close

Emisione

EmisioneTop LajmeVendi

KLAN DEBAT: KULTURA MES KUDHRËS E ÇEKANIT

klandebat

Ademi – Prioriteti im mbetet miratimi i Marrëveshjes Kolektive


Ministri i Kulturës Asaf Ademi, ka folur me tone optimiste për financimin e kulturës gjatë vitit të ardhshëm, me një zotim të theksuar, si është shprehur ai, zero tolerancë për shpërdorimet e mundshme në dikasterin që ai drejton, por edhe në të gjitha institucionet tjera të kulturës. Ndërkohë sindikata e punonjësve të kulturës këtë fundvit kanë ngritur zërin që punonjësit e kësaj fushe të kenë një status më të avancuar, dhe në mënyrë që, kështu, të vijnë në shprehje aftësitë profesionale, pra ajo që quhet meritokraci, e jo kritere të tjera qofshin ato partiake apo politike. Në fakt, si është sot gjendja e kulturës në përgjithësi, por edhe e asaj shqiptare në veçanti, cili është, e cili duhet të jetë, raporti i politikës me kulturën, dhe anasjelltas, a ka improvizime dhe valorizim të vlerave dhe përse bëhet zhurmë për financimin e projekteve kulturore.

Ministri i Kulturës, Asaf Ademi, thotë se misioni i tij është që ky institucion ta rris nivelin e kulturës për të gjithë, nuk do të ketë ndarje, as etnike as politike, thotë Ademi.

Salajdin Salihu thotë se shqiptarët në Maqedoni nuk i kanë Institucionet shtetërore që funksionojnë të pavarura, pra politika e ka për detyrë t’i krijojë këta institucione, dhe këta institucione të futen në dimensionin e vlerës dhe cilësisë.

Berat Saliu, drejtori i Teatrit në Gostivar, thotë se projektet e shqipatëve, shpesh financohen shumë më pak se ato të maqedonasve, dhe në fund kanë qenë të detyruar që ta realizojnë një projekt me produksion privat, gjë e cila është një “luftë” për ta mbajtur gjallë një shfaqe.

Nga ana tjetër, Fatos Lumani, Drejtor i Ansamblit të Këngëve dhe Valleve Popullore Shqiptare, thotë se për të funksionuar dhe për t’u ngritur niveli kulturor, duhet bashkëpunim mes institucioneve dhe strategji nacionale.

Në Klan Debat u bisedua edhe për politizimin e institucioneve, që është një ndër problematikat më të mëdha në vend, kapacitetet si shqiptar për të pasur autonomi mbi institucionet që funksionojnë nëpër qytete, sa kemi mundësi reale për të pasur një autonomi të tillë, pse hapen institucionalisht teatro a në fakt nuk ka as objekt për të njëjtin, keqpërdorimet që janë bërë në konkurse dhe përkrahjet financiare për projekte, si dhe problematikat e ndarjes, si politike ashtu edhe etnike e fetare brenda këtyre institucioneve. /Klan Maqedonia/

 

read more
EmisioneTop LajmeVendi

KLAN DEBAT: ARSIMI SIPËROR NË UDHËKRYQ-PROBLEME DHE SFIDA

Screenshot_1

Ademi: Ligji i ri, rifillim i duhur për reformat në arsimin e lartë


Reformat në arsimin e lartë të cilat filluan me miratimin e ligjit të ri për arsim të lartë që u soll në Maj të këtij viti, sollën në pikëpyetje shumë çështje të cilat mbeten ende të pazgjidhura. Mbrëmë në Klan Debat u diskutua mbarëvajtja e këtyre reformave si dhe efikasiteti gjithëpërfshirës në këtë proces, bashkë me Ministrinë e Arsimit dhe rektorët e UEJL-së dhe ‘Nënë Terezës’.

Ndryshimet e fundit në ligjin për arsimin e lartë, në të cilin do të përfshihen edhe statusi edhe organizimi i Universitetit, detyrave të Senatit, mënyrës së menaxhimit të fakulteteve dhe organizimit studentor, sollën shumë polemika në mënyrën e realizimit dhe efikasitetit. Në Klan Debat, mbrëmë, ministri i Arsimit dhe Shkencës Arbër Ademi thotë se me këtë ligj u krijuan kushte solide për t’i rifilluar bazat e reformave në arsimin e lartë.

