close

Ekonomi

EkonomiTop LajmeVendi

QEVERIA: MIRATOHET BUXHETI PËR VITIN 2019

qeveria-e-rm-mbledhje_1542275041-9665702

Para për mjedisin jetësor, zhvillim rajonal dhe infrastrukturë


Qeveria e Maqedonisë në seancën, 109, e ka miratuar Propozim-Buxhetin e Republikës së Maqedonisë për vitin 2019, të harmonizuar në mënyrë përkatëse sipas amendamenteve që kanë dalë nga diskutimi për buxhetin në Kuvend.

Në pajtueshmëri me amendamentet të cilët kanë ardhur nga shumica parlamentare dhe opozita në diskutimin për amendamentet, në Propozim-Buxhetin për vitin 2019 janë bërë plotësime të vlerave buxhetore në programet për mbrojtje të mjedisit jetësor, në fokus të masave për ajër më të pastër, të infrastrukturës lokale dhe të programeve për zhvillim të rajoneve planore, por edhe të rritjes së mbështetjes buxhetore për punën e një pjese të ministrive, agjencive dhe organeve tjera shtetërore.

Intervenime përkatëse pas diskutimit të amendamenteve në Kuvend, janë bërë edhe për një pjesë të programeve për Universitetin “Shën Kirili dhe Metodi”. Në seancën e Qeverisë janë konstatuar dhe udhëzimet për nivelizim të rrogave në kulturë, për çka aktivitetet duhet të fillojnë që nga janari i vitit 2019, në pajtueshmëri me planifikimin e shpenzimit të buxhetit për vitin e ardhshëm.

Të ardhurat e përgjithshme të Buxheti të Maqedonisë për vitin 2019 janë planifikuar në nivel prej 210.8 miliardë denarë, ndërkaq shpenzimet janë planifikuar prej 228.5 miliardë denarë. Kështu të ardhurat e planifikuar dhe shpenzimet rezultojnë me ulje të deficitit buxhetor në nivel prej 2.5% nga Bruto Prodhimi Vendor (BVP) ose 17.7 miliardë denarë në vlerë absolute. Deficiti i planifikuar është në pajtueshmëri me Strategjinë Fiskale të Maqedonisë 2019 – 2021, e cila në seancën e sotme të Qeverisë së Maqedonisë është miratuar si informatë dhe e cila bashkë me propozimin përfundimtar të plotësuar për Buxhetin e viti 2019, do të dërgohet në Kuvend për t’u Miratuar. /Klan Maqedoni/

 

read more
EkonomiTop LajmeVendi

KATALOGU “TOP 100”: OEMVP SHPALLI KOMPANITË MË TË MIRA

Screenshot_1

Kryeministri paralajmëroi zvogëlimin e gjobave deri 60%


Në promovimin e Katalogut “Top 100” përveç Kryeministrit Zaev kanë marrë pjesë edhe Kryeparlamentari Talat Xhaferi, Zv/Kryeministri Bujar Osmani dhe përfaqësues tjerë qeveritarë, ambasadorë, afaristë, por edhe lideri i VMRO-DPMNE-së Hristijan Mickovski.

Afaristët thonë se edhe më tej do të mbetet kritikues të ashpër të politikave ekonomike qeveritare, por gjithashtu do të vazhdojnë me kooperativitetin, duke propozuar zgjidhje për klimë më të mirë dhe më konkurruese të biznesit. Kryetari i OEMVP-se Nebi Hoxha gjatë manifestimit tradicional theksoi se pavarësisht peripecive me të cilat kompanitë janë përballur me krizën ekonomike viteve të fundit, ata kanë arritur suksese.

Kryeministri Zoran Zaev ka potencuar se dënimet për firmat e vogla, me ligjin e ri do të zvogëlohen për 60% dhe gjobat maksimale do të jenë nga 20 deri në 2000 euro, për dallim nga gjobat e ligjit paraprak që arrinin deri në 5000 euro. Ai shtoi se arritjet e kompanive janë sukses edhe për shtetit duke ndikuar drejtëpërsëdrejti ne rritjen e Bruto Prodhimit Vendor.

