close

Kulture

KultureVendi

SLLATINË: ORGANIZOHET MANIFESTIMI JAVA KULTURORE- 2018”

Rikthehen aktivitetet e shumta kulturore


Tradita e dikurshme e organizimit të manifestimeve verore në Fshatin Sllatinë të Komunës së Tearcës është rikthyer me aktivitete të shumta kulturo-artistike. Pas një kohe shumë të gjatë pikërisht gjatë verës, me rastin e kthimit të mërgimtarëve filluan manifestimet të cilët do të zgjasin tre ditë.

Këshilli organizativ i këtij fshati, nuk e kishte vështirë të organizonte aktivitete të ndryshme sportive dhe kulturore duke patur parasyh se në këtë fshat kanë funksionuar ish-klubi i futbollit “Vëllazërimi”, ish-klubi i futbollit të vogël “Elita” dhe Shoqëria Kulturore Artistike “Vëllazërimi”. Manifestimet filluan me homazhet tek varrezat e dëshmorëve Murtezan Etemi, Burim Huseini, Enver Ademi dhe martirës së vogël  11 vjeçaren, Adelina Arifi. Njëri nga organizatorët e këtij manifestimi Lirim Saliu theksoi se ky manifestim do zgjas tre ditë dhe e gjithë kjo siç theksoi ai do të jetë në shenjë respekti dhe mikëpritje të bashkëatëdhetarëve që jetojnë në mërgim, për të parë nga afër vlerat, kulturën dhe traditat.

Ndërkaq, në shkollën fillore “Eqrem Qabej”, zyrtarisht u hap ekspozita e përbashkët e artistëve të këtij vendbanimi. Publicisti Bardhyl Zaimi, theksoi se kjo ekspozitë ka shumëllojshmëri të pejsazheve duke përfshi  motivet popullore e deri tek abstraktja. Tashmë nga ky fshat janë edhe disa piktorë, të cilët kanë hapur ekspozitat e tyre personale dhe kanë marrë pjesë në ekspozita kolektive.

Në kuadër të manifestimit “Java Kulturore-Sllatinë 2008”, është mbajtur edhe turneu në Shah që poashtu është një traditë e kahmtoshme në këtë fshat. Manifestimi vijoi me turneun në futboll nga grupmoshat e reja. Më pas aktivitetet vazhdojnë edhe ditëve në vijim ku janë paraparë gara në mottocros, ndërsa më pas në natën e tretë është paraparë darka solemne me ushqime tradicionale si dhe programi  artistik me koncert me këngë,valle dhe interpretime dramatike” njoftuan nga këshilli organizativ. /Xhumadije Ibraimi/

 

 

 

 

 

më shumë
KultureVendi

TETOVË: NËNTË VITE KOLONI ARTISTIKE NDËRKOMBËTARE

Screenshot_3

20 artistë nga vende të ndryshme pjesëmarrës të Kolonisë


Rreth 20 artistë nga vende të ndryshme të botës iu bashkangjitën edicionit të 9 të Kolonisë Artistike Ndërkombëtare “Tetova 2018” organizuar nga I.N Galeria e Arteve Pamore Tetovë dhe financuar nga Ministria e Kulturës së R. Maqedonisë.

Sekretari shtetëror në ministrinë e Kulturës, Valmir Aziri, i cili u takua me artistët për t’i përshëndetur dhe përgëzuar për punën e tyre, deklaroi gjithashtu se kjo koloni çdo vit e më tepër po bëhet akoma më serioze në organizimin e saj dhe shtoi se Ministria e Kulturës këtë vit ka trefishuar buxhetin për këtë koloni.

Nga ana tjetër, artistët u shprehën të kënaqur me organizimin e sivjetëm të ‘Kolonisë së artistëve’ dhe deklaruan se “Kodra e Diellit” i ka frymëzuar në konkretizimin e pikturave të tyre.

‘Është hera e parë që jam pjesëmarrëse në këtë koloni në Maqedoni dhe është një grup artistësh shumë i mirë të cilët sëbashku krijojnë në këtë hapësirë, më pëlqen se bëhet fjalë për këmbim kulturash.’

‘Unë vij nga Turqia dhe është hera e parë që vij këtu, më pëlqeu shumë organizimi, ‘Kodra e Diellit’, dhe më kanë lënë shumë përshtypje për të ardhur sërish.

