close

Kuriozitet

Kuriozitet

KURIOZITET: “TITANIK 2” FILLON LUNDRIMIN MË 2022

Titanic_Colourised_photographed_in_Southampton

Është ruajtur origjinaliteti i anijes së famshme


Dëshira për të udhëtuar me anijen e famshme ‘Titanik” është e pranishme tek shumica, kurse tani vjen edhe shansi që kjo përfundimisht të ndodh me ‘Titanik 2”. Pas një përplasjeje me një akullnajë më 15 Prill të vitit 1912 ishte fundosur anija që ka mahnitur me dizajnin, teknologjinë dhe madhësinë. Në anijen ku gjetën vdekjen mbi 1500 njerëz, detaje të pabesueshme mund të shihen edhe sot.

Rikonstruimi i ‘Titanikut” të ri është bërë sipas anijes origjinale dhe paraqet një lidhje mes kombinimeve të pabesueshme të teknologjisë së sodit dhe dizajnit të vjetër. Ndërtimi i tij ka filluar në vitin 2012, por fillimisht ishte ndërprerë për shkak të problemeve financiare. Por, janë gjetur sponsorëdhe pritet që në vitin 2022 kjo anije të lundrojë.

Në “Titanik 2” janë bërë adoptime të caktuara me qëlllim të mbindërtimit të sigurisë dhe strukturës, por thuhet se do t`i ngjajë në mënyrë origjinale Titanikut të vjetër. Nëse do të keni frikë nga përsëritja e mundshme e tragjedisë origjinale, kur nuk kishte pasur numër të mjaftueshëm anijesh shpëtimi, tani nuk duhet të ketë shqetësime, ngase në anije gjenden 18 barka motorike për shpëtim dhe në secilin prej tyre ka hapësirë për 250 persona, shumë më tepër se sa kapaciteti i anijes. Oxhaqet janë mbindërtuar dhe në to gjenden platforma vëzhgimi dhe pajisje për navigim. /Agjencitë&Klan Maqedoni/

read more
Kuriozitet

LONDËR: DJEMTË VISHEN ME FUNDE

SWNS_BOYS_SKIRTS_0010

Protestë e veçantë e nxënësve britanikë


 

Drejtoresha e akademisë Isca në Britanisë së madhe u ka ndaluar studentëve djem që të vijnë në shkollë me pantallona të shkurtra pavarësisht temperaturave të larta. Por ajo cfar bënë nxënësit ishte vërtet diçka e veçantë. Ata vendosën të protestojnë edhe atë duke shkuar në shkollë me funde.

Nxënësit nga ISCA Academy në Exeter, në Britani të Madhe kërkuan leje për të modifikuar uniformën e tyre për shkak të motit të nxehtë. Por meqë pantallonat e shkurtra nuk ishin pjesë e uniformës së shkollës, mësuesja Aimee Mitchell nuk u’a ka aprovuar kërkesë.

Të revoltuar nga kjo situtë, nxënësit vendosën të protestojnë duke u veshur me funde në shkollë. Ata thanë se ideja për protestën erdhi nga mësuesi i kreut, i cili fillimisht bëri sugjerimin, edhe pse një student tha se nuk mendonte se ajo ishte serioze.

Ata thanë se shpresonin që shkolla të rishqyrtojë politikën e saj si rezultat i kësaj proteste.

Udhëzimet e uniformës së shkollës aktualisht lejojnë nxënësit meshkuj të veshin pantallona, dhe nxënësit femra të veshin pantallona dhe funde me tartan. Nxënësit mund të heqin lidhjet e tyre, por duhet t’i mbajnë me vete dhe këmishat mund të zbërthehen në klasë, por duhet të mërthehen kur ata largohen nga klasa. /Agjencitë/

read more
Kuriozitet

ASTRONOMI: A JEMI TË VETËM NË HAPËSIRË?

nasa-1_1475280623-312206

NASA ka zbuluar 10 planete të ngjashme me tokën


 

Shkencëtarët e agjencisë amerikane të hapësirës NASA, publikuan se kanë zbuluar më shumë se 200 plenete, prej të cilëve disa mund të jenë të përshtatshëm për jetë. Teleskopi hapësinor Kepler ka analizuar një pjesë të vogël të galaksisë sonë. Dhjetë nga 219 planetet e zbuluara janë me sipërfaqe të fortë, sikurse Toka, kurse gjenden në kuadër të ashtuquajturës “zona të banueshme” në rajonet rreth yjeve të tyre.

Prej se është dërguar në hapësirë në vitin 2009, teleskopi hapësinor Kepler, grumbullon informata rreth planeteve, të cilët disa kanë shumë ngjashmëri me planetin tonë. Duke analizuar një pjesë të vogël të hapësirës, apo 0.25 % të qiellit tonë, Kepler ka zbuluar 4035 objekte. Jeta qysh e njohim në tokë, në shumicën prej tyre nuk është e mundshme, por disa kanë madhësi dhe temperatura që i adekuate, që do të thotë se janë të përshtatshëm për ndonjë formë të jetës.

“Kemi zbuluar afërsisht 50 planeta në zonën e banueshnme”

Shumicën e objekteve që ka zbuluar teleskopi Kepler nuk janë të përshtatshëm për jetë.

“Këto rezultate do të ndikojnë në nevojën për jetë. Afërsisht gjysma e planeteve që deri më tani kemi zbuluar nuk kanë tokë të fortë, ose kanë të bëjnë me sipërfaqe të mbuluar me atmosferë të rëndë. Në to nuk mund të jetohet”

Disa nga planetet e zbuluara janë të ngrira, në disa ka rrjedhje të llavës, por ka nga ata që janë të mbuluar me oqeane të mëdha. Një objekt i ashtuquajtur KOI 7711 mund të ketë ngjashmëri me tokën duke marrë parasysh largësinë nga ylli i tij. Megjithatë, është shumë herët për konkluza. Shkencëtarët, vitin e kaluar në Kili zbuluan edhe një planet të ngjashëm me Tokën edhe atë në fqinjësinë tonë galaktike.

“Mund të themi se kemi zbuluar planetin në zonën e banueshme të yjeve. Më afër diellit tonë. Proksima, Kentaur planete të vogla të banueshme.”

Sa vite dritë janë larg nesh?

“ Vetëm dy. Kjo është shumë afër”

Shkencëtarët thonë se planetet e zbuluara do të duhet që të hulumtohen.

“Përpiqemi të vërtetojmë se a jemi të vetëm në hapësirë. Ndoshta me anë të Keplerit në mënyrë indirekte kemi kuptuar, ende nuk kemi një konfirmim se me siguri nuk jemi të vetëm”

NASA planifikon të dërgojë sonda të tjera hapësinore që do të udhëtonin thellë në galaktikë me shpresë se do të marrim përgjigje në pyetjet më të mëdha të njerëzimit. /Agjencitë/

read more