close

Kulture

Kulture

SHOQATA “TRADITA”:SHËNOHET 90 – VJETORI I LINDJES SË MURAT ISAKU

Screenshot_6

Në këtë aktivitet u promovua përmbledhja me poezi “Jeta e Ketrit”


Shoqata për kulturë dhe art “Tradita”, shënoi 90 vjetorin e lindjes së shkrimtarit të shquar të letërsisë shqipe, Murat Isaku. Ky aktivitet u mbajt në amfiteatrin e Fakultetit të Arteve të Universitetit të Tetovës, dhe në të morën pjesë profesorë, drejtues të institucioneve kulturore –artistike nga qyteti i Tetovës dhe jo vetëm, dashamirë të artit dhe të kulturës.

Shënimin e përvjetorit të Murat Isakut e shpalli të hapur kryetari i Shoqatës për kulturë dhe art “Tradita”, Selam Sulejmani, i cili deklaroi se përmes veprës, Murat Isaku ka dhënë shembullin – modelin e shkrimtarit që luan rol të drejtpërdrejt në shoqëri, në zhvillimet e përgjithshme, sikundër këto ngjarje do të ndikojnë pastaj edhe mbi krijimtarinë e tij.

“Siç ndodh me çdo krijues të realizuar, shkrimtar të suksesshëm, edhe Murat Isaku, përtej rolit jetësor, ndikimin më efektiv dhe më afatgjatë, e realizoi me anën të artikulimit të ideve në veprën letrare. Ishte i vetëdijshëm se të jesh shkrimtar shqiptar, do me thënë, njëkohësisht të punoje se ç’të reja mund të ofroje në letërsinë e vendit, si dhe të dije të vlerësoje potencialin e jashtëzakonshëm të mjedisit shqiptar në një situatë të caktuar, ku gjithçka mund të kthehej në materie letrare, që nga dramat individuale e kolektive, deri tek energjia e çuditshme e krijuesit dhe te larmia e saj e jashtëzakonshme. Ai shkroi për dashurinë që ruan baraspeshën brenda qenies njerëzore, për qëndresën që nëpërmjet letërsisë të ruhet identiteti kombëtar, kulturor e gjuhësor, e trajtoi temën e burgut, ku të burgosurit politikë shqiptarë dënoheshin pa pikë faji, dhe një vend të rëndësishëm në opusin e tij krijues ia kushtoi tokës, vendlindjes dhe familjes”, tha në fjalën e tij, Selam Sulejmani.

Në këtë aktivitet u promovua edhe përmbledhja me poezi të përzgjedhura, me titull: “Jeta e Ketrit”. Se si erdhi deri te ideja për botimin e këtij vëllimi poetik dhe detaje të tjera për poezitë e përzgjedhura të botuara e të pabotuara deri sot, para pjesëmarrësve Prof. Dr. Luljeta Isaku, mes tjerash, në fjalën e saj rrëfeu një kujtim nga shkrimtari Murat Isaku.

“Do ta them një kujtim të cilin e kam pasur bashkë me babain tim, ka qenë hera e fundit që kemi ecur drejt rrugës së Gajres, dhe rrugën na e zuri një ketër, i cili nuk dinte, djathtas apo majtas ta merrë rrugën e tij të caktuar. Babai e shikoi, u kthye nga unë dhe tha: shumë njerëz e bëjnë jetën e ketrit, dhe kjo fjali më mbeti si motiv i pashtjelluar më vonë ç’deshi ai të thotë. Duke u bindur në atë që jeta e ketrit është vetë jeta e njeriut, erdha në idenë për ta titulluar përmbledhjen e poezive të përzgjedhura me jetën e ketrit, sepse në këtë përmbledhje ka poezi të cilat në shumë raste, në shumë momente, përfshin, përmbledhin jetën e vetë autorit dhe jetën e njerëzve me të cilat ai ka jetuar. Dhe për fund dua të them se sikur Murat Isaku të ishte gjallë, do t’i kishte falur të gjitha librat, ashtu siç i ka falur të gjitha librat e botuara paraprakisht. Prandaj sonte, në panel ka 50 libra, të cilat do t’i falim njësoj, sikur vetë autori të jetë gjallë”, theksoi, Prof. Dr. Luljeta Isaku.