Përndryshe, artistёt do tё pikturojnë deri mё datё 22 korrik 2018 nё hapёsirat e hotel “Scardus” nё Kodrёn e Diellit nё Tetovё dhe ky aktivitet është bërë traditë tashmë që nga viti 2009. /Blerona Jakupi/

 

më shumë
Kulture

“SUNNY HILL FESTIVAL 2018”: DUA LIPA KONCERT NË PRISHTINË

CpgLmFZWcAA_E0j

Të ardhurat për bamirësi


Këngëtarja shqiptare me famë botërore, Dua Lipa, në 7 gusht do të shkojë në Kosovë, ku dy ditë më pas do të mbajë koncert bamirësie në Parkun e Gërmisë në komunën e Prishtinës. Të gjitha të ardhurat materiale nga ky koncert do të shkojnë për bamirësi për fondacionin SunnyHill.

Në një konferencë për media janë bërë të ditura datat zyrtare të “Sunny Hill Festival 2018”, artistët zyrtarë të festivalit, lokacioni ku do të mbahet Sunny Hill Festival dhe prezantimi i biletave online dhe çmimi i tyre. Ky festival do të mbahet në Parkun e Gërmisë, 10-12 gusht 2018, ku i tërë vendi do të jetë në dispozicion të festivalit përkundër siç ka qenë para dy viteve, ndërsa çmimi i biletave do të fillojë nga ajo më e lira 35 euro duke vazhduar më pas me 55 euro dhe 75 euro.  Dukagjin Lipa, babai i këngëtarës Dua Lipa, tha se 25% e fondeve që do të mblidhen do të shkojnë për fondacionin “Sunny Hill Foundation”.

Kryetari i komunës së Prishtinës, Shpend Ahmeti tha se është i kënaqur që Prishtina është ombrellë e koncerteve kulturore. Ai shtoi se ky koncert është vetëm një fillim, pasi në të ardhmen do të sjellin në Kosovë sa më shumë këngëtarë të njohur për qytetarët. /Agjencitë/

 

më shumë
Kulture

EUROVISION 2018: EUGEN BUSHPEPA NA NATËN FINALE

eu-696×392

Në finale edhe shqiptarja tjetër Eleni Fureira


Me këngën “Mall” Eugent Bushpepa u klasifikua në finalet e 12 majit të Eurovision 2018 që zhvillohen në Lisbonë të Portugalisë.

Shpallja e Shqipërisë si finaliste e Eurovision u kthye në një dramë të vërtetë për fansat e Eugent Bushpepës, pasi renditja rastësore e finalistëve e nxori emrin “Albania” të 8-tin nga 10 finalistë që kalonin nga kjo mbrëmje.Në finale ka kaluar edhe këngëtarja tjetër shqiptare, Eleni Fureira, e cila përfaqëson Qipron në këtë Eurovision.

Bushpepa  në performancën e tij u shoqërua nga instrumentistët Denis dhe Gerti Hima, Besnik Nikolli dhe vokalistet Erinda Agolli e Greta Radovani. Kënga “Mall” u prit me ovacione nga publiku i pranishëm në mbrëmjen e parë të gjysmëfinales së Eurovision.Në natën e parë të gjysmëfinales së Eurosong konkurruan 19 shtete: Azerbajxhani, Islanda, Shqipëria, Belgjika, Republika Çeke, Lituania, Izraeli, Bjellorusia, Estonia, Bullgaria, Maqedonia, Kroacia, Austria, Greqia, Finlanda, Armenia, Zvicra, Irlanda dhe Qipro.

Në skenë u ngjit edhe shqiptarja tjetër, Eleni Foureria, e cila përfaqëson Qipron dhe gjithashtu u kualifikua në finale. Në gjysmëfinalen e dytë do të interpretojë edhe shqiptari i tretë i këtij Eurosongu, Ermal Meta që do të përfaqësojë Italinë me “Non mi avete fatto niente”. /Art Channel/

më shumë
KultureVendi

SHKUP: SHFAQET DKUMENTARI “KOBRA”

Screenshot_6

Filmi i kushtohet kampionit Olipmik Shaban Tërstena


Në kuadër të festivalit të filmit, mbrëmë në kino “Milenium” në Shkup u shfaq premiera e filmit dokumentar “Kobra”. Filmi dokumentar  kustuar sportistit tl shekullit 20-të në Maqedoni, Shaban Tërstena, u shfaq para një numri të madh të mysafirëve nga fusha e sportit, filmit, jetës shoqërore si dhe nga familja e heroit kryesor në filmin “Kobra”.

