin e Prishtinës, Daut Hoxha.

Hoxha ka thënë po ashtu se të gjitha veprimet tjera policore do të ndërmerren konform autorizimeve dhe rekomandimeve të organeve kompetente te drejtësisë. / Klankosova/

read more
Rajoni

ARRESTOHET ZV/MINISTRI NË KOSOVË

10455390_640496196088187_7900513673483734810_n-1-1-933×445

Zëvendës-ministri  i Zhvillimit Rajonal në Kosovë, Musa Cena, është arrestuar ditën e djeshme. Zëvendësministri Cena që është arrestuar së bashku edhe me dy persona të tjerë, dyshohet për veprat penale “Marrje e Ryshfetit” dhe “Keqpërdorim i Pozitës apo Autoritetit Zyrtar”.

Policia duke mos dhënë detaje për identitetin e të arrestuarve, ka konfirmuar vetëm se tre persona janë arrestuar për veprat penale të lartë përmendura.

“Me datë 20.10.2018 Policia e Kosovës pas ndërmarrjes së veprimeve hetimore ka kryer arrestimin e tre personave të dyshuar të involvuar në veprat penale Marrje e Ryshfetit dhe Keqpërdorim i Pozitës apo autoritetit Zyrtar sipas kodit penal te Republikës së Kosovës. Të dyshuarit duke vepruar në bashkryerje dyshohet se kanë marrë ryshfet nga pala e dëmtuar”, ka thënë zëdhënësi i Policisë për rajonin e Prishtinës, Daut Hoxha.

Hoxha ka thënë po ashtu se të gjitha veprimet tjera policore do të ndërmerren konform autorizimeve dhe rekomandimeve të organeve kompetente te drejtësisë./klankosova

read more
Rajoni

KAMENOS: “MOS PRISNI QË TË RRËZOHET QEVERIA”

kamenos.10.21.10.708-933×445

“Mos prisni që qeveria të bjerë”. Kështu u shpreh Panos Kamenos në mbledhjen e Këshillit Kombëtar të partisë “Grekët e pavarur” në Selanik.

Ministri grek i Mbrojtjes foli pas debatit që pati me ish-ministrin e Jashtëm Nikos Kotzias për marrëveshjen me Maqedoninë.

Ai e përshkroi si të ndershëm të hapur bashkëpunimin e partisë së tij “Grekët e Pavarur” me SYRIZA-n e Alexis Tsipras. Madje ai shtoi që askush nuk duhet të presë rrëzimin e qeverisë.

“Atë që duhet të themi, e themi hapur dhe publikisht. Për çfarë jemi dakord dhe për çfarë nuk jemi. Sikurse tha dhe z.Tsipras, çështja e Shkupit nuk ekzistonte në bashkëpunimin e SYRIZA me “Grekët e pavarur”. Ne kemi një pozicion të qartë dhe publik, nuk mund të pranojmë asnjë emërtim që përmban termin Maqedoni.

Ne nuk do të tërhiqemi dhe SYRIZA nuk na ka kërkuar që të tërhiqemi. Ne e kemi thënë që në fillim se nuk do ta mbështesim marrëveshjen e Prespës. Qëndrimi ynë në qeveri do të jetë deri kur ligji të vijë në Parlament. Do të flasim përsëri në Mars”, tha ministri Kamenos.

Nikos Kotzias dha dorëheqjen si ministër i Jashtëm i Greqisë pas përplasjeve të forta që pati me Kamenos. Sipas tij, ministri i Mbrojtjes ndërhyri në punën e tij në lidhje me marrëveshjen e Maqedonisë. Kotzias u shpreh se diplomacia është ekskluzivitet që i përket Kryeministrit dhe Ministrisë së Jashtme, jo asaj të Mbrojtjes. /tvklan.al

