close
Top LajmeVendi

BRUKSEL: OSMANI TAKON MOGHERININ

Osmani: Atë që e premtuam para nëntë muajsh – e bëmë!


Zëvendës-kryeministri për Çështje Evropiane, Bujar Osmani, në kuadër të vizitës së tij në Bruksel, ka mbajtur takim me Përfaqësuesen e Lartë të Bashkimit Evropian për Punë të Jashtme dhe Politikë të Sigurisë Federika Mogherini, ku prezantoi progresin e implementimit të Planit 3-6-9.

Në takim me Përfaqësuesen e Lartë të Bashkimit Evropian Federika Mogerini. Osmani prezantoi progresin e implementimit të Planit 3-6-9, si dhe progresin e realizimit të pengesave tjera politike në rrugën euro –integruese të Republikës së Maqedonisë. Ai shtoi se gjatë periudhës së kaluar Qeveria ka përgatitur një varg strategjish dhe ligje të rëndësishme reformatore, që në një procedurë transparente dhe gjithëpërfshirëse, me përfilljen e mendimeve të opozitës, sektorit civil dhe publikut, në masë të madhe janë miratuar nga Kuvendi i Republikës së Maqedonisë. “

“Pjesën e Planit 3-6-9 e kurorëzuam me mbajtjen e zgjedhjeve të drejta, të lira, dhe të besueshme që në nëntor të vitit të kaluar, e cila u konfirmua edhe në Raportin e OSBE/ODIHR, konkluzionet e së cilës u konfirmuan edhe nga ana e Delegacionit të Bashkimit Evropian në Maqedoni. Edhe në këtë moment, në këto ditë të fundit, deri sa mbajmë këtë takim, në Kuvendin e Republikës së Maqedonisë, po miratohen edhe ligjet e fundit reformuese për të cilat është e nevojshme përkrahja e dy te tretave të deputetëve dhe për çka në momentin e fundit, me opozitën, u sigurua konsensusi i nevojshëm”

Në pjesën e shmangies së pengesave politike, Osmani theksoi miratimin e ligjit për përdorimin e gjuhëve si segment fundamental e pjesës legjislative të marrëveshjes Kornizë, duke shprehur shpresë se implementimi i ligjit do të demonstroj forcën e saj unifikuese në drejtim të ndërtimit të shoqërisë së fortë, të qëndrueshme, prosperuese dhe multi-kulturore të Republikës së Maqedonisë.

“Realizuam progres historik edhe në marrëdhënie me fqinjët. Nënshkruam, dhe pas saj e ratifikuam edhe në Kuvend, marrëveshjen historike për fqinjësi të mirë me Bulgarinë, si dhe realizuam progres të rëndësishëm në komunikim me Greqinë”.

Takimi Osmani- Mogherini realizohet në prag të publikimit të Raportit të Komisionit Evropian për gjendjen dhe progresin e Republikës së Maqedonisë, i cili do të del për më pak se një javë, më 17 prill. Në kuadër të vizitës, Osmani do të realizoj takime edhe me përfaqësues tjerë të lartë të organeve të Bashkimit Evropian, mes të cilëve edhe me Genoveva Ruiz Kalavera, Drejtoreshë e Departamentit për Ballkanin Perëndimor pranë Drejtorisë për zgjerim – DGNEAR, si dhe me euro-parlamentarin Holandez Hans Van Baalen i cili kryeson grupin – “Miqtë e Maqedonisë” në Parlamentin Evropian, si dhe me Pjotr Sefarin, Shef i Kabinetit të Kryetarit të Këshillit të Evropës, Donald Tusk. /Art Channel/

 

 

Art Channel

The author Art Channel