Fitues i Top 100 ishte kompania Neptun. Përfaqësuesi i kësaj kompanie Arsim Papraniku theksoi se pavarësisht krizës ekonomike kompania ka arritur majat e suksesit. Ndryshe, Qarkullimi vjetor i kompanisë Neptun është mbi 53 milionë euro.

Nga 24 mijë ndërmarrjet shqiptare në Maqedoni, 100 kompanitë e përzgjedhura nga OEMVP kanë arritur qarkullim vjetor prej 661 milionë euro, ndërsa fitimi u kompanive ka arritur vlerën e 46 milionë eurove. Vendi i tretë i takoi kompanisë “Bas Tuti Fruti” kurse vendi i dytë zinxhirit të marketeve Kipper. /Klan Maqedoni/

 

read more
Ekonomi

KATARI TËRHIQET NGA “OPEC”: AL KAABI-DO TË FOKUSOHEMI NË PRODHIMIN E GAZIT NATYROR

AFP-TV_20181203_FIN_QAT_EnergyOpec_VID1272400_EN_en-660×330

Xhaferi: Ky është një hap i mirë për ambientalizmin


Katari do të tërhiqet nga Organizata e shteteve eksportuese të naftës OPEC, organizatë e 15-të shteteve që e marrin dhe e eksportojnë naftën. Këtë deklaratë e ka dhënë ministri i Energjetikës së Katarit. Profesori Dr. Seadin Xhaferi thotë se ky është një hap i mirë për ambientalizmin ku gazi natyror do të përdoret çdo ditë e më shumë.

Ministri i Energjetikës në Katar, Al Kaabi, ka thënë se në fakt ata janë një pjesë e vogël e organizatës botërorë për prodhim dhe eksportim të naftës OPEC dhe si biznesmen, thekson ai, nuk ka kuptim të fokusohemi në gjëra të cilat nuk janë më e mira jonë, të fokusohemi te gazi natyror. Al Kaabi shtoi se vendimi për rritjen e prodhimit të gazit natyror synonte “zhvillimin e një strategjie të ardhshme të bazuar në rritjen dhe zgjerimin e veprimtarive vendore dhe të jashtme.

Profesori universitar Dr. Seadin Xhaferi, thotë se ky është një hap i mirë për botën sepse në këtë mënyrë do të shtohet përdorimi i gazit natyror dhe kështu do të përmirësohet gjendja e ndotjes së ambientit.

Katari është kyçur në OPEC në vitin 1961, një vit pas themelimit të kësaj organizate. Kohë më parë, OPEC dhe Rusia, të cilat së bashku prodhojnë gati 40 % të naftës botërore, thanë se kanë arritur një marrëveshje të re për uljen e prodhimit të naftës, për t’u siguruar që çmimet të mos bien shumë në muajt e ardhshme. Profesor Xhaferi thotë se tërheqja e Katarit nga tregu nuk do të shkaktojë lëvizje në çmimet e naftës.

Në Shtator, Katari paralajmëroi se do ta rrisë prodhimtarinë e gazit natyror, duke e shtuar edhe linjën e katërt për t’i arritur kapacitetet e Fushës së Veriut në 110 milionë tonë në vit. Mendohet se e gjithë kjo vjen pas bllokadës së Katarit që ia imponoi Arabia Saudite, Emiratet e Bashkuara, Egjipti dhe Bahraini, por në këtë, Katari është kundërpëgjigjur duke thënë se kjo çështje është diskutuar muaj më parë. Gjithashtu kanë shtuar se nëse realizohet tërheqja, kjo do të duhet të ndodhë deri në fund të vitit. /Teuta Zekiri/

 

read more
EkonomiVendi

TAKIM I KOMITETIT NACIONAL INVESTUES: DEFINOHEN PRIORITETET 

Untitled_Panorama1

Realizimi gjatë periudhës së ardhshme


Zëvendës-kryetari i Qeverisë për Çështje Evropiane, Bujar Osmani, në rolin e IPA koordinatorit Nacional (NIPAK), së bashku me kolegun e tij, Zëvendës-kryetar i Qeverisë për Çështje Ekonomike, Koço Angjushev kryesuan takimin e sotëm të Komitetit Nacional Investues në përbërje të plotë, në të cilën krahas përfaqësuesve të qeverisë të përfshirë ishin edhe donatorët më të mëdhenj të ndihmës së huaj për projektet e mëdha në Maqedoni.