Rektori i Universitetit të Europës Juglindore, Abdulmenaf Bexheti thotë se në këto reforma, ndarja e buxhetit për t’i realizuar pikat kyçe të ligjit të ri dy vitet e fundit, janë më të lartat në histori që janë ndarë ndonjëherë për universitetet shqiptare.

Nga ana tjetër, rektori i Universitetit ‘Nënë Tereza’, Aziz Pollozhani thotë se ligji është vetëm një fillim dhe nuk i tejkalon të gjitha sfidat që arsimi i lartë i has në vend.

Gjatë viteve të fundit ligji për arsimin e lartë tërë kohën ndryshonte dhe nuk dihej qartë se cilat ndryshime vlenin dhe cilat anuloheshin. Profesorët disa herë u ankuan për këtë çështje, por tani siç duket po i vjen fundi këtij procesi kaotik me fillimin e implementimit të reformave në arsimin e lartë.

 

 

read more
Emisione

KLAN DEBAT: ARSIMI SIPËROR NË UDHËKRYQ-PROBLEME DHE SFIDA

Screenshot_1

Miratimi i Ligjit të ri për Arsimin e Lartë, në muajin maj të këtij viti, nga autori – Ministria e Arsimit, u promovua si një arritje që garanton autonominë e univeristeteve dhe, si rezultat i kësaj pritet edhe rritja e cilësisë së mësimdhënies e mësimnxënies. Po cilat janë problemet dhe sfidat e arsimit të lartë në gjuhën shqipe në Maqedoni; a janë universitetet tona qendra të zhvillimit të dijes, cilësisë së stafeve akedemike dhe stimulimit të kërkimit shkencor, apo qendra ku nuk është i vështirë sigurimi i një diplome; A ka hile në mënyrën e financimit të universiteteve publike e pse jo edhe në rangimin e tyre; çfarë janë lidhjet mes universiteteve dhe tregut të punës?

Për këtë dhe çështje e dilema të tjera që lidhen me arsimin e lartë në emisionin e përjavshëm ‘Klan Debat’ të Seladin Xhezairit, flasin ministri i Arsimit dhe Shkencës, Arbër Ademi, dhe Rektorët e Universitetit të Evropës Juglindore dhe atij ‘Nënë Tereza’, Abdylmenaf Bexheti e Aziz Polozhani.

Na ndiqni, si çdo të mërkurë, me fillim në ora 20:30 minuta!

 

 

read more
Intervista

INTERVISTË ME PRESIDENTIN SHQIPTAR, ILIR META

Screenshot_3

Presidenti Ilir Meta në këtë intervistën dhënë për TV Klan Maqedoni komenton ngjarjet e fundit politike në vend, ai thotë se arratisja e Gruevskit hetohet edhe në Shqipëri. Sa i përket marrëdhënieve dypalëshe, vlerëson se pas marrëveshjes Greqi-Maqedoni do të ketë perspektiva ende më të mira.

President si i vlerësoni marrëdhëniet Shqipëri-Maqedoni? A ka fusha ku bashkëpunimi duhet rritur?

Pa asnjë diskutim, bashkëpunimi duhet rritur në të gjitha fushat sepse mundësitë janë shumë të mëdha, vullneti mendoj i dy vendeve tanë, popujve tanë, qeverive tona, është maksimal, por edhe zhvillimet e fundit, jo vetëm në Shqipëri, por sidomos edhe në Maqedoni, mendoj se janë shumë premtuese sidomos ecuria dhe përfundimi me sukses i marrëveshjes sw Maqedonisë me Greqinë, do të çelë një perspektivë të shkëlqyer edhe për avancimin më të shpejtë dhe më konkret i të gjithë shkëmbimeve tona në të gjitha fushat.

Kultura duhet t`i afrojë, e jo t`i ndajë njerëzit? Këtu tek ne fitohet përshtypja se autoritetet shqiptare kanë bërë shumë pak për avancimin e kulturës shqiptare në Maqedoni. A duhet një angazhim më i madh gjithëshqiptar, ja të themi, për Kongresin e Manastirit, ndërtesën e alfabetit shqip këtu në Manastir?