Referatin për jetën dhe veprën e shkrimtarit e paraqiti profesori i letërsisë shqiptare, Doc. Dr. Salajdin Salihu, i cili theksoi se nëpërmjet gjuhës, fjalës, Murat Isaku krijoi një kështjellë monumentale artistike, të ëndërrt e flatërore, duke përdorur shajni e makthe, hije e delire, dhembje dhe zhgënjime, tragjikë e groteskë. /Art Channel/

 

 

read more
KultureVideo

“METAFORA”: SHËNOHET DITA BOTËRORE E POEZISË

Manifestimi shënohet me aktivitete të ndryshme


Për ta shënuar Ditën botërore të Poezisë, Klubi letrar “Metafora”, para publikut tetovar, organizoi edicionin e dytë të Manifestimit letrar ndërkombëtar “Shtigje poetike”. Manifestimi u mbajtë në Galerinë e Arteve Pamore në Tetovë.

Organizata për Edukim, Shkencë dhe Kulturë e Kombeve të Bashkuara,  në kuadër të kësaj dite, bëri thirrje për zhvillimin e aktiviteteve kulturore në nivel lokal e ndërkombëtar, në institucione publike e private, duke përfshirë këtu shkolla, bashki, muzeume, shoqata kulturore, shtëpi botuese etj. Manifestimin e shpalli të hapur Kryetari i Shoqatës për kulturë dhe art, “Tradita”, Selam Sulejmani.

Ky mmanifestim u shoqërua edhe me leximin e poezive nga krijuesë dhe profesorë të ndryshëm. /Xh. I. /

read more
Kulture

KUMANOVË: TAKIMET POETIKE TË KARADAKUT

Screenshot_6

Promovime dhe botimi i monografisë


 

Në pjesën e parë të edicionit të 26-të të Takimeve poetike të Karadakut , në Kumanovë, u bë promovimi i botimeve të fundit të klubit të shkrimtarëve të Kumanovës , përkatësisht: monografia: “Klubi i Shkrimtarëve JEHONA Е KARADAKUT – Një çerekshekull”; Revista “Doruntina” nr.52/53; “Rrethi që pret përjetësinë” – roman i Bejtush Memetit; “Psherëtima të pakënduara” – përmbledhje poetike nga Arben Ibrahimi, dhe “Kurorë” nga Fatos Rushiti.

Kryetari i klubit dhe një nga përpiluesit e monografisë, Sevdail Demiri, tha se shpresojmë që me këtë botim kemi hedhur një hap drejt arkivimit të një veprimtarie të rëndësishme çerekshekullore të sferës së kulturës kumanovare dhe mbarëshqiptare.

“Tani jemi pak më të qetë, kur e dimë që një pjesë e madhe e kujtesës sonë, ruhet brenda këtyre kopertinave, dhe do t’u mbetet një trashëgimi e pasur gjeneratave të ardhshme të cilat shpresojmë se edhe më tutje do ti avancojnë këto procese”, tha Sevdail Demiri.

Rreth botimeve tjera, përpos autorëve, folën edhe recensentët Burhanedin Xhemaili, Bejtush Memeti, Kalosh Çeliku e Arben Ibrahimi, të cilët vlerësuan lartë arritjet estetike në këto vepra të letërsisë bashkëkohore.   Gjatë mbrëmjes, në Likovë u mbajt Ora e madhe letrare në kuadër të manifestimit “Takimet Poetike të Karadakut – 2018”. Fillimisht këtë festival të  poezisë  e përshëndetën Kryetari i Komunës së Likovës, Erkan Arifi dhe sekretari shtetëror i Ministrisë së Kulturës, Valmir Aziri.