Siç thuhet në komunikatë, deri më tani, vetëm përmes instrumentit “Korniza Investuese e Ballkanit Perëndimor” janë shfrytëzuar 112,8 milionë euro për realizim të 29 projekteve të financuar nga ana e Komisionit Evropian. Në kuadër të thirrjes së tretë nga korniza investuese –vazhdon komunikata- dy projektet e paraqitura, me vlerë të përgjithshme rreth 23 milionë euro morën dritë jeshile politike në Samitet në Londër dhe Sofje, si dhe vlerësim pozitiv nga“Korniza Investuese e Ballkanit Perëndimor” ku dhe pritet miratimi përfundimtar muajin e ardhshëm.

Në vazhdim u njoftua edhe për listën e projekteve investuese prioritare, që Qeveria miratoi në mbledhjen e djeshme, ku dhe u definuan projektet ku donatorët do të mund të kontribuojnë me grante për realizimin e tyre në kuadër të thirrjes së katërt . Projektet e mëdha për të cilat do të kërkohen grante janë për autostradën Shkup –Blacë për ndërlidhjen e Maqedonisë me autostradën nga ana e Kosovës, ku do të kërkohen grante nga 26,7 milion euro, më pas kalimi i përbashkët kufirit hekurudhor me Serbinë në Tabanovc në vlerë prej më shumë se 5 milion euro, si dhe lidhja gazifikuese me Republikën e Greqisë prej 10 milion eurosh. /Klan Maqedoni/

 

read more
EkonomiTop LajmeVendi

ODA EKONOMIKE: TË RRITET CILËSIA E ARSIMIT FORMAL DHE JOFORMAL

Oda-Ekonomike-e-Maqedonise-780×439

Trimçev: Mungojnë bukëpjekësit, ndërtimtarët dhe mekanikët


Oda Ekonomike e Maqedonisë në konferencën e sotme për shtyp bëri thirrje që të rritet cilësia e arsimit formal, kurse ai joformal të mundësojë përshtatje më të shpejtë ndaj kërkesave dhe nevojave të tregut të punës.

Mungesa më e madhe e kuadrove qëndron te ato profesionalet, ndërtimtarët, mekanikët, bukëpjekësit. Sipas Boris Trimçev nga Oda Ekonomike e Maqedonisë, ende shkollimi i lartë llogaritet si më atraktiv, kurse shkollat e mesme profesionale paragjykohen, edhe pse kompani të ndryshme ofrojnë paga solide për personat me shkollë të mesme profesionale.

“Ende shkollimi i lartë te na llogaritet si më atraktiv se shkollimi i mesëm profesional, prandaj në vitin 2019 planifikojmë të inkuadrojmë një fushatë të kompletuar e cila ka për qëllim ta përmirësojë imazhin e arsimit profesional. Kemi shembuj shumë pozitivë nga tregu, ku kompanitë të cilat punësojnë persona me arsim të mesëm profesinal, ofrojnë paga solide. Kushtet e punës janë në nivel me standardet bashkëkohore, dhe duam të fokusohemi në praktikat pozitive të cilat ekzistojnë edhe te ne.” –tha Boris Trimçev, Oda Ekonomike.

Oda Ekonomike si masë urgjente për mungesën e këtyre kuadrove do të bëjë rikualifikime dhe kualifikime shtesë, por, nga viti i ardhshëm do të kyçet me fushata serioze edhe në reformat e arsimimit formal. Daniela Mihajlovska Vasilevska nga Oda Ekonomike thotë se i gjithë ky projekt do të zgjasë 10 vite, ku gjithashtu do të bëhen edhe monitorime brenda kompanive.