Filmi “Kobra” bën një përshkrim të jetës dhe karrierës së famshme të Shaban Tërstenës, fitues i 19 medaljeve. Siç tha producenti Tomi Salkovski filmi dokumentar është realizuar që të mos harrohen rezultatet e shkëlqyeshme të kampionit olimpik, jetën dhe raportet e politikës ndaj sportistit.

Ai shpreson se Kobra do të harrojë famën në festivalet e filmit si kampion olimpik. Shaban Tërstena ishte mahnitur pas shfaqjes së dokumentarit dhe tha se është befasuar kur i ishin paraqitur ekipi i “Skopje film studio” të incizoj film për të. Ai tha se asgjë nuk ka fituar, megjithatë është njeri i pasur, pasi kudo që shkon gëzon respekt të madh. “Të gjithë vijnë dhe më urojnë për sukseset dhe kërkojnë fotografi me mua”, tha Tërstena dhe falënderon ekipin që realizoi filmin. Filmi është realizuar nga “Skopje film studio” në përbërje: Igor Ivanov regjisor, Tomi Slakovski producent, Vladimir Pavlovski dhe Dimitar Minov. /Agjencitë/

 

më shumë
Kulture

SHOQATA “TRADITA”:SHËNOHET 90 – VJETORI I LINDJES SË MURAT ISAKU

Screenshot_6

Në këtë aktivitet u promovua përmbledhja me poezi “Jeta e Ketrit”


Shoqata për kulturë dhe art “Tradita”, shënoi 90 vjetorin e lindjes së shkrimtarit të shquar të letërsisë shqipe, Murat Isaku. Ky aktivitet u mbajt në amfiteatrin e Fakultetit të Arteve të Universitetit të Tetovës, dhe në të morën pjesë profesorë, drejtues të institucioneve kulturore –artistike nga qyteti i Tetovës dhe jo vetëm, dashamirë të artit dhe të kulturës.

Shënimin e përvjetorit të Murat Isakut e shpalli të hapur kryetari i Shoqatës për kulturë dhe art “Tradita”, Selam Sulejmani, i cili deklaroi se përmes veprës, Murat Isaku ka dhënë shembullin – modelin e shkrimtarit që luan rol të drejtpërdrejt në shoqëri, në zhvillimet e përgjithshme, sikundër këto ngjarje do të ndikojnë pastaj edhe mbi krijimtarinë e tij.

“Siç ndodh me çdo krijues të realizuar, shkrimtar të suksesshëm, edhe Murat Isaku, përtej rolit jetësor, ndikimin më efektiv dhe më afatgjatë, e realizoi me anën të artikulimit të ideve në veprën letrare. Ishte i vetëdijshëm se të jesh shkrimtar shqiptar, do me thënë, njëkohësisht të punoje se ç’të reja mund të ofroje në letërsinë e vendit, si dhe të dije të vlerësoje potencialin e jashtëzakonshëm të mjedisit shqiptar në një situatë të caktuar, ku gjithçka mund të kthehej në materie letrare, që nga dramat individuale e kolektive, deri tek energjia e çuditshme e krijuesit dhe te larmia e saj e jashtëzakonshme. Ai shkroi për dashurinë që ruan baraspeshën brenda qenies njerëzore, për qëndresën që nëpërmjet letërsisë të ruhet identiteti kombëtar, kulturor e gjuhësor, e trajtoi temën e burgut, ku të burgosurit politikë shqiptarë dënoheshin pa pikë faji, dhe një vend të rëndësishëm në opusin e tij krijues ia kushtoi tokës, vendlindjes dhe familjes”, tha në fjalën e tij, Selam Sulejmani.

Në këtë aktivitet u promovua edhe përmbledhja me poezi të përzgjedhura, me titull: “Jeta e Ketrit”. Se si erdhi deri te ideja për botimin e këtij vëllimi poetik dhe detaje të tjera për poezitë e përzgjedhura të botuara e të pabotuara deri sot, para pjesëmarrësve Prof. Dr. Luljeta Isaku, mes tjerash, në fjalën e saj rrëfeu një kujtim nga shkrimtari Murat Isaku.