“Ne bëjmë një histori kulturore duke i respektuar të gjithë poetët dhe autorët që manifestojnë kulturën tonë shqiptare “ tha kryetari i Likovës Rekan Arifi.

“Pa dyshim është një ndjesi për të gjithë ne që jemi pjesë e kësaj feste kulturore e letrare , në kujtimin dhe nderimin e djersës dhe sakrificës së rinisë studentore shqiptare të vitit 1981 dhe në nderim të të gjithë atyre brezave që dhanë shumë mund , djersë e gjak e deri në brezin e 2001 për një jetë më të mirë të gjithëve” ,tha sekretari shtetëror në Ministrinë e kulturës, Valmir Aziri.

Në vazhdim me poezitë e tyre konkuruese u prezantuan mbi 40 poetë, kurse juria e manifestimit ndau tre çmimet për poezitë më të mira edhe atë Vendi i parë poetes nga Fieri i Shqipërisë Majlinda Nana-Rama, vendi i dytë poetit nga Kosova, Fehmi Ajvazi, dhe vendi i tretë poetit nga Kumanova, Nazmi Beqiri. /Art Channel/

read more
Kulture

ÇMIMET OSCAR: “THE SHAPE OF WATER” FILMI MË I MIRË

auto_2018-03-05T053810Z_1229118521_HP1EE350FNLJN_RTRMADP_3_AWARDS-OSCARS1520237441

Geri Oldman dhe Frensis Mekdermot aktorë më të mirë


 

Drama romantike “The Shape of Water” fitoi çmimin Oscar si filmi më i mirë. Ceremonia e 90-të e ndarjes së Oscar-it u mbajt të dielën në Llos Angjelles. “The Shape of Water”, një film nga regjisori Guillermo del Toro, që flet për një grua pastruese, e cila bie në dashuri me një krijesë të çuditshme të lumit, ka pasur 13 nominime, ndërsa ka fituar katër.

Filmi “The Shape of Water”, në regji të regjisorit meksikan Gilermo del Toro është shpërblyer me Oskar për filmin më të mirë, në ceremoninë që sonte u mbajt në Teatrin Dolbi në Los-Anxhelos. Del Toro e fitoi çmimin edhe për regjisor më të mirë. “The Shape of Water” ishte i nominuar në 13 kategori, ndërsa çmime fitoi vetëm për katër.

Oskar si aktori më i mirë fitoi Geri Oldman për rolin në filmin “Darkest Hour”, në të cilin në mënyrë maestrale e ringjalli Uinston Çerçilin. Frensis Mekdermond fitoi oskar si aktorja më e mirë për rolin kryesor femëror në filmin Three Billboards Outside Ebbing, Missouri”.  Oskar për film jashtë rajonit anglisht-folës fitoi Kili, në realizimin e Sebastian Lejl, “A Fantastic Woman”. Në këtë film rolin kryesor e luan një person transgjinor.

Një prej befasive më të mëdha në ndarjen e Oskarëve ndodhi në kategorinë film dokumentar. Oskar fitoi “Icarus” në të cilin flitet për gjoja dopingun e sportistëve në Rusi. Ylli i basketbollit Kobi Brajant u shpërblye për filmin e shkurtër të animuar “Dear basketball”. /Art Channel/

read more
Kulture

BRIT AWARDS 2018: DUA LIPA DHE RITA ORA YJE TË MBRËMJES

MAIN-Rita-Ora-at-Brit-Awards-650×358

Dua Lipa fituese e dy trofeve  


Sukseset e këngëtares shqiptare, Dua Lipës nuk kanë të ndalur. 22-vjeçarja ka qenë personazhi kryesor i edicionit të sivjetmë Brit Aëards, ku shkëlqeu si nga dukja ashtu edhe në aspektin profesional. Ajo rrëmbeu dy trofe, kurse shqiptarja tjetër Rita Ora gjithashtu ishte njëra prej yjeve të mbrëmjes.