“Roli ynë si odë ekonomike do të jetë një lidhëse e sektorit privat dhe kompanive të cilat kanë nevojë direkte për kuadro të tilla. Segmenti i dytë do të jenë reformat serioze në arsimimin formal i cili duhet të bëjë ndryshime serioze, sepse përvoja nga terreni tregon se ka problem serioz me deficitin e punëtorëve të kualifikuar. Ata që tani dalin nga shkollat e mesme nuk i përmbushin standardet dhe nevojat e kompanive.” – deklaroi Daniela Mihajlovska Vasilevska.

Derisa në vendin tonë bëhen përpjekje për vendosjen e arsimit dual, në suaza evropiane, tashmë promovohet i ashtuquajturi sistem me tre nivele në arsim, ku përveç shkollave dhe kompanive, janë të përfshira edhe aftësitë dixhitale. /Klan Maqedoni/

 

read more
Ekonomi

EKONOMI: PREZANTOHET BUXHETI QYTETAR PËR 2019-ën

kocho_angjushev_1.jpg

Angjushev: 1.1 miliard denar për punësim


Zëvendës-kryeministri i angazhuar për çështje ekonomike, Koço Angjushev sot prezantoi buxhetin qytetar për vitin 2019. Sipas Angjushev, do të sigurohen më shumë para për qytetarët, rritje ekonomike, paga më të larta dhe jetesë më e mirë.

Zëvendëskryeministri i Qeverisë i angazhuar për Çështjet Ekonomike dhe për Koordinim me departamentet ekonomike, Koço Angjushev, prezantoi sot buxhetin qytetar për vitin 2019 dhe programet ekonomike. Siç theksoi Angjushev, me buxhetin e vitit 2019-të të përgatitur nga qeveria e LSDM-së, do të sigurohen më shumë para për qytetarët, rritje ekonomike, paga më të larta dhe jetesë më e mirë.

Treguesit makroekonomik thonë se ka rritje të BPB-së  prej 3.2% ndërkaq, defiçiti buxhetor nga viti I kaluar është zvogëluar për 2.5%. Treguesit thonë se ka rritje prej 4.2% në bruto investimet bazë, ndërkaq shkalla e papunësisë është ulur për 20%.’

Angjushev poashtu deklaroi se do të ketë rritje pagash edhe tek punonjësit shëndetësorë.

‘1,1 miliard denar do të përdoren për të inkurajuar punësimin, do të ketë rritje të pagave prej 5% tek të punësuarit e shëndetit publik, kurse për mjekët specialistë rritje të pagave prej 10%.  Poashtu, rritje pagash do të ketë edhe tek të punësuarit e çerdheve me 5%.’

Poashtu siç informoi Angjushev janë ndarë rreth 26.2 miliardë denarë për investime kapitale, ku 5.2 miliardë denarë parashihen për infrastrukturën rrugore dhe hekurudhore. Deri në vitin e ardhshëm pritet të ketë 80% buxhet më të lartë për gazifikimin, 3.3 miliardë denarë do të investohen për zhvillimin rural, 475 mln denarë do të ndahen për investimet kapitale për ndërtim të infrastrukturës në zonat teknologjike – industriale zhvillimore./KLAN M/

read more
Ekonomi

SHKUP: NGA MESNATA ULEN ÇMIMET E DERIVATEVE

Nafta–780×439

Çmimi i benzinës nga mesnata do të ulet për 4.5 denarë, ndërsa i dizelit për 3 denarë si dhe i vajit ekstra të lehtë për 3.5 denarë, njoftoi kryetari i Komisionit Rregullator për Energjetikë, Marko Bilsimovski.

“Sot kemi një nga uljet më të mëdha të çmimeve të benzinës dhe dizelit nga kur ekziston Komisioni Regullator për Energjetikë. Kjo rritje nuk është shërbimi ynë, siç ishte edhe shtrenjtimi më parë jo për fajin tonë, por bëhet sipas trendëve të berzës së naftës”, deklaroi Bislimovski. /Klan Maqedoni/

read more
EkonomiVendi

ZHVILLIMI I BIZNESEVE: PËRKRAHJE FINANCIARE PËR TË NXITUR BIZNESMENËT

Screenshot_2

Debate rreth Tatimit Progresiv


Fondi inovativ për zhvillimin e bizneseve në rajonin e Pollogut ishte tema e takimit të sotëm në UEJL mes ministres së investimeve të huaja Zorica Apostollska, përfaqësuesve të OEMVP-së dhe përfaqësuesve të kompanive nga Rajoni i Pollogut.