read more
Rajoni

“BOMBA KOTZIAS” NË THEMELET E QEVERISË GREKE

tsipras_arthro-933×445

Në Greqi vazhdojnë tensionet pas largimit nga qeveria të ministrit të Jashtëm Nikos Kotzias. Qeveria greke dje u përpoq të qetësonte ujërat duke argumentuar se nuk ka arsye të vërtetë të dorëheqjes së Kotzias, duke e cilësuar të pakuptueshëm vendimin e tij për të lënë postin. Me këtë deklaratë, zyra e Kryeministrit grek tentoi indirekt të qetësonte tensionet edhe me Nikos Kotzias. Mirëpo, ky i fundit reagoi ashpër pas këtyre deklaratave. Ai kërkoi që Kryeministria të bëjë publike për mediat dhe për qytetarët letrën e plotë të dorëheqjes së tij, ku jep edhe arsyet e largimit nga posti i ministrit të Jashtëm të Greqisë, pozicion që tashmë e mban vetë Kryeministri Alexis Tsipras.

Sikurse u bë publike në mediat greke ditën e dorëheqjes së tij, Kotzias foli përsëri për fondet sekrete të Ministrive. Ai tha se do të ndërmarrë iniciativa me bashkëpunëtorë e kolegë të tij për fondet sekrete të këtyre institucioneve. Në debatin që pati me ministrin e Mbrojtjes Panos Kamenos, fondi sekret ishte një pikë ku ai ngulmonte. Ish-ministri i kërkoi Kryeministrit Tsipras që të zbatojë të njëjtin ligj për të gjitha Ministritë që aktualisht zbatohet vetëm për Ministrinë e Jashtme, në lidhje me fondet sekrete, që mbulojnë shpenzime ekstra dhe përdoren për të financuar instrumentë dhe persona të huaj për të promovuar interesat kombëtare të Greqisë.

Ky është njëri problem brenda qeverisë greke, argumentoi Kotzias, kurse problemi i dytë është ministri i Mbrojtjes Panos Kamenos, që është edhe kreu i partisë aleate në koalicion. Sipas ish-ministrit Kotzias, “Kryeministri Tsipras i është dorëzuar plotësisht ministrit Kamenos“. Konflikti me ministrin e Mbrojtjes nisi pikërisht për marrëveshjen e emrit të Maqedonisë. Kotzias thotë se ministri i Mbrojtjes nuk ka asnjë rol në politikën e Jashtme të vendit dhe nuk duhet të ndërhyjë, pasi kjo temë është ekskluzivitet vetëm i Kryeministrit dhe Ministrisë së Jashtme. Ai theksoi gjithashtu se qëndrimet e Kamenos për çështjet e politikës së jashtme të Greqisë, kanë gjasa që të dalin nga linja kombëtare. /tvklan.al

read more
Rajoni

COOPER – SERBISË: S’DO TË KENI SUKSES NËSE S’E NJIHNI KOSOVËN

cooper-933×445

Ish-ndërmjetësi evropian në dialogun Kosovë -Serbi, Robert Cooper ka thënë se Serbia nuk do të ketë sukses nëse nuk ka një politikë të qartë për Kosovën dhe se nuk do të arrijë asgjë nëse nuk e njeh Kosovën.

“Mendoj se do të ishte mirë që Beogradi të ketë një politikë për Kosovën, në fund të fundit, është fqinji juaj. Në fund, nuk do të keni sukses nëse nuk e njihni atë, si dhe kur do ta bëni atë është problemi juaj, por një gjë e tillë duhet të bëhet në një  moment dhe kjo kërkon një udhëheqje të fortë”, tha ai për televizionin serb N1.

Sipas ish-ndërmjetësit të BE-së në dialogun e Brukselit, shkëmbimi i territorit midis Serbisë dhe Kosovës nuk është domosdoshmërisht një ide e keqe, por duhet të zhvillohet me shumë kujdes.

Cooper tha se gjëra të tilla janë shumë të vështira për udhëheqësit politikë dhe se në situata të tillë duhet të jepet kohë atyre.

Ai tha se fakti që udhëheqësi i Serbisë dhe ai Kosovës po flasin seriozisht për këtë çështje është inkurajuese.

Cooper po merr pjesë në Forumin e Sigurisë në Beograd i teti me radhë ku pjesëmarrës është edhe presidenti austriak, Alexander Van der Bellen./ KlanKosova.

read more
1 2 3 202
Page 1 of 202