Dua Lipa, Këngëtarja shqiptare me famë botërore bëri historinë duke u bërë femra e parë që konkurroi në pesë kategori.Ajo arriti të rrëmbente dy trofe në këtë ngjarje të madhe muzikore dhe është një fituese e madhe e evenimentit të madh britanik të ndarjes së çmimeve muzikore.

Në skenën e mbrëmshme në Londër, Dua mahnitëse interpretoi hitin “New Rules” duke krijuar atmosferë mbresëlënëse.

Pjesë e këtij evenimenti të madh muzikor ishte edhe këngëtarja tjetër shqiptare, Rita Ora, e cila nuk ishte e nominuar, por ishte një prej yjeve që performuan në skenë. /Agjencitë/

read more
KultureVideo

TETOVË: LIBRI “TERRITORI I LUFTËS SË HESHTUR” I SELIM IBRAIMIT

“Kontribut për njohjen e çështjeve të pazgjidhura në Ballkan”


Territori i luftës së heshtur “ -Trende dhe dinamika të reja gjeopolitike në Europën Juglindore është libri më i fundit i publicistit, analistit Selim Ibrahimi të cilin e ka promovuar në ambientet e fakultetit Juridik pranë Universitetit të Tetovës ku kanë marrë pjesë personalitete të ndryshme, si Profesor Universitarë, Studiues dhe student.

Sipas autorit ky libër është vazhdimësi e librit “Paqja e ftohtë” dhe në përmbajtjen e tij ngërthen tema që kryesisht ndërlidhen me gadishullin Ballkanik, luftërat, dhe çështjet e pazgjidhura të shteteve të Ballkanit.Selim Ibraimi  lidhur me këtë libër thotë se kauzat kombëtare të etnive të mbetura nën shtetet aktuale ende nuk kanë marrë fund.

Recenzentët e librit thonë se ky libër përbën një kontribut të rëndësishëm për njohjen e çështjeve të pazgjidhura në Ballkan.

Përndryshe përveç profesor Fehari Ramadanit recenzentë të librit janë edhe gazetari publicist Emin Azemi, Profesor Jusuf Zejneli, dhe profesor James Pettifer, ndërsa redaktor i këtij libri është profesor David Ratliff. /L. A. /

 

read more
Kulture

SANREMO 2018: META DHE MORO FITOJNË FESTIVALIN  

ermal-meta-640×697

Disa shqiptarë në Eurovision 2018


 

Kantautori shqiptar, Ermal Meta, ka triumfuar në festivalin më të rëndësishëm të këngës ‘Sanremo’, në Itali, duke rrëmbyer çmimin e madh. Ermal Meta, i cili mori pjesë në këtë garë së bashku me këngëtarin italian, Fabrizio Moro, me këngën “Nuk më keni bërë asgjë” u shpallën fitues me 52% të votave me një diferencë të madhe ndaj vendit të dytë që mori 26% të votave.

Pas shumë polemikave këtë edicion të festivalit, Meta dhe Moro kanë arritur të lënë gjithçka pas krahëve dhe me performancat e tyre të jashtëzakonshme fituan zemrat e italianëve, duke u bërë më të votuarit në këtë festival. Kënga “Nuk më keni bërë asgjë” u pezullua përkohësisht për dyshim të thyerjes së rregullores së Festivalit, por pas vlerësimeve, “Rai” doli në përfundimin që kjo këngë të vazhdonte garën. Pas verifikimeve, RAI ka vendosur qe Meta te vazhdojë garën pasi ka rezultuar se kënga e tij nuk ishte plagjiaturë, sikurse dyshohej.

Pas trofeut të madh në ‘Sanremo’, Ermal Meta ka bërë krenarë të gjithë shqiptarët me gjestin e tij të veçantë. Ai është shfaqur në një foto së bashku me balerinin e njohur, Klejdi Kadiu, duke bërë shqiponjën dykrenore me duar.

Festivali i këngës ‘Eurovision’ do të jetë tepër i veçantë këtë vit për të gjithë shqiptarët. Janë tre këngëtarë shqiptarë, të cilët do të përfaqësojnë vende të ndryshme në ‘Eurovision 2018’.