Ministrja e investimeve të huaja, Zorica Apostolska sëbashku me përfaqësues të OEMVP-së organizuan në UEJL një takim me përfaqësues të kompanive nga Pollogu, me ç’rast prezantuan Fondin inovativ për zhvillimin e bizneseve në këtë rajon dhe masat e qeverisë për mbështetjen e investimeve nga Shtyllat e Planit të rritjes ekonomike.

Sipas Apostolskës, qëllimi i takimit ishte nxitja e biznesmenëve për investimet e tyre të ardhshme në forcimin e proceseve afariste të teknologjisë.

“Takimi i sotëm me përfaqësuesit e OEMVP-së ka për qëllim prezantimin e politikave qeveritare ekonomike dhe përkrahjet financiare me qëllim që biznesmenët të nxiten për investimet e tyre të ardhshme në forcimin e proceseve të tyre afariste të teknologjisë, të ndërmarrjeve investuese duke u pajisur me makina të reja dhe pajisje të reja, me resurse njerëzore, t’i nxisim që të hyjnë më guximshëm duke e ditur se pas investimeve të tyre, gjithsesi shteti do t’i përmbushë kërkesat e tyre, do të bëjë kthimin e parave si ndihmë financiare.”-shprehet Zorica Apostolska – Ministre e investimeve të huaja.

Drejtori i OEMVP-së, Nebi Hoxha, deklaroi se në këtë rast janë në rolin e mbikëqyrësve për arsye, siç thekson ai, të mospërsëritjen ngatërresa në marrjen e fondeve.

Ndërkaq, drejtori ekzekutiv i Odës Ekonomike të Maqedonisë Veri-Perëndimore, Drilon Iseni duke folur rreth tatimit progresiv deklaroi se për reforma të tilla është dashur të bëhet një konsultim me komunitetin e biznesit që në rast konkret një gjë e tillë nuk është bërë.

Menderes Kuçi deklaron se e përkrah tatimin progresiv dhe idenë se kush fiton të ardhura më të mëdha duhet të ketë tatimin më të lartë.

Përndryshe, sipas asaj që thanë nga OEMVP-ja, të njëjtit kanë anketuar mbi 500 biznese të cilët në mënyrë kategorike e kanë hedhur poshtë reformën e tatimit progresiv dhe prandaj nga kjo Odë kërkojnë që kjo reformë të prolongohet për një periudhë 5 vjeçare. /Blerona Jakupi/

read more
EkonomiVendi

EFEKTET E KRIZËS POLITIKE: EKONOMIA STABILIZOHET-BIZNESI ME PASOJA

Anita-Angeloska-Bezoska

Angelovska: Stabilizim në sistemin bankier, efekte në sektorin real


Ekziston një proces stabilizimi në pjesën e sistemit bankier dhe tregut devisor, mirëpo ende vërehen efekte në pjesën e sektorit real – thotë Anita Angelovska – Bezhovska, Guvernatore e Bankës Popullore të Maqedonisë në intervistën e së dielës për Radion Evropa e Lirë duke nënvizuar se ngjarjet turbulente politike kanë krijuar pasiguri në ekonominë reale.

Konteksti politik dhe pasiguria ka efekte afatgjate ndaj ekonomisë reale. Sinjalet e para janë vërejtur në vitin 2016, kurse dallimet mes pritjeve dhe realizimit kanë qenë si rezultat i pasigurisë politike – thotë Guvernatorja e Bankës Popullore të Maqedonisë Anita Angelovska Bezhovska në intervistën për Radion Evropa e Lirë.

“Këto ngjarje jo të volitshme erdhën në shprehje në vitin 2017, kur ekonomia shënoi stagnim ekonomik, rritje vetëm për 0.2%, kurse edhe në vitin 2018 lëvizjet janë anemike, rritja e realizuar në gjysmën e parë të këtij viti është vetëm 1.3%. Ngjarjet politike ndikojnë ndaj synimeve të subjekteve ekonomik, kurse këto synime janë faktor shumë i rëndësishëm për situatat në ekonominë tonë.’-tha Guvernatorja e Bankës Popullore të Maqedonisë Anita Angelovska Bezhovska.