“Do ta them një kujtim të cilin e kam pasur bashkë me babain tim, ka qenë hera e fundit që kemi ecur drejt rrugës së Gajres, dhe rrugën na e zuri një ketër, i cili nuk dinte, djathtas apo majtas ta merrë rrugën e tij të caktuar. Babai e shikoi, u kthye nga unë dhe tha: shumë njerëz e bëjnë jetën e ketrit, dhe kjo fjali më mbeti si motiv i pashtjelluar më vonë ç’deshi ai të thotë. Duke u bindur në atë që jeta e ketrit është vetë jeta e njeriut, erdha në idenë për ta titulluar përmbledhjen e poezive të përzgjedhura me jetën e ketrit, sepse në këtë përmbledhje ka poezi të cilat në shumë raste, në shumë momente, përfshin, përmbledhin jetën e vetë autorit dhe jetën e njerëzve me të cilat ai ka jetuar. Dhe për fund dua të them se sikur Murat Isaku të ishte gjallë, do t’i kishte falur të gjitha librat, ashtu siç i ka falur të gjitha librat e botuara paraprakisht. Prandaj sonte, në panel ka 50 libra, të cilat do t’i falim njësoj, sikur vetë autori të jetë gjallë”, theksoi, Prof. Dr. Luljeta Isaku.

Referatin për jetën dhe veprën e shkrimtarit e paraqiti profesori i letërsisë shqiptare, Doc. Dr. Salajdin Salihu, i cili theksoi se nëpërmjet gjuhës, fjalës, Murat Isaku krijoi një kështjellë monumentale artistike, të ëndërrt e flatërore, duke përdorur shajni e makthe, hije e delire, dhembje dhe zhgënjime, tragjikë e groteskë. /Art Channel/

 

 

më shumë
KultureVideo

“METAFORA”: SHËNOHET DITA BOTËRORE E POEZISË

Manifestimi shënohet me aktivitete të ndryshme


Për ta shënuar Ditën botërore të Poezisë, Klubi letrar “Metafora”, para publikut tetovar, organizoi edicionin e dytë të Manifestimit letrar ndërkombëtar “Shtigje poetike”. Manifestimi u mbajtë në Galerinë e Arteve Pamore në Tetovë.

Organizata për Edukim, Shkencë dhe Kulturë e Kombeve të Bashkuara,  në kuadër të kësaj dite, bëri thirrje për zhvillimin e aktiviteteve kulturore në nivel lokal e ndërkombëtar, në institucione publike e private, duke përfshirë këtu shkolla, bashki, muzeume, shoqata kulturore, shtëpi botuese etj. Manifestimin e shpalli të hapur Kryetari i Shoqatës për kulturë dhe art, “Tradita”, Selam Sulejmani.

Ky mmanifestim u shoqërua edhe me leximin e poezive nga krijuesë dhe profesorë të ndryshëm. /Xh. I. /

më shumë
Kulture

KUMANOVË: TAKIMET POETIKE TË KARADAKUT

Screenshot_6

Promovime dhe botimi i monografisë


 

Në pjesën e parë të edicionit të 26-të të Takimeve poetike të Karadakut , në Kumanovë, u bë promovimi i botimeve të fundit të klubit të shkrimtarëve të Kumanovës , përkatësisht: monografia: “Klubi i Shkrimtarëve JEHONA Е KARADAKUT – Një çerekshekull”; Revista “Doruntina” nr.52/53; “Rrethi që pret përjetësinë” – roman i Bejtush Memetit; “Psherëtima të pakënduara” – përmbledhje poetike nga Arben Ibrahimi, dhe “Kurorë” nga Fatos Rushiti.

Kryetari i klubit dhe një nga përpiluesit e monografisë, Sevdail Demiri, tha se shpresojmë që me këtë botim kemi hedhur një hap drejt arkivimit të një veprimtarie të rëndësishme çerekshekullore të sferës së kulturës kumanovare dhe mbarëshqiptare.

“Tani jemi pak më të qetë, kur e dimë që një pjesë e madhe e kujtesës sonë, ruhet brenda këtyre kopertinave, dhe do t’u mbetet një trashëgimi e pasur gjeneratave të ardhshme të cilat shpresojmë se edhe më tutje do ti avancojnë këto procese”, tha Sevdail Demiri.

Rreth botimeve tjera, përpos autorëve, folën edhe recensentët Burhanedin Xhemaili, Bejtush Memeti, Kalosh Çeliku e Arben Ibrahimi, të cilët vlerësuan lartë arritjet estetike në këto vepra të letërsisë bashkëkohore.   Gjatë mbrëmjes, në Likovë u mbajt Ora e madhe letrare në kuadër të manifestimit “Takimet Poetike të Karadakut – 2018”. Fillimisht këtë festival të  poezisë  e përshëndetën Kryetari i Komunës së Likovës, Erkan Arifi dhe sekretari shtetëror i Ministrisë së Kulturës, Valmir Aziri.

“Ne bëjmë një histori kulturore duke i respektuar të gjithë poetët dhe autorët që manifestojnë kulturën tonë shqiptare “ tha kryetari i Likovës Rekan Arifi.