I pari, siç edhe dihet, është këngëtari shqiptar, Eugent Bushpepa, i cili u shpall fitues në Festivalin e Këngës në RTSH dhe do të përfaqësojë Shqipërinë në ‘Euro 2018’. Gjithashtu, shqiptari i dytë që merr pjesë në këtë event është Ermal Meta, i cili fitoi ‘Sanremo’ dhe do të përfaqësojë Italinë. Por në këtë ‘Eurovision’ do të jetë dhe një femër shqiptare, e cila do të këndojë për Qipron. Bëhet fjalë për këngëtaren me origjinë nga Fieri, Eleni Foureira, e cila do të ngjitet në skenën e festivalit me flamurin e Qipros. /Agjencitë/

 

read more
KultureVideo

SHKUP: NJË JUBILE I RËNDËSISHËM I SHKENCËS SHQIPTARE

Sot në Shkup Instituti i Trashëgimisë Shpirtërore dhe Kulturore të Shqiptarëve promovoi veprimtarinë botuese dhe hulumtuese shkencore për vitin 2017 dhe njëherësh shënoi edhe jubileun e 10-të të themelimit.

Insitituti i Trashëgimisë Shpirtërore dhe Kulturore të Shqiptarëve, i cili sot shënoi 10 vjetorin, ishte themeluar me vendim të Qeverisë së Maqedonisë të datës 2 mars 2007, me statusin e Institucionit publik Shkencor. Nismëtar dhe hartues  i elaboratit për themelimin e Institutit ka qenë shkimtari i mirënjohur Xhabir Ahmeti.

Në ecurinë e profilizimit të vet, Insituti është sfiduar nga rrethanat shoqërore e politike të kohës dhe nga faktorë të tjerë, por, sipas drejtorit të këtij instituti Dr. Skender Asani, në shënimin e përvjetorit të dhjetë, ai vazhdon të jep frytet e tij, duke e arsyetuar misionin e themelimit .

 

Puna e  Institutit të Trashëgimisë Shpirtërore dhe Kulturore të Shqiptarëve  është organizuar në disa sektorë, kurse për veprimtarinë 10 vjeçare botuese e  hulumtuese foli sekretari shencor i këtij Instituti, Dr. Sefer Tahiri.

I pranishëm në këtë solemnitet ishte edhe zëvendësministri i Arsimit dhe Shkenccës, Dr. Arbër Ademi, i cili u përqëndrua në disa aspekte të  zhvillimit të këtij institucioni shkencor.

 

Ndërkaq, punën dhjevjeçare të këtij Instituti e përgëzoi edhe ambasadori i Republiks së Shqipëri në Shkup. z. Fatos Reka.

Për bashkëpunim afatgjat e të frytshëm me Institutin e Trashëgimisë Shpirtërore e Kulturore t Shqiptarëve, me mirënjohje u nderua prof dr. Avzi Mustafa, i cili ishte edhe anëtarë i Këshillit të Jashtëm të Institutit. /Art Channel/

 

 

 

 

 

 

read more
Kulture

TETOVË: PËRFUNDOI FESTIVALI ‘TETOVA FESTON NËNTORIN’

Screenshot_7

Jetmir Rexhepi 25 vjet karrierë muzikore


 

Edicioni i pestë me radhë i festivalit ‘Tetova Feston Nëntorin’, përfundoi mbrëmë, me një koncert kushtuar karrierës 25 vjeçare të këngëtarit tetovarë Jetmir Rexhepit.

Nuk kishte se si ndryshe të përfundojë një festival kulturor përpos me prezantimin e këngëve të mirëfillta shqipe. 25 vite karrierë dhe përkushtim për muzikën e mirëfilltë shqipe janë letërnjoftimi i këtij këngëtari tetovar. Jetmir Rexhepi ndjehet paksa i befasuar nga respketi që treguan kolegët dhe dashmirët e tij në këtë koncert.