Guvernatorja e Bankës Popullore të Maqedonisë, thotë se për momentin ekziston një proces i caktuar i stabilizimit.

“Në pjesën e sistemit bankier, tregut devisor, lëvizjet janë stabile, që shihet përmes rritjes së vazhdueshme të bazës së depozitave, lëvizjeve pozitive në tregun devisor. Do të thotë ka stabilitet, mirëpo, ende shohim efekte në pjesën e sektorit real. Shpresoj se do të ketë stabilizim të mëtejshëm, zvogëlim të mëtejshëm të pasigurisë, ngase është faktori kyc që do të dinamizojë rritjen tonë në periudhën afatmesme.’ –deklaroi Guvernatorja e Bankës Popullore të Maqedonisë Anita Angelovska Bezhovska.

Lidhur me rreziqet në skenën ndërkombëtare respektivisht ndikimi i tensioneve të mëdha në marrëdhëniet tregtare ndaj ekonomisë në Maqedoni, Guvernatorja e Bankës Popullore thotë se pasiguria ekziston dhe çdo ditë merren masa të reja në suaza globale duke sugjeruar që është e nevojshme që këto ngjarje të ndiqen me kujdes. /Klan Maqedoni/

 

 

read more
EkonomiVendi

BLERJET ONLINE: TRENDI NË RRITJE – KONSUMATORËT ME DYSHIME

Blerje_online-2-818

Në gjashtëmujorin e parë të vitit tregtia në 63 milionë euro


Konsumatorët në Maqedoni, krahasuar me ato të Evropës ende po shfaqin dyshime kur bëhet fjalë për blerje apo pagesa përmes internetit. Megjithatë, në “shitoret online” në gjashtë mujorin e parë të këtij viti janë harxhuar 63 milionë euro, që është mbi 20% më shumë se vitin e kaluar.

Tregtia online në botë çdo vit shënon rritje dhe po mbyll një numër të madh të shitoreve reale, por ky trend ende nuk është përfshirë sa duhet në Ballkan. Në Maqedoni konsumatorët janë të kujdesshëm, kurse sipas numrave, besim më të madh kanë tregtarët botëror të internetit se sa ato të vendit. Vërehet një trend në rritje.

Megjithatë, blerjet online në vend janë në rritje – thonë nga Agjencia për tregti elektronike.

‘Të dhënat më të reja për vitin 2018 krahasuar me gjashtëmujorin e parë të vitit të kaluar, janë se kemi rritje prej 20% në shitjet online. Respektivisht në Maqedoni janë harxhuar 63 milionë euro në gjashtë muaj të parë të vitit 2018 për blerje përmes internetit.’-deklarojnë nga Agjencia për Tregti Elektronike

Dyshimet ndaj pagesave dhe vendosja e të dhënave personale e bankare në internet, deri diku është e arsyeshme, në këtë kohë të sulmeve gjithnjë e më të shpeshta të hakerëve dhe keqpërdorimit të të dhënave. Për këtë shkak sipas ministrit të Shoqërisë Informatike Damjan Mançevski, po bëhen përpjekje për mbrojtje më të mirë të shfrytëzuesve vendor.

“Në këtë drejtim kemi miratuar strategjinë e re të sjaber-sigurisë, por edhe planin aksional për sajber siguri që duhet të zbatohet nga ana e institucioneve, por edhe të sektorit të biznesit.”- thotë ministri i Shoqërisë Informatike Damjan Mançevski.

Në disa vende të botës vlerësohet se blerja përmes internetit tashmë përfshinë një të tretën e tregtisë së përgjithshme. Por në Maqedoni ende po kërkohen mënyra për nxitjen e konsumatorëve individual, por edhe të sektorit të biznesit për t`i shqyrtuar përparësitë e tregtisë online. /Lindita Aliu/

 

read more
1 2 3 99
Page 1 of 99