Pa asnjë diskutim, kultura është e pazëvendësueshme, pasi është një ushqim shpirtëror dhe është një frymëzim afatgjatë për bashkëpunimin dhe në këtë drejtim mendoj që shumë më tepër do të bëjmë në të ardhmen. Kemi diskutuar edhe me ministrin tuaj të Kulturës për një bashkëpunim më të mirë mes Shqiprisë dhe Maqedonisë, por edhe mes Shqipërisë, Maqedonisë dhe Kosovës dhe jam i bindur që në përvjetorët e tjerë, edhe të kongresit të Manastirit, kjo do të demonstrohet më qartë.

Zoti President, nuk mund ta anashkalojmë politikën në veçanti rastin Gruevski. Si e komentoni këtë arratisje të ish-Kryeministrit të Maqedonisë?

Mendoj se është një arratisje zhgënjyese, për arsye se z. Gruevski ka qenë një udhëheqës i niveleve më të larta, Kryeministër për 10 vjet dhe Kryetar i VMRO-së për ndoshta 15 vite, mos gabohem, mendoj se çdo deklaratë është e pajustifikueshme, unë nuk mund të bëj komente lidhur me çështjet e brendshme të Maqedonisë, por ajo që mund të them është se politikanë të niveleve të tilla, gjithmonë duhet të përballen me drejtësinë dhe nuk duhet t’i zhgënjejnë pasuset e tyre.

Informacionet thonë se ai ka shfrytëzuar ilegalisht territorin shqiptar për t`u arratisur? A duhet kërkuar përgjegjësi edhe nga autoritetet shqiptare? Dhe si ka mundësi që një vend anëtar i NATO-s të bëjë lëshime të këtilla?

Nuk besoj në asnjë rast se kemi të bëjmë me një lëshim apo tolerancë apo mosrespektim të ligjeve nga ana e Shqipërisë, por ky është një proces në hetim dhe që do të evidentojë të gjithë këtë të vërtetë, edhe personat përgjegjës për një rast të tillë.

/Teuta Zekiri/

 

read more
Emisione

KLAN DEBAT: SHTET POLICOR APO SHTET I SË DREJTËS?

Screenshot_1

Debat për arratisjen e Gruevskit dhe reformat në MPB


Megaskandali i përgjimeve në Maqedoni që çoi vendin në krizë të thellë politike dhe ndryshimet që pasuan, shpëfaqi në formën më të vrazhdët gjithë shëmtinë e mosfunksionimit të institucioneve, veçmas të atyre që janë shtyllat e shtetit të së drejtës: sistemin gjyqësor, atë të policisë dhe për pasojë edhe parregullsitë në zgjedhje, instrumentalizimin e medias. Se cila ishte përgjegjsia e institucioneve për arratisjen e Gruevskit u diskutua në emision Klan Debat.

Arratisja e Gruevskit, ngjalli dyshime të shumta në funksionimin e Institucioneve Shtetërore në Maqedoni. Në Klan Debat, mbrëmë, Zv. Ministri i Punëve të Brendshme Agim Nuhiu thotë se Ministria e brendshme nuk është fajtor direkt sepse institucionalisht do të duhej gjykata të marrë vendim për masa sigurie dhe pastaj MPB-ja ta zbatojë atë.

Profesorët Universitarë Qebir Avziu dhe Bashkim Selmani thonë se duke e pasur parasysh se Gruevski nuk është një person I thjeshtë dhe ka pasur rrezik të lartë qw ai të arratiset, këtë nuk e ka marrë përsipër as Gjykata as PSP-ja e as Ministria e Punëve të brendshme.

Reformat në Ministrinë e Brendshme, Gjykatë, Institucionet shtetërore si dhe luftën kundër krimit të organizuar, të sjellura nga plani I Pribesë, erdhën si pasojë e temës paraprake ku zv. Ministri I punëve të brendshme Agim Nuhiu thotë se kjo ministri është e para që ka filluar me reformat, duke e theksuar përfaqesimin e drejtë të shqiptarëve në të gjitha sektoret, dhe luftën kundër krimit.

Sa i përket avancimin e të punsuarve shqiptarë në MPB  profesori Selmani tha nuk është në nivel të duhur. Nga ana tjetër Prof. Avziu thotë se lufta kundër krimit ka qenë dukshëm më funksionale se në të kaluarën.

Në këtë debat gjithashtu u diskutua për reformat në agjencinë e re Operative Teknike, reformat në drejtoritë e MPB dhe funksionimi i së njëjtës mos jetë i ndikuar nga politika.

 

read more
1 2 3 82
Page 1 of 82