Ky festival gjithnjë e më shumë po merr tiparet e një festivali serioz që tashmë ka arritur në nivele të larta. Drejtuesit premtojnë përkushtim edhe në të ardhmen.

Në mesin e shumë mysafirëve i pranishëm ishte edhe Lulzim Jashari,  djali i legjendarit Adem Jasharit, i cili, sipas organizatorëve ka nderuar këtë mbrëmje.

Që gjeografia shqiptare përmes kulturës të shtrihet në Tetovë ka bërë që asambli ‘Shota’ të jetë prezent gati se në çdo aktivitet, ata mbrëmë u vlerësuan me mirënjohje nga Ministria e Kuluturës.

Si çdo here tjetër edhe këtë radhë publiku tetovarë nuk u zhgënjye.

Mbrëmjen festive dhe përfundimin solemn të Festivalit të nëntorit në Tetovë e begatuan edhe këngëtarë të estadës shqiptare nga Kosova, të cilët kanë nderuar kolegun e tyre tetovar Jetmir Rexhepin. Ismet Bogujevci, Violetë Kukaj dhe anëtarët tjerë të Asamblit “Shota” duket sikurse vendosën “qershinë mbi tortë” në mbrëmjet kulturore të Nëntorit në Tetovë. /L. A. /

 

read more
KultureVideo

TETOVË: KLUBI LETRAR “METAFORA”

Përkujtohet Lasgush Poradeci


 

Klubi letrar “Metafora”, që vepron në kuadër të Shoqatës për kulturë “Tradita”, në bashkëpunim me Komunën e Tetovës, përmes edicionit të pestë “Tetova feston nëntorin”, më 12 nëntor 2017, në Klubin e artistëve  ”Oda”, në Tetovë,  organizuan Akademinë përkujtimore kushtuar gjeniut të letërsisë shqiptare, Lasgush Poradecit.

Në 30 – vjetorin e ndarjes nga jeta e poetit tonë kombëtar, morën pjesë intelektualë, profesorë universitarë, studentë, veprimtarë të arsimit, të shkencës dhe të kulturës nga qyteti i Tetovës dhe më gjerë.  Në fjalën e tij, para pjesëmarrësve në këtë akademi, kryetari i Shoqatës për kulturë “Tradita”, Selam Sulejmani theksoi se ne shqiptarët në radhët tona kemi personalitete të shquara, figura historike e letrare që kanë bërë historinë tonë dhe për këtë më së miri flet vepra e tyre e përjetshme, për të cilën ne u jemi mirënjohës dhe ndjehemi krenarë.

Atmosferës madhështore festive, jehonës së papërshkruar e gëzimit të kombit, Lasgush Poradeci i jep shpirt artistik me përmasa impresive duke i kënduar asaj në frymën e rapsodive popullore burimore, duke strukturuar edhe elemente figurative dhe vizione të reja poetike. Sa herë që e përkujtojmë personalitetin e Lasgushit, sigurisht që na kujtohet ligjërimi i tij poetik për liri, për mbrojtjen e kombit, dëshira për triumfin e pikëpamjeve demokratike, shqetësimi për një përparim të përgjithshëm kulturor e shpirtëror të shoqërisë shqiptare. Ai është nga lirikët tanë më të mëdhenj, i cili u shqua për ndjeshmërinë dhe ëmbëlsinë poetike me të cilën i këndoi Shqipërisë dhe dashurisë. 

Akademinë përkujtimore e përshëndeti edhe profesor Jeton Pustina, drejtor artistik i edicionit V “Tetova feston nëntorin” 2017. Ai e vlerësoi lartë punën, angazhimin dhe veprimtarinë e përgjithshme që e zhvillon Shoqata për kulturë “Tradita” dhe Klubi letrar “Metafora”.

Akademia përkujtimore u përmbyllë me orën letrare, me leximin e poezive të Lasgush Poradecit, vargjeve të poetëve tanë dhe më një program të pasur kulturor – artistik. /Art Channel/

 

read more
1 2 3 4 8
Page 2 of 8