“Pa dyshim është një ndjesi për të gjithë ne që jemi pjesë e kësaj feste kulturore e letrare , në kujtimin dhe nderimin e djersës dhe sakrificës së rinisë studentore shqiptare të vitit 1981 dhe në nderim të të gjithë atyre brezave që dhanë shumë mund , djersë e gjak e deri në brezin e 2001 për një jetë më të mirë të gjithëve” ,tha sekretari shtetëror në Ministrinë e kulturës, Valmir Aziri.

Në vazhdim me poezitë e tyre konkuruese u prezantuan mbi 40 poetë, kurse juria e manifestimit ndau tre çmimet për poezitë më të mira edhe atë Vendi i parë poetes nga Fieri i Shqipërisë Majlinda Nana-Rama, vendi i dytë poetit nga Kosova, Fehmi Ajvazi, dhe vendi i tretë poetit nga Kumanova, Nazmi Beqiri. /Art Channel/

më shumë
Kulture

ÇMIMET OSCAR: “THE SHAPE OF WATER” FILMI MË I MIRË

auto_2018-03-05T053810Z_1229118521_HP1EE350FNLJN_RTRMADP_3_AWARDS-OSCARS1520237441

Geri Oldman dhe Frensis Mekdermot aktorë më të mirë


 

Drama romantike “The Shape of Water” fitoi çmimin Oscar si filmi më i mirë. Ceremonia e 90-të e ndarjes së Oscar-it u mbajt të dielën në Llos Angjelles. “The Shape of Water”, një film nga regjisori Guillermo del Toro, që flet për një grua pastruese, e cila bie në dashuri me një krijesë të çuditshme të lumit, ka pasur 13 nominime, ndërsa ka fituar katër.

Filmi “The Shape of Water”, në regji të regjisorit meksikan Gilermo del Toro është shpërblyer me Oskar për filmin më të mirë, në ceremoninë që sonte u mbajt në Teatrin Dolbi në Los-Anxhelos. Del Toro e fitoi çmimin edhe për regjisor më të mirë. “The Shape of Water” ishte i nominuar në 13 kategori, ndërsa çmime fitoi vetëm për katër.

Oskar si aktori më i mirë fitoi Geri Oldman për rolin në filmin “Darkest Hour”, në të cilin në mënyrë maestrale e ringjalli Uinston Çerçilin. Frensis Mekdermond fitoi oskar si aktorja më e mirë për rolin kryesor femëror në filmin Three Billboards Outside Ebbing, Missouri”.  Oskar për film jashtë rajonit anglisht-folës fitoi Kili, në realizimin e Sebastian Lejl, “A Fantastic Woman”. Në këtë film rolin kryesor e luan një person transgjinor.

Një prej befasive më të mëdha në ndarjen e Oskarëve ndodhi në kategorinë film dokumentar. Oskar fitoi “Icarus” në të cilin flitet për gjoja dopingun e sportistëve në Rusi. Ylli i basketbollit Kobi Brajant u shpërblye për filmin e shkurtër të animuar “Dear basketball”. /Art Channel/

më shumë
Kulture

BRIT AWARDS 2018: DUA LIPA DHE RITA ORA YJE TË MBRËMJES

MAIN-Rita-Ora-at-Brit-Awards-650×358

Dua Lipa fituese e dy trofeve  


Sukseset e këngëtares shqiptare, Dua Lipës nuk kanë të ndalur. 22-vjeçarja ka qenë personazhi kryesor i edicionit të sivjetmë Brit Aëards, ku shkëlqeu si nga dukja ashtu edhe në aspektin profesional. Ajo rrëmbeu dy trofe, kurse shqiptarja tjetër Rita Ora gjithashtu ishte njëra prej yjeve të mbrëmjes.

Dua Lipa, Këngëtarja shqiptare me famë botërore bëri historinë duke u bërë femra e parë që konkurroi në pesë kategori.Ajo arriti të rrëmbente dy trofe në këtë ngjarje të madhe muzikore dhe është një fituese e madhe e evenimentit të madh britanik të ndarjes së çmimeve muzikore.

Në skenën e mbrëmshme në Londër, Dua mahnitëse interpretoi hitin “New Rules” duke krijuar atmosferë mbresëlënëse.

Pjesë e këtij evenimenti të madh muzikor ishte edhe këngëtarja tjetër shqiptare, Rita Ora, e cila nuk ishte e nominuar, por ishte një prej yjeve që performuan në skenë. /Agjencitë/

më shumë
1 2 3 8
Page 1 of 8